KPT+
ចង់ថតរូបបានល្អដូចអ្នកមានអាជីព? កាមេរ៉ាល្អមិនគ្រប់ទេ រៀន៦ចំណុចនេះសិន
ក្លាយជាអ្នកថតរូបអាជីព ឬថតរូបដ៏អស្ចារ្យ មិនកើតឡើងក្នុងពេលមួយយប់នោះទេ។ ការថតរូបគឺជាសិល្បៈដែលត្រូវការការអនុវត្តជារៀងរាល់ថ្ងៃ។
ដូច្នេះដើម្បីក្លាយជាអ្នកថតរូបដូចអ្នកអាជីព យើងត្រូវការគន្លឹះខាងក្រោមនេះ ដើម្បីមកអនុវត្តលើវា ៖
១. ចាប់យករូបភាពដូចគ្នាតែនៅមុំផ្សេងគ្នា
ប្រសិនបើអ្នកចង់ក្លាយជាអ្នកថតរូបដែលដ៏ពូកែម្នាក់ គឺត្រូវថតរូបដូចគ្នារាល់ថ្ងៃ។ នៅពេលអ្នកចាប់ផ្ដើមចុចរូបភាពនៃប្រធានបទដូចគ្នាជារៀងរាល់ថ្ងៃ មានរឿងជាច្រើនដែលអ្នកអាចរៀនពីវាបាន។ ឧទាហរណ៍អ្នកនឹងយល់ពីរបៀបធ្វើការជាមួយមុំផ្សេងៗគ្នា និងរបៀបដែលភ្លើងបំភ្លឺធម្មជាតិ ឬសិប្បនិម្មិតអាចប៉ះពាល់ដល់ការរូបថតមួយនោះ។
ក្នុងនាមជាអ្នកដែលទើបចាប់ផ្ដើមដំបូង វាពិតជាចាំបាច់ដែលត្រូវយល់ពីពន្លឺ មុំ និងអាកាសធាតុ រួមទាំងមានឥទ្ធិពលលើការថតរូប និងវិធីដែលអ្នកអាចយកឈ្នះឧបសគ្គតូចតាចទាំងនេះ ដើម្បីចាប់យករូបភាពដ៏អស្ចារ្យមួយ។
២. បំផុសគំនិតនៅកន្លែងដែលមិនធ្លាប់គិត
ត្រូវស្វែងរកការបំផុសគំនិតនៅកន្លែងដែលអ្នកមិនធ្លាប់គិត ឬមិនធ្លាប់បានទៅ។ បើអ្នកចេញពីផ្ទះទៅធ្វើការរាល់ថ្ងៃសាកល្បងបំផុសគំនិតនៅក្នុងអាគារ។
ស្រដៀងគ្នានេះដែរ អ្នកក៏អាចថតរូបពែងកាហ្វេដែលអ្នកចាប់យកពេលធ្វើការ។ នេះជាការបំផុសគំនិតនៅក្នុងកន្លែងដែលអ្នកមិនធ្លាប់បានគិតពីមុន។
ចង់ក្លាយជាអ្នកថតរូបបានស្អាត ត្រូវទន្ទេញថា មិនថារស់នៅទីណាទេ ការថតរូបគឺគ្មានដែនកំណត់ឡើយ។
៣. ពិសោធន៍ជាមួយពន្លឺ
ពន្លឺដើរតួយ៉ាងសំខាន់ក្នុងការថតរូប វាអាចបង្កើតឬបំបែករូបថត នេះមូលហេតុដែលវាសំខាន់ក្នុងការស្វែងយល់ពីរបៀបធ្វើការជាមួយពន្លឺ។ វាមិនត្រឹមតែសំខាន់ដើម្បីទទួលបានរូបភាពច្បាស់ជាងមុនប៉ុណ្ណោះទេ ប៉ុន្តែវាក៏ត្រូវបង្ហាញព័ត៌មានលំអិតនៅក្នុងរូបថតរបស់អ្នកផងដែរ។
លើសពីនេះទៀត ភ្លើងបំភ្លឺក៏រួមចំណែកដល់អារម្មណ៍និងសំឡេង បរិយាកាសនៃរូបភាពផងដែរ។
៤. សាកល្បងថតរូបភាពដែលមិនធ្លាប់ថត
ធម្មជាតិគឺជារឿងមួយដែលអ្នកគួរស្វែងយល់ ដើម្បីបង្កើនជំនាញជាអ្នកថតរូប។ បើអ្នកធ្លាប់តែថតរូបបែបបញ្ឈរច្រើនដងមកហើយ ដូច្នេះគួរព្យាយាមថតរូបភាពបែបធម្មជាតិម្ដង។
ស្រដៀងគ្នានេះដែរ សូមសាកល្បងថតរូបតាមដងផ្លូវ ឬថតរូបសត្វព្រៃនៅកន្លែងណាមួយដែលអ្នកពេញចិត្ត។ មានប្រភេទផ្សេងៗគ្នានៃការថតរូបដែលអ្នកចាប់ផ្ដើមដំបូង គួរស្វែងយល់មុនពេលផ្ដោតលើប្រភេទថតរូបជាក់លាក់មួយ។
នៅពេលដែលអ្នកថតរូបវត្ថុដែលអ្នកមិនធ្លាប់មានពីមុនមក គំនិតរបស់អ្នកនឹងលេចចេញនូវគំនិតថ្មីៗដើម្បីបង្កើតរូបថត។
៥. ជ្រើសរើសពណ៌
ចង់ឲ្យរូបភាពមានភាពច្នៃប្រឌិតដូចអ្នកអាជីព ត្រូវជ្រើសរើសពណ៌ហើយផ្ដោតតែលើពណ៌នោះនៅពេលចុចរូបភាព។ ឧទាហរណ៍បើយើងជ្រើសរើសយកពណ៌ទឹកក្រូច យើងអាចថតយកទេសភាពថ្ងៃលិច ព្រះអាទិត្យ វាលស្រែ និងវត្ថុជាច្រើនទៀតនៅក្នុងធម្មជាតិ។
៦. រកមើលទស្សនៈប្លែកៗ
ភាគច្រើនជាញឹកញាប់ មនុស្សមាននិន្នាការចុចរូបភាពនៃអ្វីដែលនៅពីមុខពួកគេ ដោយមិនមើលវាពីទស្សនៈខុសគ្នា។ ចង់ក្លាយជាអ្នកពូកែខាងសិល្បៈនៃការថតរូប ត្រូវគិតពីមុំនិងទស្សនៈថ្មីៗជានិច្ច។
ជាអ្នកថតរូបត្រូវមានទស្សនវិស័យប្លែកៗ សិល្បៈនិងគំនិតច្នៃប្រឌិតជានិច្ច មិនថាទៅកន្លែងណាមួយឡើយ៕
ប្រែសម្រួល៖ សាង ស្រីល័ក្ខ
ចុចអាន៖ដើម្បីអភ័យទោសដល់នរណាម្នាក់ ដែលធ្លាប់ធ្វើឲ្យយើងឈឺចាប់ខ្លាំង
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)