មិនទាន់អស់ទេ! ឥណ្ឌាបាញ់សាកល្បងមីស៊ីលប្រឆាំងនាវាថ្មីមួយទៀត – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

មិនទាន់អស់ទេ! ឥណ្ឌាបាញ់សាកល្បងមីស៊ីលប្រឆាំងនាវាថ្មីមួយទៀត

Published

on

ឥណ្ឌាបានបាញ់សាកល្បងមីស៊ីលមួយទៀត នៅពេលប្រទេសនេះបង្កើនកម្មវិធីសាកល្បងយោធារបស់ខ្លួន ចំពេលមានភាពតានតឹងកំពុងបន្តជាមួយប្រទេសចិន ។ មីស៊ីលប្រឆាំងនាវាមួយនេះបានបាញ់ចំគោលដៅដែលបានកំណត់ ហើយបណ្ដាលឲ្យនាវាផ្ទុះឆេះ និងខូចខាតយ៉ាងធ្ងន់ធ្ងរ ។

កាលពីថ្ងៃសុក្រ មីស៊ីលប្រភេទ KH-35 Uran មួយគ្រាប់ត្រូវបានបាញ់សាកល្បងចេញពីនាវា INS Kora ដោយបានវាយប្រហារនាវារុករករ៉ែ INS Cannanore នៅឈូងសមុទ្រ Bengal ។

យោងតាមកងទ័ពជើងទឹកឥណ្ឌាបានឲ្យដឹងថា ការបាញ់សាកល្បងនេះត្រូវបានធ្វើឡើងនៅចម្ងាយអតិបរមា ហើយមីស៊ីលនេះបានបង្ហាញពីភាពត្រឹមត្រូវច្បាស់លាស់នៃគោលដៅដែលបានកំណត់ ហើយបានបណ្ដាលឲ្យនាវាផ្ទុះឆេះក្នុងអណ្ដាតភ្លើង ។ កងទ័ពជើងទឹកបានចែករំលែករូបថតនៃសមយុទ្ធបាញ់គ្រាប់ពិត និងនាវាដែលខូចនៅលើបណ្តាញសង្គមដែលបង្ហាញពីការត្រៀមខ្លួនប្រយុទ្ធរបស់ឥណ្ឌានៅលើសមុទ្រធំៗ ។

មីស៊ីល KH-35 ដែលរចនាឡើងដោយសូវៀតមួយនេះត្រូវបានអនុម័តដោយកងកម្លាំងប្រដាប់អាវុធឥណ្ឌាចាប់តាំងពីឆ្នាំ ១៩៩៦ មកម្ល៉េះ ។ មីស៊ីលនេះត្រូវបានបាញ់ចេញពីនាវាចម្បាំងធុនតូចមួយគ្រឿងក្នុងចំណោម ៥ គ្រឿងដែលបច្ចុប្បន្នកំពុងធ្វើសកម្មភាពនៅក្នុងកងនាវាចរឥណ្ឌា ។

នេះគឺជាការបាញ់សាកល្បងជាសាធារណៈលើកទី ២ នៃមីស៊ីល KH-35 ក្នុងខែនេះ ខណៈដែលកាលពីថ្ងៃសុក្រកងទ័ពជើងទឹកក៏បានបាញ់មីស៊ីល KH-35 ពីនាវា INS Prabal ហើយបានកម្ទេចនាវាជំនាន់មុន Godavari ក្នុងសមុទ្រអារ៉ាប់ ។

គួរបញ្ជាក់ថា ក្នុងរយៈពេល ២ ខែកន្លងមកនេះប្រទេសឥណ្ឌាបានធ្វើការបាញ់សាកល្បងកាំជ្រួចមីស៊ីលជាង ១០ លើកក្នុងនោះមានមីស៊ីល Nirbhay មីស៊ីលល្បឿនលឿនជាងសម្លេង Shaurya និងកាំជ្រួចមីស៊ីលប្រឆាំងរថក្រោះឈ្មោះ Nag ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ (មានវីដេអូ) ៖ ឥណ្ឌាបញ្ចប់ការបាញ់សាកល្បងដោយជោគជ័យនូវមីស៊ីលប្រឆាំងរថក្រោះជំនាន់ទី ៣ របស់ខ្លួន

ចុចអាន ៖ (មានវីដេអូ) ៖ កងនាវាចរឥណ្ឌាបង្ហាញពីការបាញ់មីស៊ីលពន្លិចនាវាសត្រូវ អំឡុងពេលសមយុទ្ធ

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ2 mins ago

ក្រសួងកសិកម្ម​ ចេញ​ញត្តិ​បដិសេធ​ចំពោះ​ផេក​មួយ​ ដែល​បង្ហោះ​​សារ​បង្អាប់​បង្អោន​កិច្ច​ខិត​ខំ​ប្រឹង​ប្រែង​របស់​មន្ត្រីរាជការ​​

ព័ត៌មានជាតិ3 mins ago

គិត​ត្រឹម​ឆ្នាំនេះ​ខេត្តកំពត​មាន​ផ្ទៃដី​ដាំ​ម្រេច​កើន​ដល់​ជិត​៣០០​ហិច​តា​និង​អាច​ប្រមូល​ផល​បាន​ជាង​៨០​តោន

ជីវិតកម្សាន្ដ44 mins ago

ទម្ងន់​ក៏​ស្រក សម្រស់​ក៏​បាក់ ​សាយ​នៅ​តែ​មាន​កម្លាំងចិត្ត​ដោយសារ​​មហាជន​គាំទ្រ​ពី​គ្រប់​មជ្ឈដ្ឋាន

ព័ត៌មានអន្ដរជាតិ1 hour ago

មកមើលរូបភាពសំណល់យោធាក្នុងមូលដ្ឋានទ័ពសូវៀតដែលគេបោះបង់ចោលរាប់សិបឆ្នាំមកហើយ

ព័ត៌មានអន្ដរជាតិ1 hour ago

អតីតប្រធានាធិបតីហុងឌូរ៉ាស ត្រូវឃាត់ខ្លួននៅព្រលានយន្តហោះ ដោយសារតែលុយច្រើនពេក

ព័ត៌មានពេញនិយម