មេប៉ូលិសរដ្ឋ Arkansas អំពាវនាវឲ្យមានអំពើហិង្សាប្រឆាំងក្រុមអ្នកប្រជាធិបតេយ្យ – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

មេប៉ូលិសរដ្ឋ Arkansas អំពាវនាវឲ្យមានអំពើហិង្សាប្រឆាំងក្រុមអ្នកប្រជាធិបតេយ្យ

Published

on

មេប៉ូលិសរដ្ឋ Arkansas ដែលអំពាវនាវឲ្យមានអំពើហិង្សាប្រឆាំងនឹងក្រុមអ្នកប្រជាធិបតេយ្យតាមបណ្តាញសង្គម បានលាឈប់ពីការងាររបស់គាត់កាលពីថ្ងៃសៅរ៍។

លោក Lang Holland ប្រធានប៉ូលិសនៃទីក្រុង Marshall ដែលមានប្រជាជនប្រហែល១,៣០០នាក់បានបង្កឲ្យមានកំហឹងពីសំណាក់ប្រជាពលរដ្ឋក្នុងតំបន់និងប្រជាជននៅទូទាំងប្រទេសបន្ទាប់ពីបានធ្វើអត្ថាធិប្បាយដ៏ចម្លែកតាមអ៊ីនធើណិតក្នុងរយៈពេលប៉ុន្មានថ្ងៃថ្មីៗនេះ។ ក្រៅពីនិយាយម្តងហើយម្តងទៀតថាអ្នកប្រជាធិបតេយ្យគួរតែត្រូវបានសម្លាប់នោះ គាត់បានចែករំលែក meme ពីទ្រឹស្តីឃុបឃិត QAnon ហើយបានអះអាងថា សន្លឹកឆ្នោតត្រូវបានគេលួច។

លោក Holland បានបង្ហោះលើ Parler ដែលជាគេហទំព័រប្រព័ន្ធផ្សព្វផ្សាយសង្គមថ្មីពេញនិយមសម្រាប់អ្នកអភិរក្សនិងត្រូវបានប្រើជាជម្រើសជំនួស Twitter ថា “ស្លាប់ទៅអ្នកប្រជាធិបតេយ្យម៉ាក្សនិយមទាំងអស់។ មិនត្រូវឲ្យអ្នកទោសណាម្នាក់មានជីវិតរស់ទេ”។

រូបភាពមួយដែលគាត់ចែកចាយបានបង្ហាញពីអ្នកប្រជាធិបតេយ្យមួយក្រុមរួមទាំងលោកស្រី Hillary Clinton និងលោក Barack Obama ផងដែរដែលពាក់សម្លៀកបំពាក់ជាប់ពន្ធនាគារ។ នៅក្រោមរូបភាព គាត់បានសរសេរថា “ខ្ញុំសូមអធិស្ឋានដល់អស់អ្នកដែលនៅក្នុងរូបភាពត្រូវគេព្យួរ.ក!!!! អ្វីដែលទាបគឺមិនអាចទទួលយកបានទេ”។

ទោះបីជាយ៉ាងណាក៏ដោយ CNN មិនអាចទាក់ទងសុំការអត្ថាធិប្បាយបានទេ។ គណនី Parler របស់គាត់ត្រូវបានដាក់ជាលក្ខណៈឯកជនកាលពីថ្ងៃសៅរ៍៕

ប្រែសម្រួលដោយ៖ Vann Vann

ប្រភព៖ CNN

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម