KPT+

នំដូណាត់ តាមពិតមិនមែនមានដើមកំណើតនៅអាមេរិកទេ

Published

5 months ago

July 4, 2020

តាមការដឹងតៗគ្នាកន្លងមក នំដូណាត់ មានដើមកំណើតចេញពីសហរដ្ឋអាមេរិក ប៉ុន្តែភស្តុតាងបញ្ជាក់ថា នំនេះមានដើមកំណើតពីប្រទេសផ្សេងឯណោះទេ។

តាមការអះអាង នំដូណាត់ដំបូងដែលមាននៅសហរដ្ឋអាមេរិកនាឆ្នាំ ១៨៤៧ នោះត្រូវបាននាំចូលដោយបុរសម្នាក់ឈ្មោះ Hanson Gregory ជាជនជាតិអង់គ្លេស នៅពេលដែលលោកមានអាយុ ១៦ ឆ្នាំ។

បើយោងតាមឯកសារប្រវត្តិសាស្ត្ររបស់ជនជាតិអង់គ្លេសបានឲ្យដឹងថា ភរិយារបស់វេជ្ជបណ្ឌិត Hertford មានរូបមន្តធ្វើនំដូណាត់តាំងពីឆ្នាំ ១៨០០ មកម្ល៉េះ។

រូបមន្តធ្វើនំដូណាត់របស់លោកមាន ស្ករស ស៊ុត ផ្លែចន្ទ ប៊័រ និងមេដំបែ ដែលធ្វើឡើងចេញជារូបរាងរមូរ និងបានកាត់កង់ៗ។ នំដូណាត់ ដំបូងគេត្រូវយកទៅបំពង រួចហើយទើបយកស្ករមករោយពីលើ។

រីឯអ្នកបុរាណវិទូអ្នកស្រី Heather Falvey ដែលជាអ្នកសិក្សាម្ហូបបុរាណជនជាតិអាមេរិក បានរកឃើញសៀវភៅរូបមន្តធ្វើម្ហូបមានអាយុកាល ២១៣ ឆ្នាំ ក្នុងនោះមានមុខម្ហូបជាង ៧០០ មុខ។ អ្នកស្រី Falvey មានប្រសាសន៍ថា កំណត់ត្រាដំបូងបានបង្ហាញថា នំដូណាត់នៅសហរដ្ឋអាមេរិកមានក្នុងឆ្នាំ ១៨១០ គឺ ១០ ឆ្នាំក្រោយនៃការរកឃើញនំដូណាត់នៅប្រទេសអស់គ្លេស៕

ប្រែសម្រួល៖ សន្យា

ប្រភព៖ Dailymail

ចុចអាន៖៣ យ៉ាងបង្កើតអាជីវកម្ម រកលុយបានទាំងនៅវ័យក្មេង

ចុចអាន៖បង្ហាញមុខកីឡាករបាល់ទាត់មានជាងគេបំផុតនៅលើពិភពលោកឆ្នាំ ២០២០