បុត្រាស្ដេចស៊ុលតង់ប្រ៊ុយណេសោយទិវង្គទាំងវ័យក្មេង – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

បុត្រាស្ដេចស៊ុលតង់ប្រ៊ុយណេសោយទិវង្គទាំងវ័យក្មេង

Published

on

យោងតាមការចុះផ្សាយរបស់សារព័ត៌មាន The Straits Times បានឲ្យដឹងថា បុត្រារបស់ស្តេចស៊ុលតង់នៃប្រទេសប្រ៊ុយណេគឺព្រះអង្គម្ចាស់ Haji Abdul Azim បានសោយទិវង្គតកាលពីថ្ងៃសៅរ៍ ទី២៤ ខែតុលា ក្នុងព្រះជន្ម ៣៨ វស្សា ។

ព្រះអង្គម្ចាស់ Haji ‘Abdul’ Azim គឺជាព្រះរាជបុត្រាទី ២ របស់ព្រះចៅស៊ុលតង់ Hassanal Bolkiah នៃប្រទេសប្រ៊ុយណេ ហើយព្រះអង្គបានសោយទិវង្គតនៅម៉ោង ១០ និង ០៨ នាទីព្រឹក (ម៉ោងនៅប្រ៊ុយណេ) ។

ទន្ទឹមនោះមូលហេតុនៃការសោយទិវង្គតរបស់ព្រះអង្គមិនត្រូវបានបញ្ជាក់នោះទេ ប៉ុន្តែយោងតាមសេចក្តីរាយការណ៍ពីប្រភពព័ត៌មានពីប្រ៊ុយណេបានឲ្យដឹងថា ព្រះអង្គបានយាងចូលសម្រាកព្យាបាលនៅក្នុងមន្ទីរពេទ្យមួយរយៈហើយ ដោយសារជំងឺមហារីកថ្លើម ។

ប្រភពនោះបាននិយាយថា រដ្ឋាភិបាលប្រទេសប្រ៊ុយណេក៏បានប្រកាសកាន់ទុក្ខថ្នាក់ជាតិរយៈពេល ៧ ថ្ងៃផងដែរកាលពីថ្ងៃចន្ទ ទី២៦ ខែតុលា ។

ប្រសូតនៅទីក្រុងបង់ដាសេរីបេកាវ៉ាន់នាថ្ងៃទី ២៩ ខែកក្កដា ឆ្នាំ ១៩៨២ ព្រះអង្គម្ចាស់ Abdul Azim បានសិក្សានៅសាលាអន្តរជាតិប៊្រុយណេ (ISB) វិទ្យាស្ថាន Raffles របស់សិង្ហបុរី និងសាកលវិទ្យាល័យ Oxford Brookes ៕

ប្រែសម្រួលដោយ ៖ ជីវ័ន្ត

ប្រភព ៖ The Straits Times

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម