លោក Trump​ ដាក់ពាក្យបណ្តឹងមួយទៀតឲ្យបញ្ឈប់ការរាប់សន្លឹកឆ្នោតនៅរដ្ឋ Georgia – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

លោក Trump​ ដាក់ពាក្យបណ្តឹងមួយទៀតឲ្យបញ្ឈប់ការរាប់សន្លឹកឆ្នោតនៅរដ្ឋ Georgia

Published

on

មន្ត្រីមួយរូបបាននិយាយថា យុទ្ធនាការរបស់លោក Trump កំពុងដាក់ពាក្យបណ្តឹងដើម្បីបញ្ឈប់ការរាប់សន្លឹកឆ្នោតនៅក្នុងរដ្ឋ Georgia។ គេនៅមិនទាន់ច្បាស់ទេថាតើបណ្តឹងនេះនឹងទទួលបានជោគជ័យដែរឬក៏អត់។

លោក Justin Clark អនុប្រធានយុទ្ធនាការឃោសនាបោះឆ្នោតរបស់ Trump បាននិយាយនៅក្នុងសេចក្តីថ្លែងការណ៍មួយថា “លោកប្រធានាធិបតី Trump និងក្រុមរបស់លោកកំពុងប្រយុទ្ធដើម្បីភាពល្អរបស់ប្រទេសជាតិក្នុងការលើកស្ទួយនីតិរដ្ឋហើយច្បាប់របស់រដ្ឋ Georgia គឺច្បាស់ណាស់។ ត្រូវរាប់ដោយស្របច្បាប់ សន្លឹកឆ្នោតតាមអ៊ីមែលត្រូវតែទទួលបានត្រឹមម៉ោង៧យប់នៅថ្ងៃបោះឆ្នោត។ សូម្បីតែអ្នកប្រជាធិបតេយ្យក៏បានប្តឹងកាលពីដើមឆ្នាំនេះឲ្យពន្យារពេលកំណត់និងពន្យារថ្ងៃបោះឆ្នោតផងដែរ។ លោកប្រធានាធិបតី Trump និងគណបក្សសា​ធារណរដ្ឋបានប្រយុទ្ធដើម្បីលើកស្ទួយច្បាប់របស់រដ្ឋ Georgia ហើយយើងបានឈ្នះឆ្នោត”។

លោក Clark បានបន្តទៀតថា “អ្នកសង្កេតការណ៍បោះឆ្នោតរបស់គណបក្សសាធារណរដ្ឋនៅ Georgia បានឃើញសន្លឹកឆ្នោតអវត្តមានយឺតពេលចំនួន៥៣សន្លឹកត្រូវបានបន្ថែមដោយខុសច្បាប់ទៅក្នុងគំនរសន្លឹកឆ្នោតអវត្តមានទាន់ពេលវេលានៅក្នុងតំបន់ Chatham”។

លោកបន្ថែមថា “យើងនឹងមិនអនុញ្ញាតឲ្យមន្ត្រីបោះឆ្នោតនៃគណបក្សប្រជាធិបតេយ្យលួចយកការបោះឆ្នោតនេះពីលោកប្រធានាធិបតី Trump ជាមួយសន្លឹកឆ្នោតខុសច្បាប់និងយឺតឡើយ។ លោកប្រធានាធិបតី Trump និងគណបក្សសាធារណរដ្ឋនៅ Georgia បានដាក់ពាក្យបណ្តឹងទាមទារឲ្យគ្រប់តំបន់ទាំងអស់នៅក្នុងរដ្ឋ Georgia ត្រូវបែងចែកសន្លឹកឆ្នោតដែលមកដល់យឺតពីសន្លឹកឆ្នោតដែលបានបោះដោយស្របច្បាប់ទាំងអស់ដើម្បីធានាឲ្យមានការបោះឆ្នោតដោយសេរី ត្រឹមត្រូវនិងយុត្តិធម៌”។

ស្របពេលជាមួយគ្នានោះ លោក David Shafer ដែលជាប្រធានគណបក្សសាធារណរដ្ឋប្រចាំរដ្ឋ Georgia បាននិយាយថា “ខ្ញុំបានអនុញ្ញាតឲ្យមេធាវីសម្រាប់គណបក្សសាធារណរដ្ឋនៅ Georgia ដាក់ញត្តិជាបន្ទាន់ប្រឆាំងនឹងគណៈកម្មាធិការបោះឆ្នោតតំបន់ Chatham ដើម្បីពង្រឹងច្បាប់បោះឆ្នោតនិងការពារការរាប់មិនស្របច្បាប់នៃសន្លឹកឆ្នោតអវត្តមានដែលបានទទួលបន្ទាប់ពីការបោះឆ្នោត៕

ប្រែសម្រួលដោយ៖ Vann Vann

ប្រភព៖ CNN

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម