ព័ត៌មានអន្ដរជាតិ
សេតវិមាននិងអ្នកវិទ្យាសាស្ត្រកំពូលអាមេរិកឈ្លោះគ្នានៅថ្ងៃចុងក្រោយនៃយុទ្ធនាការឃោសនាបោះឆ្នោត
អ្នកវិទ្យាសាស្ត្រកំពូលម្នាក់របស់សហរដ្ឋអាមេរិកលោក Anthony Fauci បានចេញសេចក្តីអំពាវនាវជាបន្ទាន់ឲ្យមានការផ្លាស់ប្តូរគោលនយោបាយរបស់សហរដ្ឋអាមេរិកលើវីរុសកូរ៉ូណាដែលនេះជាហេតុបង្កឲ្យមានការស្តីបន្ទោសយ៉ាងខ្លាំងពីរដ្ឋបាលរបស់លោក Trump នៅថ្ងៃចុងក្រោយនៃយុទ្ធនាការឃោសនាបោះឆ្នោត។
នៅក្នុងបទសម្ភាសន៍មួយជាមួយកាសែត Washington Post កាលពីថ្ងៃអាទិត្យទី១ខែវិច្ឆិកា លោក Fauci បានព្រមានថា សហរដ្ឋអាមេរិកកំពុងឈានទៅរកការឈឺចាប់ខ្លាំងប្រសិនបើខ្លួនមិនធ្វើឲ្យមានការផ្លាស់ប្តូរភ្លាមៗនៅក្នុងការអនុវត្តផ្នែកសុខភាពទេនោះ។
លោក Fauci និយាយថា ខណៈជនជាតិអាមេរិកជាច្រើនបានព្រងើយកន្តើយទៅនឹងការអនុវត្តសុវត្ថិភាពហើយមន្ទីរពេទ្យជាច្រើនកំពុងស្ថិតក្នុងស្ថានភាពធ្ងន់ធ្ងរដោយសារតែអាកាសធាតុត្រជាក់និងរដូវផ្តាសាយមកដល់នោះ អ្នកមិនអាចស្ថិតនៅក្នុងទីតាំងកាន់តែអន់ខ្សោយនោះទេ។ វាមិនមែនជាស្ថានភាពល្អឡើយ។
វីរុសនេះបានឆក់យកជីវិតមនុស្សជាង២៣០,០០០នាក់នៅសហរដ្ឋអាមេរិក។
ទោះបីជាយ៉ាងណាក៏ដោយ លោក Judd Deere អ្នកនាំពាក្យសេតវិមានបានធ្វើការឆ្លើយតបចំៗចំពោះលោក Fauci។
លោកបាននិយាយនៅក្នុងសេចក្តីថ្លែងការណ៍មួយថា “វាមិនអាចទទួលយកបានទេនិងជាការរំលោភបំពានលើបទដ្ឋានទាំងអស់សម្រាប់លោកវេជ្ជបណ្ឌិត Fauci ដែលជាសមាជិកជាន់ខ្ពស់នៃក្រុមការងារប្រយុទ្ធប្រឆាំងវីរុសកូរ៉ូណារបស់ប្រធានាធិបតីនិងជាមនុស្សម្នាក់ដែលបានកោតសរសើរចំពោះសកម្មភាពរបស់លោកប្រធានាធិបតី Trump អំឡុងពេលមានជំងឺរាតត្បាតនេះ”។
គាត់បានស្តីបន្ទោសលោក Fauci សម្រាប់ការសម្រេចចិត្តរិះគន់ប្រធានាធិបតីនៅក្នុងប្រព័ន្ធផ្សព្វផ្សាយនិងលាតត្រដាងទំនោរនយោបាយរបស់គាត់តាមរយៈការសរសើរគូប្រជែងរបស់ប្រធានាធិបតី។
លោក Fauci ដែលជាសមាជិកកំពូលម្នាក់នៃក្រុមការងារប្រឆាំងវីរុសកូរ៉ូណារបស់សេតវិមានធ្លាប់បានផ្តល់ព័ត៌មានដល់លោក Trump អំពីមេរោគនេះស្ទើរតែរាល់ថ្ងៃប៉ុន្តែបច្ចុប្បន្ន លោកប្រធានាធិបតីលែងស្វែងរកដំបូន្មានរបស់គាត់ទៀតហើយ។
ផ្ទុយទៅវិញ លោក Fauci បាននិយាយអំពីរឿងវិជ្ជមានរបស់លោក Biden។
គាត់ប្រាប់កាសែត Washington Post ថា យុទ្ធនាការរបស់អតីតអនុប្រធានាធិបតីរូបនេះកំពុងយកចិត្តទុកដាក់យ៉ាងខ្លាំងពីទស្សនៈសុខភាពសាធារណៈ៕
ប្រែសម្រួលដោយ៖ Vann Vann
ប្រភព៖ AFP
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម២២ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សន្តិសុខសង្គម១ សប្តាហ៍ ago
អ្នកនាំពាក្យ៖ ករណីបាញ់សម្លាប់សា្វមីម្ចាស់ប្រេន Lakamo ជនដៃដល់បានធ្វើអត្តឃាតខ្លួនឯងតាមក្រោយ(មានវីដែអូ)
-
ព័ត៌មានអន្ដរជាតិ៦ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?