KPT+

សុខភាពផ្លូវចិត្តក្រោមសម្ពាធធ្ងន់ធ្ងរមិនអាចគ្រប់គ្រងបាន ថែទំារបៀបណា?

បានផុស

៣ years មុន

នៅ

ថ្ងៃអង្គារ ២ មីនា ២០២១

ដោយ

ស្ថានភាពខ្លះក្នុងជីវិតយើង យើងបែរជាមានអារម្មណ៍ថា ហួសចិត្តចំពោះការរំពឹងទុកដែលបែរជាខកខាន វឌ្ឍនភាពបែរជាទ្រឹង គ្មានហេតុផល គ្រប់យ៉ាងមិនអាចគ្រប់គ្រងបាន។ ទោះបីយ៉ាងណា កាលៈទេសៈណា សម្ពាធគឺជាផ្នែកមួយនៃជីវិតប្រចាំថ្ងៃរបស់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនវិទូថូម៉ាសខាលីលបាននិយាយថា “បើគ្មានសម្ពាធ នឹងគ្មានត្បូងពេជ្រទេ” ដោយលើកឡើងថា ក្នុងកម្រិតដែលអាចគ្រប់គ្រងបាន សម្ពាធវាអាចជួយជំរុញទឹកចិត្តមនុស្សឲ្យប្រឹងអនុវត្តនិងសម្រេចបានលើសពីអ្វីដែលគេធ្លាប់ជឿ។ សម្ពាធ ដែលមិនអាចគ្រប់គ្រងបាន វាតែងកើតមានឡើងភ្លាមៗធ្វើឲ្យប្រែប្រួលក្នុងការរស់នៅ និងផែនការអនាគតរបស់យើង។ ដើម្បីអាចបន្សាំ ចូរក្រឡេកមើលរកវិធីថ្លឹងនិងដោះស្រាយ៖

ទីមួយ តើសម្ពាធមកពីណា?

មានសម្ពាធពីរប្រភេទកត្តាខាងក្នុងនិងខាងក្រៅ។

សម្ពាធផ្ទៃក្នុងបណ្តាលមកពីការជំរុញខ្លួនឯងខ្លាំងពេកឬការព្រួយបារម្ភហួសហេតុ។ សម្ពាធពីខាងក្រៅកើតឡើងពីមនុស្សនៅជុំវិញ ដែលបង្កហើយលើសពីសមត្ថភាពក្នុងការដោះស្រាយ។ សម្ពាធខាងក្រៅខ្លះមានទំនាក់ទំនងតិចតួចជាមួយការងារ ប៉ុន្តែរបៀបយើងប្រតិកម្មអាចជះឥទ្ធិពលអវិជ្ជមានដល់ការងាររបាន។

ការបែកឆ្ងាយមនុស្សជាទីស្រលាញ់រយៈពេលវែង រងជំងឺ ការលំបាកផ្នែកហិរញ្ញវត្ថុ ការទទួលខុសត្រូវទំនាស់គ្រួសារ ការខាតបង់មុខរបរ ជំពាក់គេ ឬគ្រោះថ្នាក់អាចធ្វើឲ្យយើងទទួលបន្ទុកធ្ងន់និងប៉ះពាល់ដល់ឥរិយាបថវិជ្ជមានបាន។

ចុះធ្វើយ៉ាងណា?

វិធីដំបូង សមត្ថភាពសម្របខ្លួន នៅចំពោះមុខកាលៈទេសៈ ដែលប្រឈមនូវភាពរង្គោះផ្នែកសុខុមាលភាពផ្លូវចិត្ត ភាពអត់ធន់មិនមែនជាចរិតទេ តែជាសមត្ថភាពក្នុងការសម្របដូចភាពស៊ាំ។ ឧទាហរណ៍យើងអាចផ្លាស់ប្តូររបៀបរស់នៅមួយចំនួន ដែលជួយឲ្យមានអារម្មណ៍ថា អាចទប់ទល់នឹងសម្ពាធក៏ដូចជាស្ថានភាពស្ត្រេស(ស្រាមិនមែនជាមធ្យោបាយទេ វាជាគ្រោះថ្នាក់)

វិធីទីពីរ ហ៊ាននិយាយដោយសុភាពនិងត្រង់ទៅត្រង់មកការប្រាស្រ័យទាក់ទងជាមួយអ្នកដទៃ គួរចាប់ធ្វើ។ ប្រសិនបើពួកគេធ្វើមិនសមហេតុផលឬបំពាន ចូរត្រៀមខ្លួនប្រាប់ពួកគេឲ្យដឹងពីអារម្មណ៍របស់យើង ហើយនិយាយថាពេលយើងមិនយល់ព្រម កុំអូខេ។

ទីបី ប្រើបច្ចេកទេសសម្រាកលំហែ

បន្ធូរអារម្មណ៍ដោយងូតទឹក មើលរឿងកំប្លែងៗស្តាប់ចម្រៀង ធ្វើម្ហូប ឬយកឆ្កែដើរលេង។ ប្រសិនបើយើងដឹងថា សកម្មភាពជាក់លាក់ណាមួយ ជួយឲ្យអ្នកមានអារម្មណ៍ធូរស្រាលសូមទុកពេលវេលា។ គ្មានអ្នកណារវល់ដើម្បីស្លាប់ទេ គេរវល់ដើម្បីរស់។

ទីបួន អភិវឌ្ឍចំណាប់អារម្មណ៍និងចំណង់ចំណូលចិត្ត

ការស្វែងរកសកម្មភាព ដែលខុសគ្នាទាំងស្រុងពីអ្វីពីមុនធ្លាប់ចូលចិត្ត អាចល្អ។ ទម្លាប់ពីមុនហ្នឹងហើយ ដែលបណ្តាលឲ្យយើងមានភាពតានតឹងបន្តវាទៀតធ្វើអី? ជួបមនុស្សថ្មី ហាត់កីឡាថ្មី។ល។