Connect with us

KPT+

យុវតីឥណ្ឌារក្សាតំណែងជានារីវ័យ​ក្មេងដែលមានសក់វែងជាងគេនៅលើលោក

បានផុស

នៅ

យុវតីជនជាតិឥណ្ឌាអាយុ ១៧ ឆ្នាំម្នាក់នៅតែរក្សាតំណែងជានារីដែលមានសក់វែងជាងគេនៅលើពិភពលោក គិតត្រឹមខែមករា ឆ្នាំ ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាង Nilanshi Patel កម្ពស់ ១៧០.៥ សង់ទីម៉ែត្រ រស់នៅភូមិតូចមួយក្នុងក្រុង Modasa នៃរដ្ឋ Gujarat ប្រទេសឥណ្ឌា។

យោងតាមកំណត់ត្រាពិភព Guinness កាលពីខែធ្នូឆ្នាំ ២០១៨ បានចុះកំណត់ត្រាថា Nilanshi Patel ជាក្មេងស្រីមានសក់វែងជាងគេលើពិភពលោក ដែលសក់របស់នាងមានប្រវែង ១៩០ សង់ទីម៉ែត្រ។

Nilanshi Patel ត្រូវបានមិត្តភក្តិជិតស្និទ្ធដាក់ឈ្មោះហៅក្រៅថា ព្រះនាង “Rapunzel” ដោយសារតែសក់ដ៏វែងរបស់នាងប្រៀបដូចព្រះនាងនៅក្នុងរឿងព្រេងនិទានរបស់ Disney ។

នាង Nilanshi Patel បានប្រាប់សារព័ត៌មាន AFP ថា នៅពេលនាងមានអាយុ ៦ ឆ្នាំ នាងបានទៅហាងកែសម្ផស្សក្នុងស្រុកមួយដើម្បីកាត់សក់។ ប៉ុន្តែជាងកាត់បានធ្វើឲ្យនាងខកបំណងយ៉ាងខ្លាំង ទើបនាងសម្រេចចិត្តមិនកាត់សក់ទៀតទេ។ Patel បានទុកសក់ ១១ ឆ្នាំមកហើយដោយមិនបានប៉ះកន្ត្រៃឡើយ។

និស្សិតវិស្វកររូបនេះនិយាយទៀតថា ការថែទាំសក់របស់នាងគឺដូចទៅនឹងនារីដទៃទៀតដែរ និងមានម្ដាយជាអ្នកជួយ។ នាងកក់សក់រៀងរាល់សប្ដាហ៍ និងប្រើប្រេងជំនួយសក់ម្ដងឬពីរដងក្នុងមួយអាទិត្យ។ នាងនិយាយថា បើចង់ឲ្យនាងទម្លាក់សក់ទាល់តែនាងពាក់ស្បែកជើងកែងខ្ពស់។ ប៉ុន្តែជាទូទៅនាងតែងក្រងសក់ ហើយទម្លាក់វាពេលដែលមានកម្មវិធីប៉ុណ្ណោះ។ Patel បានប្រាប់ទៀតថា បញ្ហាធំរបស់នាងជាមួយសក់ដ៏វែងនេះគឺ ពេលដែលនាងហែលទឹកម្ដងៗ។

Nilanshi Patel ជានារីទី២ដែលបានបំបែកកំណត់ត្រាពិភពលោក Guinness មានសក់វែងជាងគេ បន្ទាប់ពីស្ត្រីជនជាតិចិន Xie Qiuping ដែលបានបំបែកកំណត់ត្រានេះ កាលពីខែឧសភា ឆ្នាំ២០១៤ ដែលមានសក់ប្រវែង ១៨០ សង់ទីម៉ែត្រ៕

ប្រែសម្រួល៖ សន្យា

ចុចអាន៖ រឿងពិតនៃ​ខ្មោចឆៅ Zombies ដែល​កើតមាន​ជាក់ស្តែងលើលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម