រដ្ឋមន្រ្តីការបរទេសកាណាដា ថា ជ័យជម្នះរបស់លោក Biden គឺជា “ដំណឹងល្អ” – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

រដ្ឋមន្រ្តីការបរទេសកាណាដា ថា ជ័យជម្នះរបស់លោក Biden គឺជា “ដំណឹងល្អ”

Published

on

រដ្ឋមន្រ្តីក្រសួងការបរទេសកាណាដាលោក Francois-Philippe Champagne បាននិយាយកាលពីថ្ងៃអាទិត្យ ទី៨ ខែវិច្ឆិកា ថា ជ័យជម្នះក្នុងការបោះឆ្នោតប្រធានាធិបតីសហរដ្ឋអាមេរិករបស់លោក Joe Biden គឺជាដំណឹងល្អសម្រាប់ប្រទេសកាណាដា ។

លោក Champagne បាននិយាយអំពីជ័យជម្នះរបស់លោក Biden នៅក្នុងបទសម្ភាសន៍មួយដែលចាក់ផ្សាយលើកញ្ចក់ទូរទស្សន៍ CTV ថា “នេះគឺជាដំណឹងល្អ ហើយយើងនឹងអាចធ្វើការបានល្អជាមួយរដ្ឋបាលរបស់លោក Biden” ។

លោកបាននិយាយថា “យើងនឹងតាមដានស្ថានការណ៍ដោយយកចិត្តទុកដាក់បំផុត ។ ប៉ុន្តែទន្ទឹមនឹងនេះយើងកំពុងរៀបចំផែនការជាមួយរដ្ឋបាលថ្មីរបស់លោក Biden ផងដែរ” ។

លោក Champagne បាននិយាយផងដែរថា ប្រទេសកាណាដានឹងព្យាយាមជួយដល់រដ្ឋបាលលោក Biden ដើម្បីព្យាយាមរក្សាទុកបំពង់បង្ហូរប្រេង Keystone XL (KXL) របស់ក្រុមហ៊ុន TC Energy Corp ដែលនឹងដឹកប្រេងទៅសហរដ្ឋអាមេរិកពីកាណាដា ។

លោក Champagne បានប្រាប់សារព័ត៌មាន CBC ថា “នេះគឺជារបៀបវារៈកំពូល ។ កាណាដាគឺជាអ្នកផ្គត់ផ្គង់ថាមពលដែលគួរឲ្យទុកចិត្តបំផុតដល់សហរដ្ឋអាមេរិក” ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម