អត្ថន័យនិងខ្លឹមសារពិសេសរបស់ផ្កាម្លិះដែលយើងមិនធ្លាប់ដឹង – Kampuchea Thmey Daily
Connect with us

KPT+

អត្ថន័យនិងខ្លឹមសារពិសេសរបស់ផ្កាម្លិះដែលយើងមិនធ្លាប់ដឹង

Published

on

ផ្កាម្លិះ​ត្រូវបាន​គេហៅ​ថា​ Yasmin ​ជាភាសា​អារ៉ាប់។ ​​ក្លិនក្រអូប​ដែលយើងធ្លាប់​ស្គាល់​ ​និងគួរ​ឱ្យស្រឡាញ់​នៃផ្កា​ម្លិះ ​គេអាច​ហៅ​បាន​ម្យ៉ាង​ទៀត​ថា​ Jasminum grandiflorum។ វាជាផ្កាដែលមាន​ប្រជាប្រិយ​ពាស​ពេញ​ពិភព​លោក​។

​​ផ្កា​រាង​ជា​បំពង់​ ពណ៌ស​ធំ ​រុក្ខជាតិមាន​ដើម​​កំណើតនៅ​អាស៊ី​ ខាងជើង​ឥណ្ឌា ​ប៉ាគីស្ថាន​ និងតំបន់​ពាយ័ព្យ​នៃ​ហិម៉ាឡៃ​។ ​នៅផ្នែក​ខ្លះនៃ​ពិភព​លោក ក្នុងប្រវត្តិសាស្ត្រ ​វាត្រូវបាន​គេប្រើជា​ដើម្បីជា​ឱសថរំងាប់អារម្មណ៍។ ​នៅ​សតវត្សរ៍​ទី ១៦ ផ្កា​ម្លិះ​ត្រូវ​បានគេ​ណែនាំ​ដល់​អឺរ៉ុប ​ហើយ​ភ្លាមៗ​នោះ​វា​បានក្លាយ​ជា​ការបន្ថែម​ដ៏ពេញ​និយម​នៅក្នុង​សិល្បៈ​នៃ​ការ​ផលិត​ទឹកអប់​។ ​ផ្កានេះត្រូវបានគេ​ប្រមូលនា​ពេលព្រឹក ​នៅពេល​ពួកវាបង្កើត​ក្លិនក្រអូប​ខ្លាំងបំផុត​មុនពេលថ្ងៃរះ​។

​នៅក្នុង​វប្បធម៌​ឥណ្ឌា​ មានរឿងព្រេង​មួយនិយាយពីបុព្វហេតុដើមដែល​ផ្កាម្លិះរីក​នៅ​ពេលយប់​។ ​នៅ​ក្នុង​ទេវករៀបរាប់ថា​ ​​ព្រះនាង​សូរិយាទេវី ​បានធ្លាក់​អន្លង់ស្នេហ៍ជាមួយ​អាទិទេព​មួយអង្គ។ ​ប៉ុន្តែគួរឱ្យ​សោកសៅ​និងរន្ធត់បំផុត​ ព្រះ​នាងអង្គនេះធ្វើអត្តឃាត ក្រោយអទិទេពដែលជាម្ចាស់បេះដូង បានក្បត់ចិត្ត ​។ ​នៅគ្រប់​ទីកន្លែង​ដែល​ធាតុ​របស់​ព្រះនាង ​បាន​ខ្ចាត់​ខ្ចាយទៅដល់ វាក៏ដុះជា​ផ្កាម្លិះ​ដ៏​ស្រស់​ស្អាត​។ ​ប៉ុន្តែ​ដោយ​សារ​តែអាទិ​ទេពនៃព្រះ​អាទិត្យបានធ្វើឲ្យព្រះ​នាង​ខូច​ចិត្ត ទើប​បាន​ជាផ្កា​មិន​ព្រម​រីកក្លិន​ក្រអូប​នៅ​ពេល​ថ្ងៃ​ តែ​បែ​ជា​បញ្ចេញ​ក្លិនក្រអូប​នា​ពេលយប់វិញ​។

ខ្លឹមសារ​ផ្កា​ធ្វើ​ពី​ផ្កាម្លិះ​ត្រូវ​បាន​គេ​និយាយ​ថា ​ជួយ​បង្កើន​ភាព​ច្បាស់លាស់​ខាង​ផ្លូវចិត្ត ​និង​ជំរុញ​ចំណាប់​អារម្មណ៍ថ្មីៗ។ ​នៅ​ក្នុង​វិស័យ​ឱសថ ​គេ​ប្រើប្រេង​ក្រអូបពីម្លិះ ​ដើម្បី​ព្យា​បាល​ និង​ជួយ​បំបាត់​ភាព​នឿយហត់​ ជំរុញ​ការ​សំរាក​លំហែ ​ការ​ធ្លាក់​ទឹកចិត្ត ​ព្រមទាំង​ជា​ជំនួយ​ក្នុង​ការធ្វើ​សមាធិ​។ ​

ម្លិះ​ទទួល​បាន​កេរ្តិ៍ឈ្មោះ​ជា​ប្រវត្តិសាស្ត្រ​ជា​យូរ​លង់​ណាស់​មក​ហើយ និងត្រូវ​បាន​គេ​និយាយ​ថា​ ​ជារុក្ខជាតិ​នៃ​​សេចក្តី​ស្រឡាញ់​ដែល​អាច​ជះ​ឥទ្ធិពល​វិជ្ជមាន​ដល់​ភេទ​ទាំងពីរ​ទៀត​ផង​។ ​នៅក្នុង​ទំនៀម​ទម្លាប់​របស់​ឥណ្ឌា ​វាត្រូវ​បាន​ប្រើ​ដើម្បី​បញ្ឈប់​លំហូរ​នៃ​ទឹកដោះ​នៅ​ពេល​បំបៅ​ដោះ​កូន ​ដោយ​លាប​ផ្កា​ដែលច្របាច់​ស្រស់ៗ​​ទៅ​លើ​សុដន់ម្ដាយ​។

ចំពោះ​ប្រជាជន​មួយ​ចំនួន ​ផ្កានេះ​ត្រូវបាន​គេចាត់ទុក​ថា​ជាផ្កាដ៏បរិសុទ្ធ​របស់ព្រះ Kama ដែល​ជាអាទិទេព​នៃសេចក្តី​ស្រឡាញ់​របស់ហិណ្ឌូ​។ ​នៅក្នុង​វប្បធម៌​ហិណ្ឌូ ផ្កាម្លិះក្រអូប​ត្រូវបានភ្ជាប់​ជាមួយគ្នានឹងការផ្តល់អំណោយ​ដល់មនុស្សជា​ទី​ស្រឡាញ់និងភ្ញៀវ​កិត្តិយស។ ​តាមប្រ​ពៃ​ណីឥណ្ឌា ​ម្លិះក៏ត្រូវបានប្រើជា​ភួង​កូនក្រមុំ​នៅក្នុងពិធី​មង្គលផងដែរ។ ​វត្ត​មាននៃ​ខ្លឹមសារ​ដែល​មាន​ក្លិនក្រអូប​របស់ផ្កាម្លិះ​នៅ​ក្នុង​ពិធី​មង្គល​ការត្រូវបានគេ​គិតជាការធានានូវ​សេចក្តី​ស្រឡាញ់​ដ៏អស់​កលល្បិច​រវាងកូន​ក្រមុំនិង​កូនកំលោះ​៕

ប្រែសម្រួល៖ មួង ពិសី

ចុចអាន៖ សិល្បៈ​​គំនូរ​និង​ការ​ថតរូប​ដែល​បង្ហាញ​ពី​អត្ថន័យ​នៃជនជាតិ​ស្បែក​ខ្មៅ ដែល​គួរ​តែ​ដឹង

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម