ក្រុមបាតុករថៃដង្ហែញ្ញត្តិទៅកាន់ស្ថានទូតអាល្លឺម៉ង់ដើម្បីស្នើឲ្យស៊ើបអង្កេតលើព្រះមហាក្សត្រ – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

ក្រុមបាតុករថៃដង្ហែញ្ញត្តិទៅកាន់ស្ថានទូតអាល្លឺម៉ង់ដើម្បីស្នើឲ្យស៊ើបអង្កេតលើព្រះមហាក្សត្រ

Published

on

ក្រុមបាតុករនៅប្រទេសថៃបានពង្រីកការតវ៉ារបស់ពួកគេជាលក្ខណៈអន្តរជាតិដោយដង្ហែញ្ញត្តិទៅកាន់ស្ថានទូតអាល្លឺម៉ង់ដើម្បីអំពាវនាវដល់រដ្ឋាភិបាលរបស់អធិការបតីលោកស្រី Angela Merkel ធ្វើការស៊ើបអង្កេតថាតើព្រះមហាក្សត្រថៃបានប្រើអំណាចនយោបាយអ្វីខ្លះ អំឡុងពេលដែលទ្រង់កំពុងស្នាក់នៅឯរដ្ឋ Bavaria ប្រទេសអាល្លឺម៉ង់ ។

ក្រុមអ្នកតវ៉ាបានបន្តធ្វើសកម្មភាព ខណៈពេលដែលកំពុងរិះគន់សភាផ្ទាល់របស់ពួកគេដែលបានចាប់ផ្តើមសម័យប្រជុំពិសេសរយៈពេល ២ ថ្ងៃនៅព្រឹកថ្ងៃចន្ទ ទី២៦ តុលា ដើម្បីដោះស្រាយភាពតានតឹងផ្នែកនយោបាយដែលបណ្តាលមកពីការតវ៉ាស្ទើរតែរាល់ថ្ងៃដែលទាមទារឲ្យនាយករដ្ឋមន្រ្តី ប្រាយុទ្ធ ចាន់អូចា ចុះចេញពីតំណែង ផ្លាស់ប្តូររដ្ឋធម្មនុញ្ញ និងការធ្វើកំណែទម្រង់របបរាជាធិបតេយ្យ ។

ក្រុមបាតុករដែលត្រូវបានប៉ាន់ស្មានដោយអ្នកសារព័ត៌មាន AP ថាមានចំនួនពី ៥,០០០ ទៅ ១០,០០០ នាក់បានប្រឆាំងនឹងការព្រមានរបស់ប៉ូលិស ហើយបានដើរចូលស្ថានទូតអាល្លឺម៉ង់ប្រចាំក្រុងបាងកកដើម្បីសាកសួរពីពេលវេលាដែលព្រះមហាក្សត្រ មហា វ៉ាជីរ៉ាឡុងកន ចំណាយនៅប្រទេសអាល្លឺម៉ង់ ។

សេចក្តីថ្លែងការណ៍របស់ក្រុមអ្នកតវ៉ាបាននិយាយថា ពួកគេបានដាក់លិខិតមួយទៅមន្រ្តីស្ថានទូតអាល្លឺម៉ង់ដោយស្នើឲ្យប្រទេសនេះធ្វើការស៊ើបអង្កេតថាតើព្រះមហាក្សត្របានអនុវត្តនយោបាយថៃរំលោភបំពានលើទឹកដីអាល្លឺម៉ង់ឬអត់ ។

សេចក្តីថ្លែងការណ៍នោះបាននិយាយថា សកម្មភាពបែបនេះអាចត្រូវបានចាត់ទុកថាជាការរំលោភអធិបតេយ្យភាពទឹកដីរបស់ប្រទេសអាឡឺម៉ង់ និងបានស្នើឲ្យរដ្ឋាភិបាលរបស់ខ្លួនពិចារណាលើសំណើរបស់ក្រុមអ្នកតវ៉ាដោយមានគោលបំណងនាំព្រះមហាក្សត្រវិលត្រឡប់ទៅកាន់ប្រទេសថៃដើម្បីស្តារប្រទេសឡើងវិញនូវមាគ៌ារាជាធិបតេយ្យអាស្រ័យរដ្ឋធម្មនុញ្ញដែលមានលក្ខណៈពិត ។

ស្របពេលជាមួយគ្នានេះរដ្ឋាភិបាលអាល្លឺម៉ង់បានលើកយកបញ្ហានេះមកពិភាក្សារួចហើយកាលពីដើមខែតុលា នៅពេលដែលរដ្ឋមន្រ្តីក្រសួងការបរទេសលោក Heiko Maas បានឆ្លើយតបនឹងសំណួរនេះនៅក្នុងសភាដោយបានសម្តែងការព្រួយបារម្ភចំពោះសកម្មភាពនយោបាយណាមួយដែលព្រះមហាក្សត្រអាចនឹងធ្វើនៅក្នុងប្រទេសអាល្លឺម៉ង់ ។

ទន្ទឹមនោះកាលពីថ្ងៃចន្ទនៅទីក្រុង Berlin លោក Maas បាននិយាយប្រាប់អ្នកយកព័ត៌មានម្ដងទៀតថា “ រដ្ឋាភិបាលកំពុងតាមដានការវិវត្តនៅក្នុងប្រទេសថៃ ហើយបានដឹងអំពីការធ្វើបាតុកម្ម និងសិទ្ធិប្រជាជនក្នុងការធ្វើបាតុកម្មតាមដងផ្លូវ ។ យើងកំពុងពិនិត្យលើរឿងនេះ ហើយប្រសិនបើមានអ្វីដែលយើងគិតថាខុសច្បាប់នោះ យើងនឹងចាត់វិធានការភ្លាមៗ” ។

នៅក្នុងសុន្ទរកថាបើកនៃកិច្ចប្រជុំសភា លោកនាយករដ្ឋមន្រ្តី ប្រាយុទ្ធ ចាន់អូចា បាននិយាយថា លោក និងរដ្ឋាភិបាលដឹងថានេះគឺជាយុគសម័យនៃការផ្លាស់ប្តូរដែលត្រូវបានជំរុញដោយបច្ចេកវិទ្យា ។ ប៉ុន្តែយើងត្រូវតែទទួលស្គាល់ថានៅក្នុងប្រទេសថៃមានប្រជាជនរាប់លាននាក់មិនចង់ឃើញការផ្លាស់ប្តូរតាមរយៈភាពវឹកវរនោះទេ” ។

បន្ថែមពីនេះលោកនាយករដ្ឋមន្ត្រីក៏បានអំពាវនាវឲ្យសភាស្វែងរកដំណោះស្រាយឲ្យមានតុល្យភាពសម្រាប់ភាគីទាំងពីរទទួលយកបានផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ភាពតានតឹងដែលកំពុងបន្តកើតមាននៅប្រទេសថៃបានគំរាមកំហែងដល់ការពង្រឹងទំនុកចិត្តអាជីវកម្ម

ចុចអាន ៖ ស្ទះចរាចរណ៍មួយប្រ៉ាវក្នុងក្រុងបាងកកដោយសារភ្លើងឆេះខ្សែភ្លើង

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ17 mins ago

អភិបាលស្រុក​សំរោង​ចុះ​ពិនិត្យ​បើក​ការដ្ឋាន​ជួសជុល​ផ្លូវលំ​ប្រវែង​ជាង ១០០០​ម៉ែត្រ​

ព័ត៌មានជាតិ34 mins ago

រដ្ឋបាល​រាជធានី​ភ្នំពេញ ​ណែនាំ​១០​ចំណុច​ដល់​រដ្ឋបាល​ខ​ណ្ឌ​ទាំង​១៤ ចូលរួម​បង្ការ​និង​ទប់ស្កាត់​ការ កូ​វីដ​-១៩

ព័ត៌មានជាតិ55 mins ago

ថ្នាក់ដឹកនាំ និង​មន្ត្រីរាជការ​ក្រសួងយុត្តិធម៌​ទាំងអស់ ពុំមាន​នរណា​ឆ្លង Covid-19 នោះទេ

ព័ត៌មានជាតិ60 mins ago

ពលរដ្ឋ​ដែល​សង្ស័យ​ខ្លួន​ជាប់​ព័ន្ធ​នឹង​ព្រឹត្តិការណ៍​២៨វិច្ឆិកា ៩២នាក់​នៅ​បាត់​ដំបង ស្ម័គ្រ​ចិត្ត​មក​ធ្វើ​តេស្ត

ព័ត៌មានអន្ដរជាតិ1 hour ago

ក្រុមហ៊ុន Moderna ដាក់ពាក្យសុំអនុញ្ញាតឲ្យប្រើប្រាស់វ៉ាក់សាំងរបស់ខ្លួនជាបន្ទាន់ក្រោយការធ្វើតេស្តបង្ហាញប្រសិទ្ធភាពលើស៩៤ភាគរយ

ព័ត៌មានពេញនិយម