ស្ត្រី​មាន​ផ្ទៃពោះ គួរ​ប្រុងប្រយ័ត្ន​ក្នុង​ការ​ធ្វើដំណើរ​! – Kampuchea Thmey Daily
Connect with us
ធនាគារ ហត្ថា

សុខភាព

ស្ត្រី​មាន​ផ្ទៃពោះ គួរ​ប្រុងប្រយ័ត្ន​ក្នុង​ការ​ធ្វើដំណើរ​!

Published

on

​អំឡុង​ពេល​មាន​ផ្ទៃពោះ មិនមែនជា​ពេលវេលា​ដ៏​ល្អ​សម្រាប់​ស្ត្រី​ធ្វើដំណើរ​ឆ្ងាយ​ឡើយ​។ ដូចនេះ​អ្នក​ម្តាយ​ទាំងឡាយ ​គួរ​ស្វែងយល់​អំពី​ចំណុច​ខាងក្រោម​ ដើម្បី​ទុកជា​អត្ថប្រយោជន៍​។​

​ក​) ការធ្វើដំណើរ​ផ្លូវ​ឆ្ងាយ​ត្រូវ​ហាមឃាត់​ចំពោះ​ស្ត្រី​មាន​ផ្ទៃពោះ នៅពេល​ដែលមាន ​៖

– ផ្ទៃពោះ​កូនភ្លោះ​

– ប្រវត្តិ​រលូត​កូន​

– មាន​សញ្ញា​គំរាម​កើត​មិន​គ្រប់​ខែ​

– ជំងឺលើសឈាម​

– ជំងឺ​ទឹកនោមផ្អែម​

​ខ​) ទីកន្លែង​ដែល​មិនគួរ​ធ្វើដំណើរ​ទៅ​ ៖

– ក្នុង​តំបន់​ពុំមាន​កន្លែង​សម្រាក​ពេទ្យ​

– ក្នុង​តំបន់​ដែលមាន​ជំងឺគ្រុនចាញ់ ជំងឺ​ហ្ស៊ី​កា​

​គ​) ក្នុង​ធ្វើដំណើរ​ស្ត្រី​ត្រូវ​យកទៅ​ជាមួយ​នូវ ៖

– ប្រដាប់​ស្ទង់​កម្ដៅ​

– ថ្នាំ Paracétamol

– ប្រដាប់​វាស់​ឈាម​

​ឃ​) ការធ្វើដំណើរ​តាម​យន្តហោះ​ ៖

​ស្ត្រី​អាចធ្វើ​ដំណើរ​តាម​យន្តហោះ (​ចំពោះ​ការហោះហើរ​រយៈពេល​ខ្លី​) បាន​រហូត​កូន​ក្នុង​ផ្ទៃ​អាយុ​៧​ខែ ឬ ៨​ខែ ដោយមាន​សំបុត្រ​ពេទ្យ​បញ្ជាក់​ពី​ការ​ប៉ាន់ស្មាន​ថ្ងៃ​សម្រាល​។ ការធ្វើដំណើរ​តាម​យន្តហោះ​ត្រូវ​ហាមឃាត់​ក្នុង​រយៈពេល​ខែ​ចុងក្រោយ និង​៧​ថ្ងៃ ក្រោយ​សម្រាល​។​

​បងប្អូន​ស្ត្រី​មាន​ផ្ទៃពោះ គួរ​ចៀសវាង​ការធ្វើដំណើរ​ផ្លូវ​ឆ្ងាយ ដែល​អាច​បង្ក​គ្រោះថ្នាក់​ផ្សេងៗ​នៅ​អំឡុង​ពេល​ធ្វើដំណើរ ឬ​នៅ​តំបន់​ដែល​គ្មាន​មន្ទីរពេទ្យ​។

ប្រសិនបើ​មាន​បញ្ហា​កើតឡើង បន្ទាប់ពី​ការ​ធ្វើដំណើរ សូម​ប្រញាប់​មកជួប​ជាមួយ​វេជ្ជបណ្ឌិត​ជំនាញ​នៅ​មន្ទីរពេទ្យ​កាល់ម៉ែត ដើម្បី​ធ្វើការ​ពិគ្រោះ និង​ពិនិត្យ​ឲ្យ​បាន​ច្បាស់លាស់ ចៀសវាង​គ្រោះថ្នាក់​ផ្សេងៗ​ដែល​កើតឡើង​ចំពោះ​ម្តាយ ​និង​កូន​នៅ​ក្នុង​ផ្ទៃ​៕

អត្ថបទ ៖ ​រស្មី​

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម