KPT+
មនុស្សស្រីស្អាតពិតស្ថិតលើ ៥ចំណុចនេះហើយ
សម្ផស្សជាពាក្យដែលយើងប្រើជាទូទៅដើម្បីពណ៌នាអំពីរូបសម្បត្តិនៃនារីណាម្នាក់។ នារីទាំងនោះត្រូវបានគេប្រៀបប្រដូចសម្រស់ទៅនឹងអ្វីដែលភ្នែកបានឃើញ។ គេមិនសូវខ្វល់ថានាងជាមនុស្សបែបណា ឬចរិតយ៉ាងម៉េចឡើយ សំខាន់សម្ផស្សខាងក្រៅហ្នឹងឯង។
យ៉ាងណាក្ដី ភាពស្រស់ស្អាតរបស់នារីមិនគួរសន្មតតាមរូបសម្បត្តិខាងក្រៅតែមួយមុខបែបនេះឡើយ។ តាមពិតសម្ផស្សគឺជាពាក្យរៀបរាប់ពីអ្វីទាំងអស់របស់នារី ទាំងក្នុងចិត្ត និងរូបរាងខាងក្រៅ។
ភាពស្រស់ស្អាតពិតប្រាកដរបស់មនុស្សស្រី មានច្រើនជាងអ្វីដែលយើងមើលឃើញ!
តើអ្វីខ្លះជាសម្រស់ពិតប្រាកដរបស់នាង?
ទឹកចិត្ត
មនុស្សស្រីពោរពេញដោយទឹកចិត្ត មានភាពស្រស់ស្អាតជាងរូបរាង និងមុខមាត់ទៅទៀត។ នារីដែលមានបេះដូងចេះអាណិតអាសូរ ចេះជួយទុក្ខធុរៈ ចេះខ្វល់អ្នកដទៃ កម្រមានណាស់ នាពេលបច្ចុប្បន្ន។ ប្រសិនបើបានជួបមនុស្សស្រីណាម្នាក់ដែលមានលក្ខណៈប្រកបដោយគុណធម៌ចំពោះមនុស្សទូទៅបែបនេះ នោះជាសញ្ញាបង្ហាញថា នារីម្នាក់នោះស្រស់ស្អាតបំផុត។
ក្ដីមេត្តាករុណា
ដូចគ្នានឹងទឹកចិត្តដែរ មនុស្សស្រីដែលមានទឹកចិត្តមេត្តាករុណា ធ្វើឱ្យនាងស្រស់ស្អាតខ្លាំងណាស់។ ក្ដីមេត្តារបស់នារីរូបនេះ ធ្វើឲ្យការងារ ស្នេហា គ្រួសារ ឬអ្វីៗផ្សេងទៀតនៅក្នុងជីវិតស្រស់បំព្រង ព្រោះការករុណារបស់នាងរមែងសងត្រឡប់នូវសេចក្ដីល្អជានិច្ច។
ភាពរឹងមាំ
មនុស្សស្រីដែលរឹងមាំ អាចនិយាយបានជាស្ត្រីស្អាតម្នាក់។ នាងជាប្រភេទមនុស្សមិនងាយចុះចាញ់ ឬទុកឱ្យសង្គមជុំវិញកាច់បំបាក់នាងទេ។ ទាំងនេះហើយជាសញ្ញាសម្គាល់របស់មនុស្សស្រីដែលមិនត្រឹមតែស្អាត តែអស្ចារ្យថែមទៀត។ សម្រស់របស់នាងមិនអាចវាស់វែងតាមរូបរាងឡើយ ប៉ុន្តែជាកម្លាំង និងទំនុកចិត្តរបស់នាងទៅវិញទេដែលប្រាប់ថា នាងស្អាតពេញលក្ខិណា។
ភាពវាងវៃ
គ្មានស្ត្រីណា ស្អាតជាងមនុស្សស្រីឆ្លាតវៃទេ។ មិនថាមានរូបរាងយ៉ាងណា មនុស្សស្រីឆ្លាតវៃ មានភាពទាក់ទាញជាងមនុស្សស្រីធម្មតា។ មនុស្សស្រីបែបនេះ ជាមនុស្សស្រេកឃ្លានចំណេះដឹង និងតែងតែជំរុញខ្លួនឯងជានិច្ច។ រឿងនេះហើយ ដែលធ្វើឲ្យនាងស្រស់ស្អាតបំផុតនៅលើពិភពលោក។
ស្មារតី
អាចនិយាយបានថាសម្រស់ពិតរបស់មនុស្សស្រី ត្រូវបានឆ្លុះបញ្ចាំងនៅក្នុងស្មារតីរបស់នាង។ វាអាចត្រូវបានគេមើលឃើញតាមរបៀបដែលនាងស៊ូទ្រាំនឹងឧបសគ្គ និងវិធីដែលនាងដោះស្រាយបញ្ហា។ល។ ស្មារតីទទួលខុសត្រូវ បូករួមភាពរីករាយរបស់មនុស្សស្រី គឺជារឿងដ៏ស្រស់ស្អាតបំផុតមួយនៃនារីរូបនោះ៕
ប្រែសម្រួល៖ សន្យា
ចុចអាន៖ ស្រីៗដែលស្គាល់អាថ៌កំបាំងទាំង ៦ របស់ប្រុសៗ អាចជួយឱ្យកាត់បន្ថយការខូចចិត្តបាន
ចុចអាន៖ ហេតុអ្វីមនុស្សស្រីខ្លះ អាចធ្វើឱ្យបុរសដែលស្អាតជាងនាង ងប់ងល់បាន?
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)