ព័ត៌មានអន្ដរជាតិ
ជើងឯកប្រណាំងរថយន្តលើលោក Lewis Hamilton តេស្តវិជ្ជមានកូវីដ ១៩
ម្ចាស់ជើងឯកពិភពលោកប្រណាំងរថយន្ត F1 កីឡាករ Lewis Hamilton នឹងខកខានចូលរួមព្រឹត្តិការណ៍ Sakhir Grand Prix នៅចុងសប្តាហ៍នេះក្នុងប្រទេសបារ៉ែន បន្ទាប់ពីបានធ្វើតេស្តវិជ្ជមានជំងឺកូវីដ ១៩ ។
សេចក្តីថ្លែងការណ៍របស់សហព័ន្ធយានយន្តអន្តរជាតិ (FIA) បាននិយាយថា “អនុលោមតាមពិធីសារនៃជំងឺកូវីដ ១៩ និងគោលការណ៍ណែនាំសុខភាពសាធារណៈនៅប្រទេសបារ៉ែន បច្ចុប្បន្ន Lewis Hamilton ត្រូវធ្វើចត្តាឡីស័ក និងរស់នៅផ្ដាច់ខ្លួន” ។
ទន្ទឹមនោះក្រុមអ្នកបើកបរជាមួយ Hamilton គឺក្រុម Mercedes បន្ថែមថា “Lewis Hamilton ត្រូវបានធ្វើតេស្ត ៣ ដងកាលពីសប្តាហ៍មុន ហើយទទួលបានលទ្ធផលអវិជ្ជមានទាំងអស់ ប៉ុន្តែលទ្ធផលចុងក្រោយមួយទៀតកាលពីរសៀលថ្ងៃអាទិត្យនៅឯទីលានអន្តរជាតិបារ៉ែនដែលត្រូវប្រណាំងសាកល្បងនៅចុងសប្តាហ៍ កីឡាករ Lewis Hamilton បានតេស្តវិជ្ជមានជំងឺកូវីដ ១៩ ។
ក្រុម Mercedes បាននិយាយថា ទោះយ៉ាងណានៅព្រឹកថ្ងៃចន្ទគាត់មានរោគសញ្ញាស្រាល ហើយត្រូវបានគេជូនដំណឹងនៅពេលដំណាលគ្នាថា ការទាក់ទងមុនពេលមកដល់ប្រទេសបារ៉ែន Hamilton បានធ្វើតេស្តវិជ្ជមានជាបន្តបន្ទាប់ ។
ក្រុម Mercedes បានបញ្ជាក់ថា ក្រៅពីអាការៈស្រាល Hamilton មានសុខភាពល្អ ហើយក្រុមទាំងមូលបានជូនពរគាត់ឲ្យឆាប់ជាសះស្បើយ ។ យើងនឹងប្រកាសអំពីផែនការផ្លាស់ប្តូរអ្នកបើកបររបស់យើងសម្រាប់ចុងសប្តាហ៍នេះ ។
គួរបញ្ជាក់ថា កីឡាករ Hamilton បានឈ្នះពានរង្វាន់ពិភពលោកប្រណាំងរថយន្ត F1 ជាលើកទី ៧ របស់គាត់កាលពីខែមុន បន្ទាប់ពីទទួលបានជ័យជម្នះក្នុងកម្មវិធី Turkish Grand Prix ដែលធ្វើឲ្យគាត់ក្លាយជាអ្នកបើកបរ F1 ដែលទទួលបានជោគជ័យបំផុត ៕
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ លោកយាយវ័យ ១០១ ឆ្នាំនៅរស់រានមានជីវិត បើទោះឆ្លងកូវីដ ៣ ដងក៏ដោយ
ចុចអាន ៖ អតីតមិត្តរួមថ្នាក់ ទម្លាយខ្ទេចអំពីចរិតរបស់លោក គីម ជុងអ៊ុន កាលនៅរៀន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ