ព័ត៌មានអន្ដរជាតិ
តុលាការសម្រេចផ្ដន្ទាទោសអតីតប្រធានាធិបតីកូរ៉េខាងត្បូងមួយរូបទៀតជាប់ពន្ធនាគាររយៈពេល ១៧ ឆ្នាំ
នៅថ្ងៃព្រហស្បតិ៍ ទី ២៩ ខែតុលា នេះ អតីតប្រធានាធិបតីកូរ៉េខាងត្បូងលោក Lee Myung-bak ត្រូវបានតុលាការបញ្ជាឲ្យចូលពន្ធនាគារវិញ ខណៈដែលតុលាការកំពូលរបស់ប្រទេសបានកាត់ទោសឲ្យជាប់ពន្ធនាគាររយៈពេល ១៧ ឆ្នាំពីបទទទួលសំណូក និងកិបកេងប្រាក់ ។
លោក Lee ជាអ្នកអភិរក្សនិយមដែលបានបម្រើការជាប្រធានាធិបតីពីឆ្នាំ ២០០៨ ដល់ឆ្នាំ ២០១៣ បានស្ថិតនៅក្រៅឃុំ បន្ទាប់ពីមិនទាន់មានសេចក្ដីសម្រេចរបស់តុលាការ ប៉ុន្តែលោកត្រូវបានគេឃើញអមដោយប៉ូលីសចេញពីផ្ទះរបស់គាត់ទៅកាន់តុលាការ ។
សេចក្តីសម្រេចនេះមិនត្រូវបានប្តឹងឧទ្ធរណ៍បន្ថែមទៀតនោះទេ ហើយនៅអាយុ ៧៨ ឆ្នាំនេះលោក Lee ទំនងជានឹងស្លាប់នៅក្នុងពន្ធនាគារតែម្ដង លើកលែងតែគាត់ទទួលបានការលើកលែងទោសពីប្រធានាធិបតី ។
លោក Lee ត្រូវបានផ្តន្ទាទោសជាលើកដំបូងនៅចុងឆ្នាំ ២០១៨ ពីបទកិបកេងប្រាក់ និងទទួលសំណូក ហើយត្រូវជាប់ពន្ធនាគារ ។ ក្រោយមកសាលាឧទ្ធរណ៍បានបង្កើនទោសរបស់គាត់រហូតដល់ ១៧ ឆ្នាំប៉ុន្តែអនុញ្ញាតឲ្យនៅក្រៅឃុំបណ្តោះអាសន្នរង់ចាំការប្តឹងឧទ្ធរណ៍បន្ថែមទៀតទៅតុលាការកំពូលរបស់ប្រទេសនេះ ។
តុលាការកំពូលបានកាត់ទោសលោកពីបទកិបកេងប្រាក់ចំនួន ២៥.២ ពាន់លានវ៉ុន (២២ លានដុល្លារ) និងទទួលយកសំណូកសរុបចំនួន ៩.៤ ពាន់លានវ៉ុនក៏ដូចជាការកាត់ទោសឲ្យជាប់ពន្ធនាគាររយៈពេល ១៧ ឆ្នាំ ។ លោក Lee ក៏ត្រូវរងការពិន័យប្រាក់ ១៣ ពាន់លានវ៉ុនរួមជាមួយនឹងការដកហូតទ្រព្យសម្បត្តិ ៥.៧ ពាន់លានវ៉ុនផងដែរ ។
គួរបញ្ជាក់ថា មកដល់ពេលនេះកូរ៉េខាងត្បូងបានចោទប្រកាន់ និងដាក់ពន្ធនាគារអតីតប្រធានាធិបតីខ្លួនជាច្រើនរូបមកហើយដោយក្នុងនោះរួមមានលោកស្រី Park Geun-hye បច្ចុប្បន្នជាប់ពន្ធនាគារយៈពេល ២០ ឆ្នាំពីបទទទួលសំណូក និងការរំលោភអំណាច ហើយត្រូវបានបណ្ដេញពីតំណែងក្នុងឆ្នាំ ២០០៧ ខណៈអតីតមេដឹកនាំម្នាក់ទៀតគឺលោក Roh Moo-hyun បានសម្លាប់ជីវិតខ្លួនឯង បន្ទាប់ពីត្រូវបានសាកសួរនៅក្នុងការស៊ើបអង្កេតអំពើពុករលួយពាក់ព័ន្ធនឹងក្រុមគ្រួសាររបស់គាត់ អំឡុងពេលលោក Lee Myung-bak ជាប្រធានាធិបតី ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ កូរ៉េខាងត្បូងបន្តកម្មវិធីចាក់វ៉ាក់សាំងផ្តាសាយ ទោះចំនួនអ្នកស្លាប់កើនឡើងក៏ដោយ
ចុចអាន ៖ កូរ៉េខាងជើង ទាត់ចោលជំនួយការពារកូវីដពីកូរ៉េខាងត្បូង និងអះអាងគ្មានអ្នកឆ្លងសូម្បីតែម្នាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ