ព័ត៌មានអន្ដរជាតិ
ប្រជាជនអង់គ្លេសម្នាក់ក្នុងចំណោម ៥ នាក់គ្មានទំនុកចិត្តលើវ៉ាក់សាំងកូវីដដែលទើបអនុម័តថ្មី
យោងតាមការស្ទង់មតិថ្មីមួយបានឲ្យដឹងថា មនុស្សម្នាក់ក្នុងចំណោមមនុស្ស ៥ នាក់នៅក្នុងប្រទេសអង់គ្លេសបានបង្ហាញនូវការមិនជឿជាក់ចំពោះវ៉ាក់សាំងប្រឆាំងកូវីដ ១៩ ដែលត្រូវបានអនុម័តថ្មីថាមានសុវត្ថិភាព ។ ការស្ទង់មតិបានរកឃើញថា មនុស្សតែ ២៧ ភាគរយប៉ុណ្ណោះដែលនិយាយថា ពួកគេមានទំនុកចិត្តខ្លាំងលើវ៉ាក់សាំង Pfizer/BioNTech ថាមានសុវត្ថិភាព ។
ក្នុងចំណោមអ្នកឆ្លើយសំណួរមាន ៤៣ ភាគរយជឿជាក់ថាវាមានសុវត្ថិភាពគួរសម ប៉ុន្តែ ១១ ភាគរយមិនមានទំនុកចិត្តខ្ពស់ និង ៩ ភាគរយមិនមានទំនុកចិត្តទាល់តែសោះ ។
ការរកឃើញនេះធ្វើឡើង បន្ទាប់ពីអាជ្ញាធរត្រួតពិនិត្យឱសថ និងផលិតផលសុខភាព (MHRA) បានអនុម័តវ៉ាក់សាំងសម្រាប់ប្រើដើម្បីជួយប្រយុទ្ធប្រឆាំងនឹងរោគរាតត្បាតកូវីដ ១៩ ។
ការស្ទង់មតិរបស់ YouGov បានបញ្ជាក់ថា ៤៤ ភាគរយប្រឆាំងនឹងប្រជាជនទាំងអស់នៅក្នុងចក្រភពអង់គ្លេសដើម្បីចាក់វ៉ាក់សាំងប្រឆាំងកូវីដ ១៩ ខណៈ ៣៧ ភាគរយបានគាំទ្រការលើកឡើងនេះ ។
ការស្ទង់មតិក៏បាននិយាយផងដែរថា ៦៦ ភាគរយគាំទ្រនឹងគំនិតរបស់លេខាធិការសុខាភិបាលលោក Matt Hancock ដែលត្រូវបានចាក់វ៉ាក់សាំងផ្សាយបន្តផ្ទាល់តាមកញ្ចក់ទូរទស្សន៍ ខណៈ ១២ ភាគរយទៀតប្រឆាំងនឹងទង្វើបែបនេះ ។
គួរបញ្ជាក់ថា រដ្ឋាភិបាលអង់គ្លេសបានបញ្ជាទិញវ៉ាក់សាំងរបស់ក្រុមហ៊ុន Pfizer/BioNTech ចំនួន ៤០ លានដូសដើម្បីចាក់ដល់មនុស្ស ២០ លាននាក់ដោយចាក់ ២ ដូសក្នុងរយៈពេល ២១ ថ្ងៃ ៕
ប្រែសម្រួលដោយ ៖ ជីវ័ន្ត
ប្រភព ៖ Daily Star
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ