ព័ត៌មានអន្ដរជាតិ
លោក Trump សារភាពថា នឹងចាកចេញពីសេតវិមានទាំងពិបាក
កាលពីថ្ងៃព្រហស្បតិ៍ (ថ្ងៃសុក្រនៅកម្ពុជា) លោកប្រធានាធិបតី Donald Trump បាននិយាយថា វាជារឿងពិបាកណាស់ក្នុងការទទួលស្គាល់បរាជ័យប៉ុន្តែលោកបានសារភាពថា លោកនឹងចាកចេញពីសេតវិមាននៅពេល ពេលវេលាមកដល់ប្រសិនបើតំណាងអ្នកបោះឆ្នោតជ្រើសរើសលោក Joe Biden។
ទោះបីជាយ៉ាងណាក៏ដោយ គាត់មិននិយាយថាតើគាត់នឹងចូលរួមពិធីស្បថចូលកាន់តំណែងរបស់គូប្រជែងដែរឬអត់នោះទេ។
នៅថ្ងៃបុណ្យ Thanksgiving លោកប្រធានាធិបតីបានទទួលសំណួរដំបូងពីប្រព័ន្ធផ្សព្វផ្សាយចាប់តាំងពីការបោះឆ្នោត។
លោក Trump និយាយនៅឯសេតវិមានថា វានឹងក្លាយជារឿងពិបាកបំផុតក្នុងការទទួលយកបរាជ័យពីព្រោះយើងដឹងថាមានការក្លែងបន្លំយ៉ាងខ្លាំង។
លោកប្រធានាធិបតីបាននិយាយថា លោកនឹងចុះចេញនៅថ្ងៃស្បថចូលកាន់តំណែងប្រសិនបើតំណាងអ្នកបោះឆ្នោតបានជ្រើសរើសគូប្រជែងរបស់គាត់។
នៅពេលត្រូវបានសួរថាតើគាត់នឹងចាកចេញដើម្បីធានាឲ្យមានការផ្ទេរអំណាចដោយសន្តិវិធីដែរឬទេ? លោក Trump បានប្រាប់អ្នកយកព័ត៌មាននៅឯសេតវិមានថា “ខ្ញុំប្រាកដជាចុះចេញ។ អ្នកដឹងរឿងនេះហើយ”។
ប៉ុន្តែលោកក៏បានព្រមានផងដែរថា វានឹងជាកំហុសមួយសម្រាប់អង្គអ្នកបោះឆ្នោតក្នុងការជ្រើសរើសលោក Biden នៅពេលពួកគេជួបគ្នានៅថ្ងៃទី១៤ខែធ្នូ។
លោកប្រធានាធិបតីបាននិយាយថា “ប្រសិនបើពួកគេធ្វើដូចនេះ ពួកគេនឹងធ្វើខុស”។
លោក Trump បាននិយាយខ្លាំងៗក្នុងព្រឹត្តិការណ៍សារព័ត៌មានហើយចំណុចមួយ នៅពេលត្រូវបានគេចោទសួរអំពីមូលហេតុដែលគាត់នឹងយល់ព្រមទទួលស្គាល់បរាជ័យ គាត់ខឹងសម្បាយ៉ាងខ្លាំងចំពោះអ្នកយកព័ត៌មានម្នាក់ដោយចង្អុលដាក់ហើយនិយាយថា “ខ្ញុំជាប្រធានាធិបតីសហរដ្ឋអាមេរិក។ កុំនិយាយជាមួយប្រធានាធិបតីតាមរបៀបនេះ”៕
ប្រែសម្រួលដោយ៖ Vann Vann
ប្រភព៖ Daily Mail
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)