៤ យ៉ាង​ពី​ម្ចាស់ក្សត្រី SUTHIDA មហេសី​ព្រះរាជា​ថៃ​បច្ចុប្បន្ន – Kampuchea Thmey Daily
Connect with us
ធនាគារ ហត្ថា

KPT+

៤ យ៉ាង​ពី​ម្ចាស់ក្សត្រី SUTHIDA មហេសី​ព្រះរាជា​ថៃ​បច្ចុប្បន្ន

Published

on

ម្ចាស់ក្សត្រី Suthida Bajrasudhabimalalakshana ជា​ព្រះមហេសីបច្ចុប្បន្ន នៃព្រះមហាក្សត្រថៃ Maha Vajiralongkorn ធ្លាប់ជាអង្គរក្សនៃ​ព្រះរាជាផ្ទាល់។

ខាងក្រោមជាកម្រង​រឿងរ៉ាវដ៏​គួរឲ្យចាប់អារម្មណ៍មួយចំនួនរបស់ទ្រង់៖

១. ម្ចាស់ក្សត្រី Suthida ជាមហេសីទី៤

មុន​ពេល​ព្រះនាង Suthida តែងតាំងជាម្ចាស់ក្សត្រី ព្រះរាជា Vajiralongkorn បាន​អភិសេក​ជាមួយ​មហេសីទី១ ព្រះនាង Soamsawali Kitiyakara (ឆ្នាំ ១៩៧៧-៩៩៣) មហេសីទី២ព្រះនាង Sujarinee Vivacharawongse (១៩៩៤-១៩៩៦) និងទី៣ព្រះនាង Srirasmi Suwadee (២០០១-២០១៤) ។

អាពាហ៍ពិពាហ៍​មុន​ទាំងអស់​ត្រូវបានបញ្ចប់ដោយការលែងលះ។ រីឯម្ចាស់ក្សត្រី Suthida បាន​រៀប​អភិសេក​ជាមួយ​ព្រះមហាក្សត្រ​នៅ​ខែ ឧសភា ឆ្នាំ ២០១៩ ។

២. ម្ចាស់ក្សត្រី  Suthida ធ្លាប់​ជា​អ្នក​បម្រើ​តាមយន្តហោះ​និង​ជាអង្គរក្ស​បរមរាជវាំង

ព្រះមហេសី Suthida ជាអតីតនារីអាកាសចរក្រុមហ៊ុន JALways Airlines កាល​ពីឆ្នាំ ២០០០ ដល់ ២០០៣ ក្រោយ​មក​ទ្រង់ធ្វើការឲ្យក្រុមហ៊ុន Thai Airways ពីឆ្នាំ ២០០៣ ដល់ ២០០៨ ។

ក្នុងឆ្នាំ ២០១៣ ព្រះក្សត្រីអង្គ​នេះ បានចូលបម្រើការជាមួយក្រុមឆ្មាំអង្គរក្សក្នុងវាំង និង​ត្រូវ​បាន​តែងតាំង ជា​អង្គភាព​ពិសេស​នៃ​កងអង្គរក្សរបស់ព្រះអង្គម្ចាស់ Crown។ នៅខែសីហាឆ្នាំ ២០១៥ ព្រះនាង​ត្រូវ​បាន​ដំឡើង​ឋានន្តរសក្ដិ​ជា​ឧត្ដមសេនីយ៍ត្រី។ ក្រៅពីនោះ ទ្រង់ក៏បានចូលរួម​ក្នុង​កង​យោធពល​បរម​រាជវាំង និង​ត្រូវ​បាន​ដំឡើង​ឋានៈ​ជា​ឧត្ដមសេនីយ៍ឯក​ក្នុង​ឆ្នាំ ២០១៦ ។

៣. ការ​រៀប​អភិសេក​ដ៏​ភ្ញាក់ផ្អើល

ការអភិសេកជាមួយមេអង្គរក្សនៅត្រឹម​ពីរបីថ្ងៃមុន ពិធីឡើងគ្រងរាជ្យ បាន​ក្លាយ​ជារឿង​ដ៏គួរ​ឲ្យ​ភ្ញាក់ផ្អើល​ទូទាំងប្រទេសថៃ ព្រោះព្រះរាជវាំងពុំធ្លាប់បញ្ជាក់ពីទំនាក់ទំនងមួយនេះឡើយ។ ទោះយ៉ាងណា ប្រព័ន្ធផ្សព្វផ្សាយ​មួយ​ចំនួន​បាន​តភ្ជាប់ត្រឡប់ទៅក្រោយ រួចឃើញថា នៅខែតុលា ឆ្នាំ ២០១៦ ព្រះមហេសី​និង​ព្រះរាជា ធ្លាប់ត្រូវបាន​គេ​ឃើញ​ជិតស្និទ្ធ​នឹង​គ្នា​ញឹកញាប់ដែរ។

៤. ការរិះគន់មហាក្សត្រិយានីនិងសមាជិករាជវង្សត្រូវជាប់ទោសបទឧក្រិដ្ឋ

ប្រទេសថៃ​មានច្បាប់ដាក់ទោសទណ្ឌយ៉ាងតឹងរ៉ឹងចំពោះជនណាដែលបរិហារកេរ្តិ៍ ប្រមាថ ឬ​រិះគន់​សមាជិក​ណាមួយ​នៃ​គ្រួសារ​រាជវង្សថៃ។ ការផ្តន្ទាទោសអាចបណ្តាល​ឲ្យ​ជាប់​ពន្ធនាគារ​រហូតដល់ ១៥ ឆ្នាំ។

ក្នុង​នោះ​ក្រុម​សិទ្ធិ​មនុស្សបានធ្វើការតវ៉ាលើច្បាប់​នេះ ប៉ុន្តែ​លោក​នាយករដ្ឋមន្ត្រី​បាន​អះអាង​ថា វា​ពិត​ជា​ចាំបាច់​ដើម្បី​ការពារ​គ្រួសារ​រាជវង្ស មិន​អាច​លុបចោល​ឡើយ៕

ប្រែសម្រួល៖ សន្យា

ប្រភព៖ SCMP

ចុចអាន៖រឿង​ពិត​គួរ​ឲ្យ​ភ្ញាក់ផ្អើល​ទាំង ១០ អំពី​រ៉ែ​មាស

ចុចអាន៖ជីវិតពិត​ Angelina Jolie ក្លាយ​ជា​មាតា​សប្បុរសក៏ព្រោះ​ប្រទេស​កម្ពុជា

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ12 mins ago

រដ្ឋបាល​រាជធានី​ភ្នំពេញ ​ណែនាំ​១០​ចំណុច​ដល់​រដ្ឋបាល​ខ​ណ្ឌ​ទាំង​១៤ ចូលរួម​បង្ការ​និង​ទប់ស្កាត់​ការ កូ​វីដ​-១៩

ព័ត៌មានជាតិ34 mins ago

ថ្នាក់ដឹកនាំ និង​មន្ត្រីរាជការ​ក្រសួងយុត្តិធម៌​ទាំងអស់ ពុំមាន​នរណា​ឆ្លង Covid-19 នោះទេ

ព័ត៌មានជាតិ39 mins ago

ពលរដ្ឋ​ដែល​សង្ស័យ​ខ្លួន​ជាប់​ព័ន្ធ​នឹង​ព្រឹត្តិការណ៍​២៨វិច្ឆិកា ៩២នាក់​នៅ​បាត់​ដំបង ស្ម័គ្រ​ចិត្ត​មក​ធ្វើ​តេស្ត

ព័ត៌មានអន្ដរជាតិ52 mins ago

ក្រុមហ៊ុន Moderna ដាក់ពាក្យសុំអនុញ្ញាតឲ្យប្រើប្រាស់វ៉ាក់សាំងរបស់ខ្លួនជាបន្ទាន់ក្រោយការធ្វើតេស្តបង្ហាញប្រសិទ្ធភាពលើស៩៤ភាគរយ

ព័ត៌មានជាតិ1 hour ago

សម្តេច​តេ​ជោ ហ៊ុន សែន នឹង​អញ្ជើញ​ចូលរួម​សម័យប្រជុំ​ពិសេស​របស់​មហាសន្និបាត UN ស្តីពី​ការប្រយុទ្ធប្រឆាំង​ជំងឺ​កូ​វីដ​-១៩

ព័ត៌មានពេញនិយម