ផ្ទុះភាពចលាចលក្នុងចំណោមក្រុមបាតុករថៃ ក្រោយឮសម្លេងមួយ – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

ផ្ទុះភាពចលាចលក្នុងចំណោមក្រុមបាតុករថៃ ក្រោយឮសម្លេងមួយ

Published

on

ក្រុមបាតុករគាំទ្រលទ្ធិប្រជាធិបតេយ្យបានរត់គេចខ្លួនដោយគ្មានអ្នកស្លាប់ និងរបួស បន្ទាប់ពីការបោះផាវគ្រាប់បែកចូលទៅក្នុងក្រុមបាតុកម្មមួយនៅទីក្រុងបាងកកនៃប្រទេសថៃកាលពីល្ងាចថ្ងៃចន្ទ ។

ក្រុមបាតុករនៃក្រុម Ratsadon បានប្រមូលផ្តុំគ្នានៅផ្លូវប្រសព្វ Tha Phra ក្នុងសង្កាត់ Bangkok Yai កាលពីល្ងាចថ្ងៃចន្ទ ។ នៅម៉ោង ៧ និង ៥០ នាទីយប់ នៅពេលដែលក្រុមបាតុកររៀបនឹងក្រោកឈរឡើងដើម្បីគោរពភ្លេងជាតិ ខណៈពេលកំពុងធ្វើសញ្ញាម្រាមដៃបី ការផ្ទុះតូចមួយត្រូវបានគេឮក្នុងចំណោមក្រុមបាតុកម្មនៅផ្លូវបំបែកជាហេតុធ្វើឲ្យមានការភ័យស្លន់ស្លោ និងចលាចល ។

ក្រុមបាតុការខ្លះបានរត់ទៅស្ថានីយ Tha Phra MRT ព្រោះពួកគេជឿថា គ្រឿងផ្ទុះនោះត្រូវបានគេបោះពីទីនោះ ។ សាក្សីបាននិយាយថា ពួកគេបានឃើញបុរសម្នាក់ជិះម៉ូតូចេញទៅផ្លូវបំបែក Wongwianyai ភ្លាមៗ បន្ទាប់ពីឧប្បត្តិហេតុនោះ ប៉ុន្តែមន្ត្រីសន្តិសុខរបស់ក្រុមបាតុករមិនអាចចាប់គាត់បាននោះទេ ។

ក្រោយមកផាវដែលមិនទាន់ផ្ទុះមួយរុំដោយថង់ប្លាស្ទិចត្រូវបានគេរកឃើញនៅកន្លែងកើតហេតុ ។ វាមានទំហំប៉ុនស្ករគ្រាប់ ហើយខ្សែរំសេវមានស្នាមអុជភ្លើង ។ ក្រុមមន្រ្តីសង្ស័យថា ផាវ ២ គ្រាប់ត្រូវបានគេបោះចូល ប៉ុន្តែផ្ទុះតែមួយគ្រាប់ប៉ុណ្ណោះ ខណៈដែលមិនមានរបាយការណ៍អំពីការរងរបួសនោះទេ ។

ទន្ទឹមនោះប៉ូលិសរួមជាមួយនឹងបុគ្គលិកស្ថានីយ៍ MRT និងសន្តិសុខរបស់ក្រុមអ្នកតវ៉ាក៏កំពុងពិនិត្យមើលរូបភាពឡើងវិញពីទូរទស្សន៍ CCTV ដើម្បីកំណត់អត្តសញ្ញាណជនសង្ស័យផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម