ព័ត៌មានអន្ដរជាតិ
ប៉ូលិសអន្តរជាតិព្រមានថា វ៉ាក់សាំងកូវីដ កំពុងក្លាយជាមុខសញ្ញារបស់អង្គការឧក្រិដ្ឋកម្ម
ប៉ូលិសអន្តរជាតិបានព្រមានថា ឧក្រិដ្ឋជនកំពុងមានផែនការជ្រៀតចូល ឬរំខានដល់ចង្វាក់ផ្គត់ផ្គង់ និងសមាជិកគោលដៅសាធារណៈជាមួយគ្រោងការលក់វ៉ាក់សាំងក្លែងក្លាយ ខណៈដែលពិភពលោកកំពុងព្យាយាមចាក់វ៉ាក់សាំងប្រឆាំងនឹងកូវីដ ១៩ ។
កាលពីថ្ងៃពុធប៉ូលិសអន្តរជាតិបានចេញការជូនដំណឹងជាសកលដល់បណ្តាប្រទេសជាសមាជិកចំនួន ១៩៤ របស់ខ្លួនអំពីសកម្មភាពឧក្រិដ្ឋកម្មទាក់ទងនឹងកម្មវិធីចាក់វ៉ាក់សាំងកូវីដ ១៩ ទ្រង់ទ្រាយធំនាពេលខាងមុខ ។
ស្ថាប័នប៉ូលិសអន្តរជាតិបានបង្ហាញពីការគំរាមកំហែងមួយចំនួនដែលបង្កឡើងដោយសកម្មភាពឧក្រិដ្ឋកម្មរួមមានការផ្សព្វផ្សាយ ការលក់ និងការប្រើប្រាស់វ៉ាក់សាំងក្លែងក្លាយ ។ អគ្គលេខាធិការប៉ូលិសអន្ដរជាតិលោក Jurgen Stock បាននិយាយថា “បណ្តាញឧក្រិដ្ឋកម្មក៏នឹងផ្តោតលើសមាជិកសាធារណៈតាមរយៈគេហទំព័រក្លែងក្លាយ និងការព្យាបាលមិនពិតដែលអាចបង្កហានិភ័យយ៉ាងខ្លាំងដល់សុខភាពរបស់ពួកគេសូម្បីតែអាយុជីវិតរបស់ពួកគេក៏ដោយ” ។
ប៉ូលិសអន្តរជាតិក៏បានព្រមានដល់រដ្ឋាភិបាល ក្រុមហ៊ុនឱសថ និងអង្គការដឹកជញ្ចូនត្រូវដឹងអំពីការប៉ុនប៉ងរបស់ឧក្រិដ្ឋជនក្នុងការជ្រៀតចូលខ្សែសង្វាក់វ៉ាក់សាំងកូវីដ ១៩ ។ នៅពេលរដ្ឋាភិបាលកំពុងត្រៀមរៀបចំវ៉ាក់សាំង អង្គការឧក្រិដ្ឋកម្មនានាគ្រោងនឹងជ្រៀតចូល ឬរំខានដល់ចង្វាក់ផ្គត់ផ្គង់ ។
លោក Stock បានបន្ថែមថា “វាចាំបាច់ណាស់ដែលថាការអនុវត្តច្បាប់ត្រូវបានរៀបចំឲ្យបានតាមដែលអាចធ្វើទៅបានចំពោះអ្វីដែលនឹងក្លាយជាសកម្មភាពវាយប្រហារគ្រប់ប្រភេទរបស់ឧក្រិដ្ឋជនដែលទាក់ទងទៅនឹងវ៉ាក់សាំងកូវីដ ១៩ ហើយនេះជាមូលហេតុដែលប៉ូលិសអន្តរជាតិបានចេញការព្រមានជាសកល” ។
ការព្រមាននេះធ្វើឡើងនៅពេលដែលចក្រភពអង់គ្លេសបានប្រកាសពីការអនុម័តបទប្បញ្ញត្តិប្រើប្រាស់លើវ៉ាក់សាំងកូវីដ ១៩ របស់ក្រុមហ៊ុនឱសថអាមេរិក Pfizer/BioNTech បន្ទាប់ពីបង្ហាញប្រសិទ្ធភាព ៩៧ ភាគរយក្នុងការសាកល្បងព្យាបាលដំណាក់កាលទី ៣ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ សហរដ្ឋអាមេរិករំពឹងថា នឹងចាក់វ៉ាក់សាំងកូវីដលើមនុស្ស ១០០ លាននាក់រួចរាល់ត្រឹមខែកុម្ភៈ
ចុចអាន ៖ ក្រុមមនុស្ស ៥ ប្រភេទដែលមានអាទិភាពទទួលវ៉ាក់សាំងកូវីដ១៩មុនគេ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ