ព័ត៌មានអន្ដរជាតិ
បុរសកូរ៉េខាងជើងដែលលោតផ្លោះរបងព្រំដែនចូលកូរ៉េខាងត្បូងគឺអ្នកហាត់កីឡាម្យ៉ាង
បុរសជនជាតិកូរ៉េខាងជើងម្នាក់ដែលបានរត់ភៀសខ្លួនចេញពីប្រទេសនេះកាលពីដើមខែនេះបាននិយាយថា គាត់ធ្លាប់ជាអ្នកហាត់កាយសម្ព័ន្ធ និងកីឡាលោតថ្នោល ហើយគាត់អាចលោតពីលើរបងកម្ពស់ ៣ ម៉ែត្រតាមបណ្តោយព្រំប្រទល់អន្តរកូរ៉េ ។
បុរសដែលត្រូវបានគេរាយការណ៍ថាមានកម្ពស់ទាប និងមានអាយុជាង ២០ ឆ្នាំស្ថិតនៅក្រោមការស៊ើបអង្កេតដោយអាជ្ញាធរការពារជាតិរបស់ក្រុងសេអ៊ូលជុំវិញផ្លូវគេចខ្លួន និងបំណងរបស់គាត់ ។ មន្រ្តីទីក្រុងសេអ៊ូលបានឲ្យគាត់លោតពីរដងដើម្បីផ្ទៀងផ្ទាត់ការអះអាងរបស់គាត់ ។
អាជ្ញាធរសង្ស័យថា ទម្ងន់រាងកាយស្រាល និងបទពិសោធកាយសម្ព័ន្ធរបស់គាត់អាចជួយដល់ការរត់គេចខ្លួននេះ ។
យោធាបាននិយាយថា របងមើលទៅហាក់ដូចជាត្រូវបានសង្កត់ ប៉ុន្តែវាហាក់ដូចជាមិនមានអ្វីប្រែប្រួល ឬត្រូវកាត់នោះទេ ខណៈយោធានៅតែកំពុងស្វែងរកមូលហេតុដែលឧបករណ៍ចាប់សញ្ញានៅលើរបងមិនមានការជូនដំណឹង ។
នៅថ្ងៃទី ៤ ខែវិច្ឆិកា បុរសជនជាតិកូរ៉េខាងជើងរូបនេះត្រូវបានចាប់ខ្លួនដោយយោធារបស់ប្រទេសកូរ៉េខាងត្បូងប៉ុន្មានម៉ោង បន្ទាប់ពីគាត់បានឆ្លងកាត់ព្រំដែនអន្តរកូរ៉េដោយថ្មើរជើងនៅប៉ុស្តិ៍កូរ៉េខាងត្បូងនៅតំបន់ឆ្នេរភាគខាងកើត ។ បុរសរូបនោះបាននិយាយថា គាត់គឺជាជនស៊ីវិលដែលកំពុងស្វែងរកការរត់ចោលជួរ ។
យោធាត្រូវបានគេស្តីបន្ទោសចំពោះអ្វីដែលមនុស្សជាច្រើនបានមើលឃើញថាជាការឆ្លើយតបមិនទាន់ពេលវេលានទៅនឹងការជ្រៀតចូលរបស់កូរ៉េខាងជើង និងការរំលោភសន្តិសុខទីពីរនៅជិតតំបន់នោះ ។ នៅឆ្នាំ ២០១២ ទាហានកូរ៉េខាងជើងម្នាក់បានចុះមកដល់ប៉ុស្តិ៍មូលដ្ឋានរបស់កូរ៉េខាងត្បូងមួយដែលស្ថិតនៅក្រោមយុត្តាធិការនៃអង្គភាពតែមួយ ខណៈយោធាមិនទាន់បានបង្ហាញពីការបញ្ចប់ការស៊ើបអង្កេតរបស់ខ្លួនទៅអង្គភាពដែលទទួលខុសត្រូវក្នុងការបំភាន់ឧប្បត្តិហេតុនេះទេ ៕
ប្រែសម្រួលដោយ ៖ ជីវ័ន្ត
ប្រភព ៖ The Korea Herald
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)