Connect with us

ព័ត៌មានអន្ដរជាតិ

ថៃរកឃើញគ្រោងឆ្អឹងត្រីបាឡែនដែលមានអាយុកាលរាប់ពាន់ឆ្នាំ

បានផុស

នៅ

គ្រោងឆ្អឹងត្រីបាឡែនដែលត្រូវបានថែរក្សាស្ទើរតែល្អដូចដើម ហើយគេគិតថាមានអាយុចន្លោះពី ៣,០០០ ទៅ ៥,០០០ ឆ្នាំត្រូវបានគេរកឃើញនៅក្នុងប្រទេសថៃ ។ ឆ្អឹងនេះត្រូវបានគេរកឃើញនៅដើមខែវិច្ឆិកា ប្រហែល ១២ គីឡូម៉ែត្រពីឆ្នេរសមុទ្រនៅប៉ែកខាងលិចនៃរដ្ឋធានីបាងកក ។

គ្រោងឆ្អឹងដ៏វែងដែលមានប្រវែង ១២ ម៉ែត្រ ត្រូវបានគេគិតថាជាត្រីបាឡែនយក្ស Bryde ។ គេសង្ឃឹមថាការរកឃើញនេះអាចជួយក្នុងការស្រាវជ្រាវអំពីកម្រិតទឹកសមុទ្រ និងជីវចម្រុះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពដែលចែករំលែកដោយរដ្ឋមន្រ្តីក្រសួងបរិស្ថានថៃលោក Varawut Silpa-archa បង្ហាញថា ឆ្អឹងស្ទើរតែមានសភាពដូចដើមទាំងស្រុង ។ បើតាមលោករដ្ឋមន្រ្តីបានឲ្យដឹងថា រហូតមកដល់ពេលនេះគ្រោងឆ្អឹងជាង ៨០ ភាគរយត្រូវបានរកឃើញរួមមាន ឆ្អឹងខ្នង ឆ្អឹងជំនីរ ព្រុយ និងឆ្អឹងស្មាមួយចំហៀង ។

យោងតាមប្រព័ន្ធផ្សព្វផ្សាយថៃបានឲ្យដឹងថា គ្រាន់តែគ្រោងឆ្អឹងរបស់ក្បាលត្រីមានប្រវែងប្រហែល ៣ ម៉ែត្រ ។ ឆ្អឹងមិនទាន់ត្រូវបានចុះកាលបរិច្ឆេទដើម្បីកំណត់អាយុពិតប្រាកដរបស់វានៅឡើយទេ ខណៈលទ្ធផលត្រូវបានគេរំពឹងទុកនៅក្នុងខែធ្នូ ។ ផូស៊ីលនៃឆ្អឹងនៃផ្នែកខ្លះត្រូវបានគេរកឃើញនៅក្បែរឆ្នេរសមុទ្រនៃខេត្តសាមុតសាខន ។

បើតាមលោករដ្ឋមន្រ្តីបានឲ្យដឹងថា គ្រោងឆ្អឹងនឹងមានប្រយោជន៍សម្រាប់ការស្រាវជ្រាវអំពីការផ្លាស់ប្តូរកម្រិតទឹកសមុទ្រ ការវិវត្តរបស់ត្រីបាឡែន និងជីវៈចម្រុះនៅក្នុងតំបន់ ។

ត្រីបាឡែនយក្ស Bryde ដែលរស់នៅលើពិភពលោកក្នុងសីតុណ្ហភាពក្ដៅ ហើយសើម និងក្នុងទឹកត្រជាក់នៅតែត្រូវបានគេរកឃើញនៅក្នុងទឹកជុំវិញប្រទេសថៃសព្វថ្ងៃ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១១ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម