សុខភាព
កាហ្វេផ្ដល់ប្រយោជន៍ តែក៏អាចមានគុណវិបត្តិធ្ងន់ធ្ងរដល់សុខភាពប្រសិនបើ….
កាហ្វេជាភេសជ្ជៈពេញនិយមសម្រាប់យុគសម័យថ្មី។ មនុស្សជាច្រើនចំណូលទទួលទានកាហ្វេពេលព្រឹក ព្រោះវាជួយស្មារតីឲ្យភ្លឺស្វាង។ កាហ្វេមានគុណសម្បត្តិច្រើនយ៉ាងចំពោះរាងកាយ ទន្ទឹមនឹងនោះកាហ្វេក៏មានផលប៉ះពាល់ដល់សុខភាពមួយចំនួនផងដែរ។
សារធាតុធីអូហ្វ៊ីលលីន (Theophylline) ជាសារធាតុនៅក្នុងកាហ្វេអ៊ីនដែលធ្វើឲ្យបំពង់ខ្យល់រីក និងជំរុញដល់ប្រព័ន្ធប្រសាទ។ នៅក្នុងផ្នែកវេជ្ជសាស្ត្រ សារធាតុនេះគេប្រើជាមួយអ្នកជំងឺហឺតដង្ហក់ ដើម្បីជំរុញការដកដង្ហើម។ បើបានទទួលសារធាតុនេះក្នុងបរិមាណច្រើន អាចនឹងហុចផលឲ្យរាងកាយបាត់បង់តុល្យការ ដោយសារតែវាទៅជំរុញប្រព័ន្ធខួរក្បាល ទើបមិនស័ក្ដិសមជាមួយអ្នកដែលកើតជំងឺបេះដូងនោះទេ។
ដោយឡែក សារធាតុ ស៊ែនធីន អាល់ខាលយដ៍ (Xanthine Alkaloid) ជាសារធាតុដែលមានឥទ្ធិពលជំរុញប្រព័ន្ធប្រសាទផ្នែកកណ្ដាល ដែលធ្វើឲ្យមានអារម្មណ៍ក្លៀវក្លា រាងកាយស្វាហាប់។ បើសិនបានទទួលក្នុងបរិមាណច្រើន អាចធ្វើឲ្យបេះដូងដើរលឿនខុសប្រក្រតីបាន។ សារធាតុនេះត្រូវបានប្រើជាចំណែកផ្សំរបស់ភេសជ្ជៈប៉ូវកម្លាំង ភេសជ្ជៈកំប៉ុងផ្សេងៗ ក៏ដូចជាមាននៅក្នុងកាហ្វេអ៊ីនផងដែរ។ របាយការណ៍ខ្លះបានប្រាប់ថា សារធាតុនេះប្រើលាយផ្សំនៅក្នុងថ្នាំសម្លាប់សត្វល្អិតទៀតផង ព្រោះកាហ្វេអ៊ីនអាចធ្វើឲ្យសត្វល្អិតស្លាប់បាន។ កាលណាទទួលទានសារធាតុនេះក្នុងបរិមាណច្រើន វានឹងធ្វើឲ្យប្រព័ន្ធប្រឆាំងភាពស៊ាំក្នុងរាងកាយធ្លាក់ចុះខ្សោយ។
លើសពីនោះទៀត សារធាតុផ្សេងនៅក្នុងកាហ្វេអ៊ីនអាចធ្វើឱ្យកើតដំបៅនៅក្នុងក្រពះ ឬអ្នកមានជំងឺក្រពះស្រាប់ មានអាការចុកពោះនៅពេលទទួលទានកាហ្វេពេលពោះទំនេរ។ ម្យ៉ាងទៀត នៅពេលផឹកកាហ្វេពេលមិនទាន់ញ៉ាំអី អាចធ្វើឲ្យវិលមុខ មានអារម្មណ៍រសាប់រសល់ និងងាយធ្វើឲ្យកើតអាការធុញថប់តានតឹង។ រីឯអាការផ្សេងទៀតគឺធ្វើឲ្យបេះដូងលោតញាប់ និងគេងលក់មិនស្រួល។ បន្ថែមពីលើនេះ អ្នកញៀនកាហ្វេអ៊ីនអាច ធ្វើ្យឲ្យសម្ពាធឈាមឡើងខ្ពស់ និងធ្វើឲ្យខ្លាញ់នៅក្នុងឈាមកើនឡើងដែរ ដែលជាលទ្ធផលធ្វើឲ្យក្រពះផលិតអាស៊ីតចេញមកបន្ថែម ធ្វើឲ្យងាយកើតដំបៅក្នុងក្រពះខ្លាំងជាងមនុស្សប្រក្រតី។
ចំណែកផលប៉ះពាល់ដែលកើតនៅលើមនុស្សស្រីវិញ កាហ្វេអ៊ីនក្នុងបរិមាណច្រើននឹងធ្វើឱ្យងាយកើត “ដុំគីស” ជាងមនុស្សស្រីធម្មតា និងប្រថុយប្រថានក្នុងការកើតមហារីក ឬដុះសាច់នៅក្នុងសុដន់ទៀតផង៕
ប្រែសម្រួល៖ សន្យា
ប្រភព៖ Healthline
ចុចអាន៖ស្វែងយល់អំពី ជំងឺរបេង!
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង