ព័ត៌មានអន្ដរជាតិ
បេឡារូស ដាក់ពង្រាយរថពាសដែកពេញទីក្រុង Minsk ត្រៀមបង្ក្រាបបាតុកម្មប្រចាំសប្តាហ៍
ក្រុមប្រឆាំងបេឡារូសបានធ្វើបាតុកម្មប្រឆាំងរដ្ឋាភិបាលប្រចាំសប្តាហ៍របស់ខ្លួននៅថ្ងៃអាទិត្យ។ អាជ្ញាធរបានដាក់ពង្រាយយានយន្តរាប់សិបគ្រឿងរួមទាំងកាណុងបាញ់ទឹកផងដែរសម្រាប់ការត្រៀមបង្ក្រាប។
វីដេអូដែលត្រូវបានបញ្ចេញដោយប្រព័ន្ធផ្សព្វផ្សាយបេឡារូសកាលពីព្រឹកថ្ងៃអាទិត្យបានបង្ហាញរថយន្តដឹកទំនិញនិងរថពាសដែកជាជួរដែលកំពុងធ្វើដំណើរឆ្ពោះទៅកណ្តាលទីក្រុង Minsk។ ការដាក់ពង្រាយនេះទំនងជាឆ្លើយតបទៅនឹងផែនការរបស់គណបក្សប្រឆាំងដែលរៀបចំធ្វើបាតុកម្មចុងក្រោយរបស់ពួកគេនៅក្នុងរដ្ឋធានីរបស់ប្រទេស បេឡារូស។
ការតវ៉ាទ្រង់ទ្រាយធំបានកើតឡើងក្នុងទីក្រុង Minsk រៀងរាល់ថ្ងៃអាទិត្យចាប់តាំងពីខែសីហាមកនៅពេលដែលលោកប្រធានាធិបតី Alexander Lukashenko បានជាប់ឆ្នោតជាថ្មីសម្រាប់អាណត្តិទី៦នៅក្នុងការបោះឆ្នោតមួយដែលក្រុមអ្នករិះគន់ហៅថា ជាការក្លែងបន្លំ។ ជាញឹកញាប់ សកម្មជនគណបក្សប្រឆាំងបានប្រឈមនឹងការបង្ក្រាបរបស់ប៉ូលិសហើយមានការចាប់ខ្លួនរាប់សិបនាក់នៅក្នុងព្រឹត្តិការណ៍តវ៉ា។
ក្រៅពីវត្តមានមន្ត្រីអនុវត្តច្បាប់ដ៏ច្រើន អាជ្ញាធរក៏បានបញ្ជាឲ្យបិទស្ថានីយ៍រថភ្លើងក្រោមដីចំនួន៣ផងដែរដោយលើកឡើងពីក្តីកង្វល់ផ្នែកសន្តិសុខ។ ក៏មានរបាយការណ៍អំពីការកាត់ផ្តាច់អ៊ីនធើណិតទូរស័ព្ទនៅក្នុងទីក្រុងផងដែរ៕
សូមទស្សនាវីដេអូខាងក្រោម៖
ប្រែសម្រួលដោយ៖ Vann Vann
ប្រភព៖ RT
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?