ព័ត៌មានអន្ដរជាតិ
Molave ជាព្យុះទីហ្វុងខ្លាំងបំផុតដែលវាយប្រហារប្រទេស វៀតណាម ក្នុងឆ្នាំនេះ
Molave បានក្លាយជាព្យុះទីហ្វុងខ្លាំងបំផុតដែលវាយប្រហារប្រទេសវៀតណាមក្នុងឆ្នាំនេះហើយត្រូវបានគេព្យាករណ៍ថា នឹងបង្កឲ្យមានការបាក់ដីនៅក្នុងខេត្តភាគកណ្តាលនៅថ្ងៃពុធនេះ។
លោក Mai Van Khiem នាយកមជ្ឈមណ្ឌលព្យាករណ៍ឧតុនិយមជាតិបាននិយាយថា ត្រឹមម៉ោង៨ព្រឹកថ្ងៃអង្គារ ព្យុះនេះស្ថិតនៅចម្ងាយ២១២គីឡូម៉ែត្រភាគឦសានកោះ Song Tu Tay ក្នុងប្រជុំកោះ Spratly របស់ប្រទេសវៀតណាម។
ល្បឿនខ្យល់ជាមធ្យមគឺ១៣៥ទៅ១៦៥គីឡូម៉ែត្រក្នុងមួយម៉ោងនិងមានខ្យល់កន្រ្តាក់ដល់ទៅ២២០គីឡូម៉ែត្រក្នុងមួយម៉ោង។
ព្យុះ Molave នឹងធ្វើដំណើរទៅភាគពាយព្យក្នុងរយៈពេល២៤ម៉ោងក្រោយហើយត្រឹមម៉ោង៧ព្រឹកថ្ងៃពុធ ព្យុះនេះនឹងស្ថិតនៅតំបន់សមុទ្រចន្លោះទីក្រុង Da Nang ភាគកណ្តាលនិងខេត្ត Phu Yen ភាគកណ្តាលឆៀងខាងត្បូង។
ព្យុះទីហ្វុងនេះនឹងបង្កឲ្យមានការបាក់ដីនៅចន្លោះទីក្រុង Da Nang និងខេត្ត Phu Yen។
លោក Khiem បានបញ្ជាក់ថា “នេះជាព្យុះខ្លាំងបំផុតដែលជះឥទ្ធិពលដល់ប្រទេសវៀតណាមក្នុងឆ្នាំនេះដែលបណ្តាលឲ្យមានខ្យល់បក់ខ្លាំងនិងធ្វើឲ្យមានរលកសមុទ្រធំៗ”។
នៅតាមបណ្តោយឆ្នេរសមុទ្រពី Da Nang ដល់ Phu Yen ទឹករលកនឹងមានកម្ពស់រហូតដល់ទៅ៨ម៉ែត្រខណៈកម្ពស់ទឹកសមុទ្រនឹងកើនឡើងដល់មួយម៉ែត្រហើយនឹងជន់លិចតំបន់ឆ្នេរជាច្រើន។
ចាប់ពីថ្ងៃទី២៩ដល់ថ្ងៃទី៣១ខែតុលា ភ្លៀងធ្លាក់ខ្លាំងកម្រិត៥០០ទៅ៧០០មីល្លីម៉ែត្រនឹងវាយប្រហារខេត្ត Nghe An, Ha Tinh និង Quang Binh។
អាជ្ញាធរវៀតណាមបាននិងកំពុងជម្លៀសប្រជាជនជិត១.៣លាននាក់ខណៈខ្លួនរងឥទ្ធិពលនៃព្យុះទីហ្វុង Molave នេះ៕
ប្រែសម្រួលដោយ៖ Vann Vann
ប្រភព៖ Tuoi Tre News
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង