ព័ត៌មានអន្ដរជាតិ
រុស្ស៊ី ផ្អាកបេសកកម្មជាមួយអង្គការ ណាតូ ក្រោយខឹងខ្លាំងចោទបុគ្គលិកខ្លួនថា ធ្វើចារកម្ម
រុស្ស៊ីនឹងផ្អាកសកម្មភាពបេសកកម្មការទូតរបស់ខ្លួនទៅកាន់អង្គការណាតូ និងបិទការិយាល័យសម្ព័ន្ធមិត្តនៅទីក្រុងម៉ូស្គូ ដើម្បីឆ្លើយតបទៅនឹងការបណ្តេញជនជាតិរុស្ស៊ី ៨ នាក់ ជុំវិញការធ្វើចារកម្ម ។
ការផ្អាកសកម្មភាពដែលត្រូវបានប្រកាសកាលពីថ្ងៃចន្ទ ដោយរដ្ឋមន្ត្រីការបរទេសរុស្ស៊ីលោក Sergey Lavrov ត្រូវបានកំណត់ថា នឹងធ្វើឲ្យទំនាក់ទំនងរវាងទីក្រុងម៉ូស្គូ និងអង្គភាពសន្តិសុខអាត្លង់ទិច ធ្លាក់ចុះដល់ជម្រៅថ្មី នៅពេលដែលពួកគេចូលជាធរមាននៅដើមខែក្រោយ ។
លោក Lavrov បានប្រាប់អ្នកយកព័ត៌មាននៅទីក្រុងម៉ូស្គូថា “បន្ទាប់ពីមានវិធានការជាក់លាក់មួយដែលធ្វើឡើងដោយអង្គការណាតូ លក្ខខណ្ឌមូលដ្ឋានសម្រាប់ការងាររួមលែងមានទៀតហើយ” ។
លោកបាននិយាយថា “ដើម្បីឆ្លើយតបទៅនឹងសកម្មភាពរបស់ណាតូ យើងផ្អាកការងារបេសកកម្មអចិន្ត្រៃយ៍របស់យើងចំពោះអង្គការណាតូ រួមទាំងការងាររបស់ប្រធានតំណាងយោធាចាប់ផ្តើមពីថ្ងៃទី ១ ខែវិច្ឆិកា” ។
លោក Lavrov ក៏បានប្រកាសផងដែរថា ការិយាល័យទំនាក់ទំនងយោធារបស់ណាតូ និងការិយាល័យព័ត៌មាននៅទីក្រុងម៉ូស្គូ នឹងត្រូវបិទទ្វារ ដោយនិយាយថា ការតែងតាំងអ្នកការទូតនឹងត្រូវហៅមកវិញនៅដើមខែវិច្ឆិកា ។
លោកថា ទំនាក់ទំនងរវាងសម្ព័ន្ធមិត្តលោកខាងលិច និងទីក្រុងម៉ូស្គូអាចធ្វើទៅបានតាមរយៈស្ថានទូតរុស្ស៊ីនៅបែលហ្ស៊ិក ។
ចំណែកអង្គការណាតូបាននិយាយថា ខ្លួនបានកត់សម្គាល់ពីការអត្ថាធិប្បាយរបស់លោក Lavrov ប៉ុន្តែមិនបានទទួលការទំនាក់ទំនងផ្លូវការអំពីបញ្ហាដែលបានលើកឡើងនេះនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ រុស្ស៊ី បណ្ដេញយន្តហោះទម្លាក់គ្រាប់បែក អាមេរិក ចេញពីសមុទ្រជប៉ុន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង