បែងចែកច្បាស់ឬនៅ រវាងទំនាក់ទំនងត្រឹមតែជាតណ្ហានិងស្នេហាពិត? – Kampuchea Thmey Daily
Connect with us

KPT+

បែងចែកច្បាស់ឬនៅ រវាងទំនាក់ទំនងត្រឹមតែជាតណ្ហានិងស្នេហាពិត?

Published

on

តើអ្វីជាស្នេហា និងអ្វីជាតណ្ហា? ពេលខ្លះយើងកំពុងស្ថិតក្នុងទំនាក់ទំនងស្នេហា ក៏ពិបាកនឹងបែងចែករវាងរឿងពីរនេះឲ្យបានច្បាស់ដែរ។ ខាងក្រោមនេះគឺជាសញ្ញាខ្លះៗដែលបង្ហាញថា អ្វីដែលអ្នកកំពុងតែមានអាចមិនមែនជាស្នេហ៍ពិតទេ តែត្រឹមជាតណ្ហាប៉ុណ្ណោះ។

ស្លៀកពាក់ដើម្បីទាក់ទាញ

មិនថាអ្នកជាបុរសឬស្រ្តី រឿងដែលអ្នកយកចិត្តទុកដាក់ខ្លាំងគឺរបៀបតុបតែងខ្លួន។ ការស្លៀកពាក់ សក់ក្បាល និងក្លិនទឹកអប់ សុទ្ធតែត្រូវបានជ្រើសរើសយ៉ាងផ្ចិតផ្ចង់បំផុត នៅពេលណាត់ជួបម្ដងៗ។ ហេតុអ្វី? ព្រោះថា អ្នកចង់បានការចាប់អារម្មណ៍លើរាងកាយខ្លាំងជាងការសន្ទនា ឬការយល់ចិត្តគ្នា។

គ្មានគម្រោងទៅថ្ងៃអនាគត

ការចំណាយពេលវេលាជាមួយគ្នា វាជារឿងល្អសម្រាប់គូស្នេហ៍។ ប៉ុន្តែការប៉ងចំណាយពេលពេញ១ជីវិតជាមួយគ្នា វាកាន់តែជារឿងដែលត្រូវគិតគូរ។ ប្រសិនបើអ្នកគ្មាន អារម្មណ៍ដើម្បីកសាងគ្រួសាររួមគ្នាទេ វាមិនមែនជាស្នេហ៍ពិតឡើយ វាគ្រាន់តែជាការចង់បានគ្នាមួយភ្លែតប៉ុណ្ណោះ។

កម្រណាត់ជួបពិតប្រាកដ

ជាទូទៅមនុស្សស្រឡាញ់គ្នា គេឧស្សាហ៍ណាត់ជួបដើម្បីធ្វើឲ្យទំនាក់ទំនងគូស្នេហ៍កាន់តែជិតស្និទ្ធ។ ប៉ុន្តែសម្រាប់អ្នកមិនប្រាកដប្រជា គេកម្រជួបគ្នា ព្រោះគេមិនមែនត្រូវការគ្នាពិតឡើយ។ គេជួបគ្នាតែពេលអផ្សុកចង់បានការរួមភេទប៉ុណ្ណោះ។

មិនហ៊ានចំណាយឲ្យគ្នា

មនុស្សពីរនាក់ស្រឡាញ់គ្នាពិត តែងតែចំណាយទាំងពេលវេលា និងប្រាក់ខ្លះដើម្បីគ្នា នៅពេលម្នាក់ទៀតត្រូវការជំនួយ ដោយគេមិនត្រូវការតបស្នងឡើយពីគូស្នេហ៍។ តែចំពោះអ្នកដែលមានស្នេហាមួយឆាវៗ គេមិនហ៊ានធ្វើបែបនេះឡើយ ព្រោះពួកគេខ្លាចខាតដោយមិនអាចទទួលបានអីមកវិញ។

មិនហ៊ានបង្ហាញឲ្យគេដឹង

ជាការពិតស្នេហាដែលចង់បានមួយឆាវ ប្រាកដជាខ្លាចអ្នកដទៃដឹងឮមិនខាន។ មិនថានៅក្នុងចំណោមសាច់ញាតិ គ្រួសារ មិត្តភក្ដិ ឬបណ្ដាញសង្គមនោះទេ គេនឹងមិនបង្ហើបឬបង្ហាញដាច់ខាតថា ពួកគេកំពុងមានទំនាក់ទំនងជាមួយនឹងនរណា។

ចូលចិត្តនិយាយពាក្យស្រឡាញ់ញឹកញាប់ខ្លាំង និងនិយាយពាក្យនេះជាមួយអ្នកផ្សេង

ស្រឡាញ់ពិតមិនត្រូវការតែពាក្យ២ម៉ាត់ទេ វាបូករួមមកជាមួយទង្វើនៃក្ដីស្រឡាញ់។ មនុស្សដែលឧស្សាហ៍ពោលពាក្យស្រឡាញ់ពេញៗម៉ាត់ ជាទូទៅគេនិយាយឲ្យតែរួចពីមាត់ទេ ព្រោះប្រភេទគេ ជាប្រភេទអ្នកចូលចិត្តលួងលោមផ្អែមល្ហែម។ មិនតែប៉ុណ្ណោះ គេក៏ចូលចិត្តនិយាយថា ស្រឡាញ់អ្នកនេះ ស្រឡាញ់អ្នកនោះតាមតែគេនឹកឃើញ។

គិតពីគ្នាទៅវិញទៅមកតាមផ្លូវមិនល្អ

នៅពេលណាដែលអ្នកទាំងពីរគិតពីគ្នាទៅវិញទៅមក អ្នកតែងតែគិតតាមរបៀបមិនល្អឬស្រើបស្រាល។ នៅពេលដែលអ្នកនៅម្នាក់ឯង អ្នកស្រមៃឃើញតែរូបរាងនារីឬបុរសនោះ។ វាមិនមែនជាការស្រមៃធម្មតាទេ តែនឹកទៅដល់ការរួមភេទជាមួយគេ។ តើគេគិតយ៉ាងណា បើសិនយើងបានគេងជាមួយគ្នា? តើគេនឹងចូលចិត្តរូបរាងខ្ញុំទេ? តើគេនឹងមានក្ដីសុខនូវអ្វីដែលខ្ញុំផ្ដល់ឲ្យគេទេ?

ភាពសិ្នទ្ធស្នាលមានតែក្នុងបន្ទប់

ភាពស្និទ្ធស្នាលគឺជាអ្វីដែលមាននៅក្នុងទំនាក់ទំនងគ្រប់ប្រភេទ។ មនុស្ស២នាក់មានភាពស្និទ្ធស្នាល វាមិនមែនគ្រាន់តែពួកគេថើប អោប ឬសប្បាយនៅក្នុងបន្ទប់គេងប៉ុណ្ណោះទេ។ ភាពស្និទ្ធស្នាល មានការសន្ទនាស៊ីជម្រៅ និងចំណាយពេលវេលាឯកជនជាមួយគ្នាជាច្រើន។ ចំពោះភាពស្និទ្ធស្នាលរបស់អ្នកគ្មានស្នហាពិត ត្រូវបានកំណត់ចំពោះតែសកម្មភាពផ្លូវភេទប៉ុណ្ណោះ។

មិនខ្វល់ខ្វាយពីបញ្ហារបស់គ្នា

ស្នេហាដែលគិតត្រឹមរឿងលើគ្រែ មិនបារម្ភពីសុខទុក្ខគ្នាទៅវិញទៅមកនោះទេ ហាក់ផ្ទុយស្រឡះពីដៃគូរពិត ដែលគេខ្វល់ពីបញ្ហារបស់គ្នា និងហ៊ានលះបង់ពេលវេលាឲ្យគ្នា  ដើម្បីសេចក្ដីរបស់ដៃគូ។

រក្សាអាថ៌កំបាំងរៀងខ្លួន

ពុំមានអ្វីត្រូវចែករំលែកជាមួយគ្នាឡើយរវាងមនុស្សពីរនាក់ដែលគ្រាន់តែចង់បានគ្នាមួយគ្រា។ គ្រប់រឿងរ៉ាវគេរក្សាទុកតែម្នាក់ឯង ដោយពុំចាំបាច់ប្រាស្រ័យទាក់ទង ឬប្រាប់គ្នាអ្វីឡើយ។ គេមិនចូលចិត្តនិយាយប្រាប់គ្នាពីរឿងផ្ទាល់ខ្លួនទេ ព្រោះគេចាត់ទុកដៃគូមិនមែនជាមនុស្សសំខាន់សម្រាប់គេស្រាប់ហើយ។

គ្មានអារម្មណ៍ប្រចណ្ឌសូម្បីបន្តិច

ការពិតនៃមនុស្សស្រឡាញ់គ្នា ការប្រចណ្ឌជារឿងធម្មតា ទោះតិចឬច្រើនសុទ្ធតែមានគ្រប់គូ។ ប៉ុន្តែចំពោះស្នេហាដែលមានតែតណ្ហា គ្មានអារម្មណ៍អន់ចិត្តឬប្រចណ្ឌគ្នាបន្តិចឡើយ។ ទោះជាដៃគូម្ខាងទៀតមានទំនាក់ទំនងជាមួយអ្នកណា ឬទៅទីណាក៏ដោយ គេមិនបារម្ភខ្វល់ខ្វាយនោះទេ ៕

ប្រែសម្រួល៖ សន្យា

ចុចអាន៖ ស្រឡាញ់មនុស្សប៉ះចំ​​បាក់ទឹកចិត្ត​ គួរធ្វើយ៉ាងណា?

ចុចអាន៖ ហេតុអ្វី​មនុស្ស​ស្រីខ្លះ អាចធ្វើឱ្យបុរសដែលស្អាតជាងនាង ងប់ងល់បាន?

ចុច Like Facebook កម្ពុជាថ្មី

ព័ត៌មានជាតិ8 hours ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ8 hours ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ8 hours ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ9 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ10 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម