Connect with us

ព័ត៌មានអន្ដរជាតិ

ស្លាប់អាកាសយានិកម្នាក់ក្រោយធ្លាក់យន្តហោះចម្បាំងតៃវ៉ាន់ក្នុងសមុទ្រ

បានផុស

នៅ

កងទ័ពអាកាសតៃវ៉ាន់បាននិយាយនៅថ្ងៃព្រហស្បតិ៍ ទី២៩ ខែតុលា ថា អាកាសយានិករបស់ខ្លួនម្នាក់បានស្លាប់ បន្ទាប់ពីយន្តហោះចម្បាំងរបស់គាត់បានធ្លាក់នៅឆ្នេរសមុទ្រភាគខាងកើតនៃកោះតៃវ៉ាន់ អំឡុងពេលការហ្វឹកហាត់ជាប្រចាំ ខណៈដែលវាជាហេតុការណ៍ប៉ះពាល់ដល់អាយុជីវិតលើកងទ័ពដែនអាកាសលើកទី ២ ក្នុងរយៈពេល ៣ ខែកន្លងមកនេះ ។

កងទ័ពអាកាសបាននិយាយថា អាកាសយានិកឈ្មោះ Chu Kuang-meng បានហក់ចេញពីយន្តហោះ F-5E បន្ទាប់ពីបានរាយការណ៍ពីបញ្ហាម៉ាស៊ីនមិនដំណើរការភ្លាមៗបន្ទាប់ពីបានហោះឡើង ។

ទន្ទឹមនោះបុរសអាយុ ២៩ ឆ្នាំរូបនេះក៏ត្រូវបានជួយសង្គ្រោះពីសមុទ្រផងដែរ ប៉ុន្តែស្ថិតនៅក្នុងស្ថានភាពសន្លប់ ហើយក្រោយមកលោកត្រូវបានគេរាយការណ៍បានបាត់បង់ជីវិតទៅហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្លាក់នេះបានកើតឡើងនៅពេលដែលសព្វាវុធកងទ័ពអាកាសរបស់កោះតៃវ៉ាន់មានសភាពចំណាស់ និងមិនមានសមត្ថភាពគ្រប់គ្រាន់ត្រូវបង្ខំចិត្តបំពេញនូវការលុកលុយដែលមិនធ្លាប់មានពីមុនមកនៅក្នុងតំបន់ការពាររបស់ខ្លួនពីចិន ។

កោះនេះនិយាយថា ខ្លួនបានពង្រាយយន្តហោះចម្បាំងរបស់ខ្លួនក្នុងអត្រាទ្វេដងនៃឆ្នាំមុនក្នុងកិច្ចប្រឹងប្រែងដើម្បីទប់ស្កាត់ការគំរាមកំហែងពីយន្តហោះរបស់ចិន ខណៈយន្តហោះ F-5E គឺជាយន្តហោះជំនាន់ចាស់ដែលមានការរចនាតាំងពីទសវត្សឆ្នាំ ១៩៦០ មកម្ល៉េះ ។

ស្របពេលជាមួយគ្នានេះនាយសេនាធិការកងទ័ពអាកាសលោក Huang Chih-wei បានប្រាប់អ្នកយកព័ត៌មានថា ក្រោយពីហេតុការណ៍នេះកើតឡើង យន្តហោះចម្បាំង F-5E ទាំងអស់ត្រូវបានចុះចតក្នុងមូលដ្ឋានសាជាថ្មីដើម្បីត្រួតពិនិត្យសុវត្ថិភាព ។

គួររម្លឹកផងដែរថា កាលពីខែកក្កដា សមាជិកនាវិក ២ នាក់បានស្លាប់នៅក្នុងហេតុការណទធ្លាក់ឧទ្ធម្ភាគចក្រមួយគ្រឿង នៅពេលយោធាតៃវ៉ាន់បានធ្វើសមយុទ្ធនៅទូទាំងកោះរួមទាំងការវាយលុកឆ្នេរសមុទ្រមួយកន្លែងពីប្រទេសចិនផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

លោក អ៊ុន ចាន់ដា ផ្តាំដល់អាជ្ញាធរពាក់ព័ន្ធផ្តល់បរិយាកាសសប្បាយរីករាយដល់ពលរដ្ឋក្នុងឱកាសចូលឆ្នាំខ្មែរខាងមុខ

កីឡា១៣ នាទី មុន

របួសជាថ្មី អ្នកចាំទី Courtois បានចាកចេញពីការហ្វឹកហាត់ទាំងទឹកភ្នែក

ព័ត៌មានអន្ដរជាតិ១៤ នាទី មុន

វៀតណាម តែងតាំងស្ត្រីមានឥទ្ធិពលម្នាក់ជាប្រធានាធិបតីស្ដីទី ក្រោយលោក Vo Van Thuong លាលែងពីតំណែង

ព័ត៌មានជាតិ១៧ នាទី មុន

ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត

ជីវិតកម្សាន្ដ១៩ នាទី មុន

តារាចម្រៀង ណូយ វណ្ណា ក្លាយជាជនរងគ្រោះក្នុងការទិញដីឡូត៍គម្រោងទី ៣០ ម៉ន ដានី ខេត្តកំពត

Sokha Hotels

ព័ត៌មានពេញនិយម