KPT+

ហេតុផលធំៗដែលគួរនៅផ្ទះថ្ងៃអាទិត្យ

បានផុស

៤ years មុន

នៅ

ថ្ងៃអង្គារ ២ មិថុនា ២០២០

ដោយ

ធម្មតាយើងយល់ថា ជាការចាំបាច់ណាស់ដែលគួរធ្វើអ្វីមួយនៅចុងសប្តាហ៍ជាលក្ខណៈកម្សាន្ត ព្រោះស្អែករវល់ទៀតហើយ។ ប៉ុន្តែយោងការសិក្សាមួយរបស់ CNBC មានហេតុផលមួយចំនួនដែលមនុស្សជាច្រើននិយមចំណាយថ្ងៃអាទិត្យនៅផ្ទះជាជាងចេញក្រៅ។

១ ពួកគេរីករាយជាមួយភាពផ្ទាល់ខ្លួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាកចេញពីជីវិតអ៊ូអរ អាចធ្វើបាននៅថ្ងៃសម្រាក។ នៅផ្ទះអានសៀវភៅធ្វើសមាធិ ជាអ្វីដែលមនុស្សជាច្រើនយល់ថាមានសុភមង្គលណាស់។

ពួកគេអាចចំណាយពេលដាំកូនឈើ ស្រោចផ្កា និងបោចស្មៅ តែងលំអផ្ទះយ៉ាងស្រស់ស្រាយ។

២ គេងបានឆ្អែត មើលកុន ញ៉ាំអាហារបណ្តើរដូចកាលពីក្មេង

យើងជាស្តេចនៅផ្ទះយើងហេតុអ្វីចាំបាច់ចេញក្រៅ?

មានទីឯណា សុវត្ថិភាពនិងផាសុកភាពដូចនៅលើគ្រែក្នុងបន្ទប់យើងទៀត?មើលភាពយន្តថ្ងៃសៅរ៍និងថ្ងៃអាទិត្យពេលព្រឹកគឺសប្បាយស្រស់ស្រាយណាស់ សាកទើបដឹង។

៣ ពួកគេសន្សំប្រាក់

រាល់ការចេញទៅក្រៅគឺចំណាយប្រាក់។ មិនថា ភេសជ្ជៈ ជំនិះ សាំង ឬសំបុត្រកុន។ល។ សុទ្ធតែថ្លៃហើយខ្ពស់ជាងថ្ងៃធម្មតា។ ឧបមាយើងសន្សំមួយសប្តាហ៍បាន១០ដុល្លារ មួយឆ្នាំនឹងបាន៥២០ដុល្លារសម្រាប់ហោះទៅបរទេសដោយងាយ។

គេងនៅផ្ទះនិយាយទូរសព្ទ ឆែកអត្ថបទល្អៗ ឬរៀបចំខោអាវសម្រាប់ថ្ងៃចន្ទ ធ្វើឱ្យមានអារម្មណ៍រៀបរយ ពេញមួយសប្តាហ៍ទៀតផង។

៤ ពួកគេចូលចិត្តធ្វើឱ្យថ្ងៃសម្រាកក្លាយជាការសម្រាកពិតៗ

ការគេងឱ្យបានច្រើនជួយដល់ ស្បែកនឹងមានថាមពលបន្ថែមសម្រាប់ការវាយលុកការងារ។ បើមិនគេងសងនៅថ្ងៃសម្រាកអង្កាល់បានគេងគ្រប់នឹងគេ?

៥ ចំណាយពេលជាមួយមនុស្សជិតស្និទ្ធ

ម្តាយឪពុក បងប្អូនយើង គួរញាំបាយជុំគ្នាថ្ងៃនេះឯងបើយើងចេញទៅបាត់ទៀត ធ្វើម៉េចគ្រួសារអាចជុំគ្នាសប្បាយក្អាកក្អាយបាន? នៅពេលដែលយើងបានស្នាក់នៅផ្ទះ ស្លៀកពាក់មានសេរីភាព សុខភាពផ្លូវចិត្តនិងកាយ ពិតជា ល្អប្រសើរជាងមុន សម្រាប់ការសម្រុកការងារនៅសប្តាហ៍ថ្មី៕

ប្រែសម្រួល៖ ចម្រើន តារា

ចុចអាន៖ អំណោយពិសេស ល្អបំផុតដែលកូនប្រសាស្រីចង់ថ្លែងអំណរគុណដល់ម្ដាយក្មេក

Related Topics:សុខភាពផ្លូវចិត្ត