ស្វែងយល់! បេសកម្មធំៗ ៣ របស់មជ្ឈមណ្ឌលអាស៊ីនៅកម្ពុជា – Kampuchea Thmey Daily
Connect with us

KPT+

ស្វែងយល់! បេសកម្មធំៗ ៣ របស់មជ្ឈមណ្ឌលអាស៊ីនៅកម្ពុជា

Published

on

មជ្ឈមណ្ឌលអាស៊ី ឬ Asia Center ជាអង្គភាពធ្វើការផ្សព្វផ្សាយវប្បធម៌ ក៏ដូចជាភ្ជាប់ទំនាក់ទំនងរវាងកម្ពុជា និងជប៉ុនក្នុងសកម្មភាពជាច្រើន ដែលពលរដ្ឋខ្មែរជាងពាក់កណ្ដាលប្រទេសនៅពុំទាន់ស្គាល់នៅឡើយពីសា្ថប័ននេះ។

តើអ្វីខ្លះដែលយើងគួរដឹងពី មជ្ឈមណ្ឌលអាស៊ី?

មជ្ឈមណ្ឌលអាស៊ី ជាអង្គភាពពិសេសដែលស្ថិតនៅក្រោមចំណុះមូលនិធិជប៉ុន និងជាទីស្នាក់ការមួយសម្រាប់អ្នកជំនាញមកប្រមូលផ្ដុំគ្នាធ្វើការ ផ្សារភ្ជាប់ជប៉ុនជាមួយពិភពលោក ដោយបង្កើតឡើងនៅក្នុងកិច្ចប្រជុំកំពូលអាស៊ានជប៉ុន ឆ្នាំ ២០១៣  និងបានចូលមកកម្ពុជានាឆ្នាំ ២០១៥។ បច្ចុប្បន្នមជ្ឈមណ្ឌលមានទីតាំងនៅ ២៤ ប្រទេសក្នុងតំបន់អាស៊ី និង ២៥​ ការិយាល័យ។

ថ្លែងមកកាន់ កម្ពុជាថ្មី  លោក គឹសាកាបេ យូសឹកិ (Yosuke Kusakabe) ជានាយកមជ្ឈមណ្ឌលអាស៊ីនៃមូលនិធិជប៉ុនប្រចាំកម្ពុជា  ប្រាប់ថា មជ្ឈមណ្ឌលរបស់ខ្លួនមានបេសកម្ម ៣ ធំៗរួមមាន៖

១. វប្បធម៌

មជ្ឈមណ្ឌលនេះបានបញ្ជូនដៃគូសហការរបស់ខ្លួននៅក្នុងប្រទេសជប៉ុនដើម្បីផ្សព្វផ្សាយវប្បធម៌មកកាន់ប្រទេសកម្ពុជា ក៏ដូចជាប្រទេសដៃគូ​២២ផ្សេងទៀតផងដែរ។ បន្ថែមពីលើនោះ មជ្ឈមណ្ឌលអាស៊ី បាននាំយកវប្បធម៌ពីប្រទេសភាគី ចូលទៅចែកចាយនៅក្នុងប្រទេសជប៉ុនវិញ ដើម្បីផ្លាស់ប្ដូរបទពិសោធន៍ និងវប្បធម៌គ្នាទៅវិញទៅមក។

២. អប់រំភាសាជប៉ុន

ក្រៅពីវប្បធម៌ លោក គឹសាកាបេ យូសឹកិ មានប្រសាសន៍ថា មជ្ឈមណ្ឌលបានបញ្ជូនអ្នកជំនាញភាសាជប៉ុន ដើម្បីចូលមកបង្រៀនភាសានៅតាមសាលាភាសាជប៉ុននានា និងមហាវិទ្យាល័យមួយចំនួន។ ក្នុងនោះអ្នកជំនាញភាសាដើមត្រូវបានបញ្ជូនមកជាជំនួយដល់គ្រូបង្រៀនបង្គោលនៅសាលាភូមិន្ទភ្នំពេញ និង មជ្ឈមណ្ឌល CJCC។ មួយវិញទៀតអ្នកស្ម័គ្រចិត្តរយៈពេលខ្លីដែលមានពេលមួយសប្ដាហ៍ឬមួយ បានចុះទៅតាមបណ្ដាវិទ្យាល័យក្នុងរាជធានីភ្នំពេញ និងតាមបណ្ដាខេត្តមួយចំនួន ដោយពួកគេចូលទៅបង្រៀនវប្បធម៌ជប៉ុន ធ្វើអាហារជប៉ុនរួមគ្នា បត់ក្រដាសបែបជប៉ុន និងស្លៀកសម្លៀកបំពាក់ប្រពៃណីជប៉ុនជាដើម។

នាយករូបនេះបន្តថា​ ចំណុចពិសេសមួយទៀតរបស់មជ្ឈមណ្ឌល បានរៀបចំជំនួបសិស្ស-និស្សិតរវាងកម្ពុជានិងជប៉ុន សម្រាប់ផ្លាស់ប្ដូរបទពិសោធន៍ រៀនពីគ្នាផងដែរ។

៣. ​បណ្ដុះបណ្ដាលស្រាវជ្រាវ

ដោយឡែក សិក្ខាសាលាគូររូប សិក្ខាសាលាសិល្បៈ សិក្ខាសាលាគំនូរជីវចល​ ក៏សុទ្ធសឹងតែជាបេសកម្មរបស់មជ្ឈមណ្ឌល Asia Center បានរៀបចំឡើង។ នេះបើតាមកាលើកឡើងរបស់លោក យូសឹកិ។ ក្រៅពីនោះ មជ្ឈមណ្ឌលបានបញ្ជូនគ្រូបង្វឹកមកពីប្រទេសជប៉ុនដើម្បីបង្ហាត់កីឡាករបាល់ទាត់កម្ពុជាផងដែរ។ ជាក់ស្ដែងលោកគ្រូជនជាតិជប៉ុនដែលមកបង្វឹកនៅក្លឹប U-19 ។ល៕

ព័ត៌មានបន្ថែម​ ៖

Japan Foundation Asia Center Phnom Penh

国際交流基金アジアセンター プノンペン連絡事務所

#22, Ground Floor of Hotel Cambodiana, 313 Sisowath Quay, Phnom Penh, Cambodia

អត្ថបទ៖ សន្យា

ចុច Like Facebook កម្ពុជាថ្មី

ព័ត៌មានជាតិ28 mins ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ40 mins ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានជាតិ1 hour ago

នាយ​ឧ​ត្ត​ម​សេនី​យ៍ គន់ គីម ផ្តាំផ្ញើ​ឲ្យ​អ្នក​ពាក់ព័ន្ធ​ត្រៀមកម្លាំង ដើម្បី​ជួយសង្គ្រោះ​ជនរងគ្រោះ​ឲ្យ​ទាន់ពេលវេលា

ព័ត៌មានជាតិ2 hours ago

អគ្គិភ័យ​ឆាបឆេះ​ឃ្លាំង​ស្តុក​អីវ៉ាន់​ សង្ស័យ​ទុសេ​ខ្សែភ្លើង​បណ្ដាលឲ្យ​​របួស​មនុស្ស​៥​នាក់

ព័ត៌មានជាតិ3 hours ago

លោក​ហ៊ុន ម៉ា​ណែ​ត កោតសរសើរ​ដល់​កង​ទ័ព​ទាំងអស់ ដែល​បាន​ខិតខំ និង​សម្រេច​បាន​នូវ​ស្នាដៃ និង​សមិទ្ធផល​ជាច្រើន

ព័ត៌មានពេញនិយម