Connect with us

ព័ត៌មានអន្ដរជាតិ

ពាក្យបណ្តឹងរបស់លោក Trump គ្រាន់តែជាវិធីពន្យារពេល មិនចង់ឲ្យខ្លួនចាញ់លឿនពេកប៉ុណ្ណោះ

បានផុស

នៅ

លោកប្រធានាធិបតី Donald Trump បានជំរុញឲ្យក្រុមមេធាវីរបស់លោកធ្វើគ្រប់បែបយ៉ាងដើម្បីឲ្យគាត់អាចមានឱកាសជាប់ឆ្នោតជាថ្មីប៉ុន្តែក្រុមអ្នកច្បាប់បាននិយាយថា ពាក្យបណ្តឹងជាបន្តបន្ទាប់គឺមានឱកាសតិចតួចណាស់ដល់ការផ្លាស់ប្តូរលទ្ធផលឆ្នោតប៉ុន្តែអាចបង្កឲ្យមានមន្ទិលសង្ស័យលើដំណើរការនេះបាន។

ស្របពេលផ្លូវរបស់លោក Trump ឈានទៅរកជ័យជម្នះបានរួមតូចក៏ដោយប៉ុន្តែយុទ្ធនាការរបស់គាត់កាលពីថ្ងៃព្រហស្បតិ៍ បានបង្កើនវិធីសាស្រ្តផ្លូវច្បាប់និងបានដាក់ពាក្យបណ្តឹងចុងក្រោយរបស់ខ្លួននៅក្នុងរដ្ឋ Nevada។

កាលពីថ្ងៃពុធ យុទ្ធនាការនេះបានប្តឹងនៅរដ្ឋ Michigan, Pennsylvania និង Georgia ហើយបានស្នើសុំចូលរួមក្នុងបណ្តឹងដែលកំពុងរង់ចាំនៅឯតុលាការកំពូលសហរដ្ឋអាមេរិក។

ក្រុមអ្នកជំនាញបាននិយាយថា វិធីសាស្រ្តនេះបានអូសបន្លាយដល់ការរាប់សន្លឹកឆ្នោតនិងពន្យាពេលមិនឲ្យប្រព័ន្ធផ្សព្វផ្សាយធំៗប្រកាសថាលោក Biden ជាអ្នកឈ្នះដែលវានឹងមានផលប៉ះពាល់នយោបាយយ៉ាងធ្ងន់ធ្ងរដល់លោក Trump។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Robert Yablon សាស្រ្តាចារ្យនៅសាលាច្បាប់នៃសាកលវិទ្យាល័យ Wisconsin-Madison បាននិយាយថា “ការធ្វើសកម្មភាពផ្លូវច្បាប់នាពេលបច្ចុប្បន្ននេះគឺជាមធ្យោបាយសម្រាប់យុទ្ធនាការរបស់លោក Trump ដើម្បីព្យាយាមពន្យារពេលនៃការប្រកួតទាំងដឹងថា លទ្ធផលនឹងលេចចេញមក។ រហូតមកដល់ពេលនេះ យើងមិនទាន់បានឃើញការបង្ហាញពីភាពមិនប្រក្រតីជាប្រព័ន្ធណាមួយក្នុងការរាប់សន្លឹកឆ្នោតនោះទេ”។

លោក Bill Stepien ដែលជាអ្នកគ្រប់គ្រងយុទ្ធនាការរបស់លោក Trump បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា បណ្តឹងទាំងនេះគឺមានគោលបំណងដើម្បីធានាឲ្យបាននូវការរាប់សន្លឹកឆ្នោតដោយស្របច្បាប់។

ទោះបីជាយ៉ាងណាក៏ដោយ លោក Bob Bauer ដែលជាសមាជិកម្នាក់នៃក្រុមមេធាវីរបស់លោក Biden បាននិយាយថា “ការប្តឹងឧទ្ធរណ៍គឺគ្មានតម្លៃទេ”។

នៅរដ្ឋ Michigan និង Pennsylvania លោក Trump បានស្នើឲ្យតុលាការបញ្ឈប់ការរាប់សន្លឹកឆ្នោតជាបណ្តោះអាសន្នពីព្រោះអ្នកសង្កេតការណ៍នៃយុទ្ធនាការរបស់លោកត្រូវបានបដិសេធចូលមើលដំណើរការនៃការរាប់សន្លឹកឆ្នោត។

នៅឯតុលាការកំពូល យុទ្ធនាការនេះបានស្នើសុំឲ្យចាត់ទុកជាមោឃៈចំពោះសន្លឹកឆ្នោតតាមសំបុត្រនៅក្នុងរដ្ឋ Pennsylvania ដែលត្រូវបានកំណត់ដោយថ្ងៃបោះឆ្នោតប៉ុន្តែបានមកដល់នៅថ្ងៃសុក្រ។

នៅរដ្ឋ Georgia យុទ្ធនាការរបស់លោក Trump បានស្នើឲ្យចៅក្រមតម្រូវឲ្យតំបន់ Chatham ដាក់សន្លឹកឆ្នោតដែលមកដល់យឺតនៅមួយឡែកដើម្បីធានាថា ពួកគេនឹងមិនត្រូវបានរាប់បញ្ចូល។

ប៉ុន្តែសារព័ត៌មាន Associated Press បានឲ្យដឹងថា ករណីនៅរដ្ឋ Georgia ត្រូវបានច្រានចោលកាលពីថ្ងៃព្រហស្បតិ៍។

លោក Edward Foley ដែលមានជំនាញខាងច្បាប់បោះឆ្នោតនៅមហាវិទ្យាល័យច្បាប់ Moritz បាននិយាយថា ករណីទាំងនេះអាចមានលក្ខណៈល្អប្រសើរតែប៉ះពាល់ដល់សន្លឹកឆ្នោតមួយចំនួនតូចនិងបញ្ហានីតិវិធីតិចតួចប៉ុណ្ណោះ៕

ប្រែសម្រួលដោយ៖ Vann Vann

ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

កម្ពុជា ចូលរួមកិច្ចប្រជុំផែនការយុទ្ធសាស្ត្រ វប្បធម៌អាស៊ាន ក្រោយឆ្នាំ២០២៥

ព័ត៌មានជាតិ១១ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ១១ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១៤ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១៤ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម