ចិន ត្រៀមផ្តល់វ៉ាក់សាំងកូវីដរាប់រយលានដូសទៅឲ្យប្រទេសនានាទូទាំងពិភពលោក – Kampuchea Thmey Daily
Connect with us

ព័ត៌មានអន្ដរជាតិ

ចិន ត្រៀមផ្តល់វ៉ាក់សាំងកូវីដរាប់រយលានដូសទៅឲ្យប្រទេសនានាទូទាំងពិភពលោក

Published

on

នៅក្នុងរយៈពេលប៉ុន្មានខែខាងមុខនេះ ប្រទេសចិននឹងបញ្ជូនវ៉ាក់សាំងកូវីដរាប់រយលានដូសទៅកាន់ប្រទេសនានាដែលបានធ្វើការសាកល្បងដំណាក់កាលចុងក្រោយសម្រាប់វ៉ាក់សាំងឈានមុខរបស់ខ្លួន។ មេដឹកនាំចិនក៏បានសន្យាថានឹងផ្តល់សិទ្ធិក្នុងការទទួលវ៉ាក់សាំងជោគជ័យរបស់ខ្លួនទៅឲ្យបណ្តាប្រទេសកំពុងអភិវឌ្ឍន៍កាន់តែច្រើនផងដែរ។

យុទ្ធនាការជាសកលនេះបង្ហាញជាឱកាសឲ្យប្រទេសចិន ស្តារកេរ្តិ៍ឈ្មោះរបស់ខ្លួនឡើងវិញដែលត្រូវខូចខាតដោយសារការចាត់វិធានការមិនល្អក្នុងការដោះស្រាយវីរុសនៅពេលដំបូង។

លោក Yanzhong Huang សមាជិកជាន់ខ្ពស់ផ្នែកសុខភាពពិភពលោកនៅក្រុមប្រឹក្សាទំនាក់ទំនងបរទេសមានមូលដ្ឋាននៅទីក្រុងវ៉ាស៊ីនតោនបាននិយាយថា វ៉ាក់សាំងទាំងនេះក៏អាចត្រូវបានប្រើប្រាស់ដោយក្រុងប៉េកាំងជាឧបករណ៍សម្រាប់គោលនយោបាយការបរទេសដើម្បីលើកកម្ពស់អំណាចទន់និងឥទ្ធិពលអន្តរជាតិនៃគម្រោងនេះផងដែរ។

នៅដើមដំបូងពេលរោគរាតត្បាតផ្ទុះឡើង កិច្ចខិតខំប្រឹងប្រែងរបស់ចិន រកការអនុគ្រោះដោយបរិច្ចាគម៉ាស់និងគ្រឿងផ្គត់ផ្គង់ផ្សេងទៀតទៅដល់ប្រទេសដែលរងការវាយប្រហារដោយវីរុសនេះត្រូវបានបំផ្លាញដោយរបាយការណ៍នៃគ្រឿងផ្គត់ផ្គង់ដែលមានគុណភាពអន់ហើយមានការចោទប្រកាន់ថា ទីក្រុងប៉េកាំងកំពុងបើកយុទ្ធនាការផ្សព្វផ្សាយព៌តមានមិនពិត។

លោក Huang និយាយថា យុទ្ធនាការការទូតវ៉ាក់សាំងរបស់ទីក្រុងប៉េកាំងអាចផ្តល់ឱកាសមួយទៀតដល់ខ្លួន។

បច្ចុប្បន្ន ប្រទេសចិនមានបេក្ខជនវ៉ាក់សាំងចំនួន៥មកពីក្រុមហ៊ុនចំនួន៤ដែលបានឈានដល់ការសាកល្បងព្យាបាលដំណាក់កាលទី៣ដែលជាដំណាក់កាលចុងក្រោយនិងសំខាន់បំផុតនៃការធ្វើតេស្តមុនពេលមានការអនុម័តបទប្បញ្ញត្តិ។

ក្រុមហ៊ុនផលិតឱសថចិនត្រូវស្វែងរកកន្លែងនៅក្រៅប្រទេសដើម្បីសាកល្បងប្រសិទ្ធភាពនៃវ៉ាក់សាំងរបស់ពួកគេ។ ជាមួយគ្នានោះ ពួកគេបានចាប់ផ្តើមការសាកល្បងដំណាក់កាលទី៣ក្នុងប្រទេសយ៉ាងហោចណាស់១៦។

ជាថ្នូរ ប្រទេសដែលទទួលការសាកល្បងត្រូវបានសន្យាថានឹងទទួលបានវ៉ាក់សាំងជោគជ័យឆាប់ៗនេះហើយក្នុងករណីខ្លះ បច្ចេកវិទ្យាដឹងពីរបៀបផលិតវានៅក្នុងស្រុកក៏ត្រូវបានប្រាប់ផងដែរ។

ក្រុមហ៊ុន Sinovac Biotech បានចុះហត្ថលេខាលើកិច្ចព្រមព្រៀងផ្តល់វ៉ាក់សាំងកូវីដចំនួន៤៦លានដូសទៅប្រទេសប្រេស៊ីលនិង៥០លានដូសទៅប្រទេសទួរគី។ ក្រុមហ៊ុននេះក៏នឹងផ្គត់ផ្គង់បរិមាណថ្នាំវ៉ាក់សាំងចំនួន៤០លានដូសផងដែរទៅប្រទេសឥណ្ឌូនេស៊ីសម្រាប់ផលិតកម្មក្នុងស្រុក។

ចំណែកក្រុមហ៊ុន CanSino Biologics នឹងបញ្ជូនវ៉ាក់សាំងរបស់ខ្លួនចំនួន៣៥លានដូសទៅឲ្យប្រទេសម៉ិកស៊ិកផងដែរព្រោះម៉ិកស៊ិកជាប្រទេសមួយក្នុងចំណោមប្រទេសម្ចាស់ផ្ទះទាំង៥នៃការសាកល្បងរបស់ខ្លួន៕

ប្រែសម្រួលដោយ៖ Vann Vann

ប្រភព៖ CNN

ចុចអាន៖ រុស្ស៊ី ចាប់ផ្តើមការសាកល្បងទ្រង់ទ្រាយធំលើវ៉ាក់សាំងទី២របស់ខ្លួន

ចុចអាន៖ អ្នកវិភាគអាមេរិក ៖ ចិនផ្តល់វ៉ាក់សាំងកូវីដ ១៩ ដល់លោក គីម ជុងអ៊ុន

ចុច Like Facebook កម្ពុជាថ្មី

ព័ត៌មានជាតិ6 mins ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ27 mins ago

ក្មេងទំនើងមួយក្រុម​ ខឹង​ស៊ីផ្លេ​សុំផ្លូវ យក​ដុំថ្មគប់បែក​កញ្ចក់​ឡាន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ1 hour ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ2 hours ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ2 hours ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានពេញនិយម