KPT+

ចំណុចធំៗលើរាងកាយបុរស ដែលមនុស្សស្រីចូលចិត្តខ្លាំង…កន្លែងណាខ្លះ?

បានផុស

៣ years មុន

នៅ

ថ្ងៃសៅរ៍ ២១ វិច្ឆិកា ២០២០

ដោយ

Sonya

អ្នកណាដឹងខ្លះថាកន្លែងណាដែលស្រីៗ តាមកត់សម្គាល់មនុស្សប្រុសពេលជួបគ្នាភ្លាម?

នាងធ្លាក់ក្នុងអន្លង់ស្នេហ៍បុរសផ្នែករូបរាងផ្នែកណាខ្លះ?

ធម្មតា គេមើលភេទផ្ទុយ គេមើលរូបរាងកាយមុន។ ចំណែកស្ថានភាពសង្គម មានលុយឬអត់ ជារឿងបន្ទាប់។ ជារួម មនុស្សស្រីក៏អាចមានចំណូលចិត្តខុសគ្នាខ្លះដែរ ក្នុងការចាប់អារម្មណ៍រូបសម្បត្តិបុរស ប៉ុន្តែ យោងតាម ការស្ទង់របស់ Life Magazine លក្ខណៈពិសេសលើដងខ្លួនមនុស្សប្រុស ដែលស្រីៗ ភាគច្រើនចូលចិត្តលួចមើលនោះមាន៖

១ កម្ពស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើនារីណាដែលចូលចិត្តបុរសទាបតៀ? ស្ត្រីខ្ពស់ក្តី ទាបក្តី តែងតែស្រមៃចង់បានគូជាបុរសខ្ពស់ កាន់តែខ្ពស់ កាន់តែល្អ។ ភាគច្រើននៃបុរសតែងមានកំណើតមកខ្ពស់ជាងមនុស្សស្រី ។ កម្ពស់តែងតែជាអារម្មណ៍ធម្មជាតិមួយ ដែលមនុស្សស្រីទាមទារពីមនុស្សប្រុស ហើយបើប្រុសណាមានលក្ខខណ្ឌនេះបាន ខ្វះអីផ្សេងក៏សឹងគ្មានបញ្ហាដែរ។

២ ត្រគាក

ដូចជាបុរសរៗដែរហ្នឹង ស្រីៗ ក៏ចូលចិត្តតាមមើលបុរសសង្ហាម្នាក់ៗពីក្រោយ ពាក្យថារាងនៃ បុរសសង្ហាម្នាក់ គឺមិនអាចថាគ្មានត្រគាកហាប់ណែនបានទេ ។ វាមានសារៈសំខាន់ណាស់ដឹងអត់? រាងមនុស្សប្រុសគួរតែខ្ទែតទៅក្រោយ ទើបពេលស្លៀកខូវប៊យ មើលទៅឃើញរាងអែន ទើបធ្វើឱ្យនាងៗមានអារម្មណ៍ពុះកញ្ជ្រោលបានតំាងពីជួបដំបូង។

៣ ពុកចង្ការមានប្រជាប្រិយភាពខ្លាំង

បុរសគ្រប់គ្នាមានពុកចង្ការច្រើនឬតិច តែស្រីៗទំាងអស់កក់ក្តៅពេលនៅជិតបុរសដែលមានពុកចង្ការរឹមៗ។ ព្រោះអ្វី? ព្រោះស្រីគ្មានពុកចង្កាទេ ពុកចង្ការជាភាពខុសគ្នាខ្លាំង រវាងភាពជាមនុស្សប្រុសនិងភាពជាមនុស្សស្រី វាប្រៀបដូចដែលមនុស្សប្រុស មិនអាចមានសុដន់អញ្ចឹងដែរ។

៤ ស្នាមញញឹម

ស្នាមញញឹមប្រុសស្អាតម្នាក់ អាចធ្វើឱ្យស្រីៗភ្លេចទុក្ខព្រួយកង្វល់គ្រប់យ៉ាងបានភ្លាមៗ។ នៅពេលនារីម្នាក់ ឃើញបុរសសង្ហាម្នាក់ញញឹមដាក់នាង នាងតែងតែចងចាំស្នាមញញឹមនោះយូរថ្ងៃ។ ជាការពិតនាងនឹងយកស្នាមញញឹមនោះទៅគិត ឬយកទៅស្អំបេះដូងរៀងរាល់រាត្រី។ ញញឹមឱ្យច្រើនឡើងណា៎!

៥ ភ្នែកស្រទន់

ភ្នែករបស់បុរសអាចខាបជីវិតមនុស្សស្រីម្នាក់ៗឱ្យលះបង់ឆាកជីវិតដើម្បីគេបាន។ សំខាន់របៀបសំឡឹងរបស់យើង។មិនថាភ្នែកនោះពណ៌អ្វីទេ កែវភ្នែកជាបង្អួចនៃបេះដូង។ ភ្នែកមិនអាចលាក់ភាសាស្នេហារបស់យើងម្នាក់បានទេ។ ចង់ដឹងថាគេមានចិត្តលើយើងដែរ មើលភ្នែកគេឱ្យចំ បើគេចចេញ នុះ!នុះ!នុះ! មានគេលង់ស្រលាញ់ហើយយើងហ្នឹង!

ប្រែសម្រួល៖ ស្រស់

ចុចអាន៖ រឿងតូចៗទាំងនេះ មនុស្សប្រុសលាក់មិនជិតទេ ពេលកំពុងលង់ស្នេហ៍នារី