អ្វី​ទៅជា​ដុំ​ទី​ម៉ូ​ម (Thymome)! – Kampuchea Thmey Daily
Connect with us

សុខភាព

អ្វី​ទៅជា​ដុំ​ទី​ម៉ូ​ម (Thymome)!

Published

on

ទី​ម៉ូ​ម ​គឺជា​ដុំ​នៃ​ក្រពេញ​ទី​មុ​ស ​ដែល​ស្ថិតនៅ​ផ្នែក​ខាងមុខ​និង​ខាងលើ​នៃ​ប្រអប់​ទ្រូង​។ ជាទូទៅ​ទី​ម៉ូ​ម​មិនសូវ​ជា​បង្ក​ឲ្យ​មាន​រោគសញ្ញា​អ្វី​ជាក់លាក់​នោះ​ទេ​។ នៅ​ក្នុង​ករណី​ទី​ម៉ូ​ម​ធំ​ខ្លាំង វា​អាច​សង្កត់​លើ​សរីរាង្គ​ផ្សេងៗ​នៅក្បែរនោះ ដែល​អាច​បណ្ដាល​ឲ្យ​មាន​ផលវិបាក​ដូចជា​៖

– ការឈឺចាប់​ក្នុង​ទ្រូង​

– ក្អក​ស្ងួត​

– ស្អក​ក​ញឹកញាប់​

– ការពិបាក​លេប​អាហារ​

– ការពិបាក​ដកដង្ហើម​

– ការ​សង្កត់​លើ​សរសៃឈាម និង​បេះដូង ដែល​បណ្ដាល​ឲ្យ​ហើម​មុខជា​ដើម​។

​ក្នុង​ករណី​ខ្លះ វា​មាន​រួមផ្សំ​ជាមួយ​ជំងឺ​អូ​តូ​អ៊ី​មូ​ន (Maladie d’autoimmune paranéoplasique) ដែល​ភាគច្រើន ជា​សញ្ញា ខ្សោយ​សាច់ដុំ (Myasthénie gravis)​។ ដុំ​ប្រភេទ​នេះ​ច្រើន​ ត្រូវ​បាន​រក​ឃើញ​ដោយ​ចៃដន្យ​នៅ​ពេល​ថត​សួត។ ក្រៅពី​ថត​សួត ការ​ថត​ដោយ​ស្កេ​ន​ន័​រ​អាច​ឲ្យ​ដឹងពី​សភាព​ដុំ ទីតាំង និង​ការរីក រាលដាល​នៃ​ដុំ​ទី​ម៉ូ​ម ដែល​វា​ជួយ​សម្រួល​ដល់​ការវិនិច្ឆ័យ ការវាយតម្លៃ និង​ការសម្រេចចិត្ត​ក្នុងការ​ព្យាបាល​។​

​ការព្យាបាល​ដុំ​ទី​ម៉ូ​ម​ គឺ​អាស្រ័យ​ទៅ​លើ​ដំណាក់កាល​នៃ​ដុំ និង​ស្ថានភាព​ធ្ងន់ធ្ងរ​នៃ​អ្នកជំងឺ​។ ការវះកាត់​យកចេញ​ឲ្យ​អស់​នូវ​ដុំ​នេះ គឺជា​ការ​ព្យាបាល​ចម្បង ដែល​អាច​ឲ្យ​អ្នកជំងឺ​ជាសះស្បើយ​បាន​។ ក្នុង​ករណី​ខ្លះ អ្នកជំងឺ​ត្រូវការ ការ​ព្យាបាល​ដោយ​ប្រើ​ថ្នាំ​គីមី និង​ការ​ព្យាបាល​ដោយ​កាំរស្មី​ផងដែរ​។​

​ដូច្នេះ​បើ​លោកអ្នក​មាន​សញ្ញា​ផ្សេងៗ​ ដែល​មាន​រៀបរាប់​ខាងលើ ឬក៏​បាន​ប្រទះឃើញ ដុំ​ប្លែក​ក្នុង​ទ្រូង​តាមរយៈ​ការ​ថត​ឆ្លុះ​នានា សូម​លោកអ្នក​អញ្ជើញ​ទៅ​ជួប​ពិគ្រោះ​ជាមួយ​គ្រូពេទ្យ​ឯកទេស​នៃ​មន្ទីរពេទ្យ​កាល់​ម៉ែត ដើម្បី​ធ្វើ​រោគវិនិច្ឆ័យ​ត្រឹមត្រូវ និង​ទទួល​បាន​ការ​ព្យាបាល​ ដែល​សមស្រប​៕​

អត្ថបទ៖ រស្មី

សូមចុចអាន៖ ​អស់​ក្តី​បារម្ភ​ចំពោះ​ស្ត្រី​មាន​ផ្ទៃពោះ ដែល​ប្រឈមមុខ​នឹង​ការវះកាត់​!

ចុច Like Facebook កម្ពុជាថ្មី

ព័ត៌មានជាតិ2 hours ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ2 hours ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ3 hours ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ3 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ4 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម