កាន់តែក្ដៅ! ចិនចោទអាមេរិកថាធ្វើឲ្យខូចស្ថិរភាព បន្ទាប់ពីនាវាពិឃាតទ័ពជើងទឹកបើកឆ្លងកាត់ច្រកសមុទ្រតៃវ៉ាន់ – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

កាន់តែក្ដៅ! ចិនចោទអាមេរិកថាធ្វើឲ្យខូចស្ថិរភាព បន្ទាប់ពីនាវាពិឃាតទ័ពជើងទឹកបើកឆ្លងកាត់ច្រកសមុទ្រតៃវ៉ាន់

Published

on

ទីក្រុងប៉េកាំងបានរិះគន់សហរដ្ឋអាមេរិកចំពោះការធ្វើឲ្យអន្តរាយធ្ងន់ធ្ងរដល់ស្ថិរភាពនៅច្រកសមុទ្រតៃវ៉ាន់ បន្ទាប់ពីនាវាពិឃាតកងទ័ពជើងទឹកអាមេរិកមួយគ្រឿងបានបើកឆ្លងកាត់ដែនទឹកមួយនេះ ខណៈទីក្រុងវ៉ាស៊ីនតោនអះអាងថា នាវា USS Barry បាននិងកំពុងធ្វើដំណើរឆ្លងកាត់ជាទម្លាប់ទៅហើយ ។

បញ្ជាការភាគខាងកើតនៃកងទ័ពរំដោះប្រជាជន (PLA) បាននិយាយថា យោធាចិនបានតាមដាន និងឃ្លាំមើលនាវា USS Barry កាលពីថ្ងៃពុធ ។

យោងតាមក្រសួងការពារជាតិតៃវ៉ាន់បានឲ្យដឹងថា នាវាចម្បាំង USS Barry បានធ្វើដំណើរតាមទិសដៅភាគឦសានឆ្លងកាត់ច្រកសមុទ្រ ហើយស្ថានភាពគឺធម្មតា ។

ក្រុងតៃប៉ិនិយាយថា ថ្មីៗនេះក្រុងប៉េកាំងបានបង្កើនសកម្មភាពកងទ័ពអាកាសនៅជិតកោះតៃវ៉ាន់ ខណៈដែលប្រទេសចិនកាលពីថ្ងៃពុធបានថ្កោលទោសចំពោះរបាយការណ៍នៃការលក់អាវុធទំនើបថ្មីៗរបស់ក្រុងវ៉ាស៊ីនតោនទៅកាន់កោះនេះ ។

កាសែត People’s Daily ដែលគ្រប់គ្រងដោយរដ្ឋចិនបានសរសេរកាលពីថ្ងៃព្រហស្បតិ៍ថា “ប្រជាជននៅតាមច្រកសមុទ្រមិនចង់ធ្វើសង្គ្រាមនោះទេ ប៉ុន្តែប្រសិនបើសង្គ្រាមផ្ទុះឡើងនោះអ្នកធ្វើខុសនឹងក្លាយជាក្រុមអបគមន៍” ។

សេចក្តីអត្ថាធិប្បាយនោះបានបន្ថែមថា ការប្រើប្រាស់កម្លាំងនឹងមិនផ្តោតលើជនរួមជាតិនៅតៃវ៉ាន់នោះទេ ប៉ុន្តែមានការជ្រៀតជ្រែករបស់កងកម្លាំងខាងក្រៅ និងចំនួនតិចតួចនៃក្រុមបំបែកខ្លួនឯករាជ្យតៃវ៉ាន់ ។

គួរបញ្ជាក់ថា កាលពីថ្ងៃពុធប្រធានាធិបតីចិនលោក ស៊ី ជីនពីង បានចុះទស្សនកិច្ចមូលដ្ឋានទ័ពសមុទ្រមួយនៅខេត្ត Guangdong ។ គាត់ត្រូវបានគេរាយការណ៍ថាកំពុងប្រាប់ទាហានថា “យើងត្រូវតែដាក់គំនិត និងកម្លាំងទាំងអស់របស់យើងដើម្បីត្រៀមសម្រាប់សង្គ្រាម ហើយរក្សាស្ថានភាពប្រុងប្រយ័ត្នខ្ពស់ផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ RT

Click to comment

Leave a Reply

Your email address will not be published.

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ2 hours ago

លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​រដ្ឋមន្ដ្រីការបរទេស​អាស៊ាន​-​សហភាព​អឺរ៉ុប លើក​ទី​២៣

ព័ត៌មានជាតិ4 hours ago

ដឹកមូលហេតុ ដែល​បណ្ដាលឲ្យពុល​ទឹកអណ្ដូងនៅ​កំពង់ឆ្នាំង ធ្វើឲ្យ​មនុស្សស្លាប់២នាក់ ចូលសង្គ្រោះបន្ទាន់១៣នាក់

កីឡា4 hours ago

ព្រឹត្តិការណ៍​ប្រកួត​បាល់ទាត់​ពានរង្វាន់ 7 មករា​តេ​ជោ​សន្តិភាព​រដូវ​កាល​ទី ៥ ឆ្នាំ ២០២១

ព័ត៌មានជាតិ5 hours ago

ស្គាល់​អត្តសញ្ញាណ​យុវជន​ ដែល​រថយន្ត​កិន​ស្លាប់​នៅមុខ​ស្ថានីយ​បឹងត្របែក​ហើយ

កីឡា6 hours ago

ព្រឹក​នេះ​បើក​ការប្រកួត​កីឡា​តេ​ក្វាន់​ដូ “ITF”​ជ្រើសរើស​ជើងឯក​ថ្នាក់ជាតិ​ឆ្នាំ ២០២០ ជា​ផ្លូវការ

ព័ត៌មានពេញនិយម