KPT+
មុនបើកហាងកែសម្ផស្ស គួរដឹងគន្លឹះទាំង ៨ នេះសិន
ហាងកែសម្ផស្សតូចធំមិនតិចទេ ដែលបើកមិនទាន់បានប៉ុន្មាន ក៏ត្រូវបិទវិញ។ សាឡនដែលឈរជើងមិនបានយូរបែបនេះ អាចដោយសារម្ចាស់ហាងមិនទាន់យល់ដឹងច្បាស់ពីវិស័យកែសម្ផស្ស រួចក៏ចេះតែបើកតាមគេតាមឯង។
ទោះយ៉ាងណា ប្រសិនបើលោកអ្នកចង់រកស៊ីបើកហាងកែសម្ផស្សដែលជោគជ័យមួយបាន មកមើលគន្លឹះទាំង ៨ នេះ៖
១. បង្កើតផែនការអាជីវកម្មកែសម្ផស្ស
ការសរសេរផែនការ គួរតែជាជំហានដំបូងនៅពេលចាប់ផ្ដើមអាជីវកម្មណាមួយ ព្រោះវាផ្ដល់ឲ្យនូវគោលបំណងច្បាស់លាស់ដើម្បីសម្រេចបានគោលដៅ។
លោក Ali Ryan ម្ចាស់ហាង The Dry House មានប្រសាសន៍ថា “ ផែនការអាជីវកម្ម គឺជាគន្លឹះក្នុងការចាប់ផ្ដើមហាងកែសម្ផស្សដ៏ជោគជ័យ” ។
ផែនការផ្ដល់នូវផែនទីបង្ហាញផ្លូវសម្រាប់ម្ចាស់ហាងកែសម្ផស្សឲ្យដើរតាម និងជួយសហគ្រិនឲ្យពិចារណាគ្រប់ផ្នែកនៃអាជីវកម្មរបស់ខ្លួនរួមមាន ហិរញ្ញវត្ថុ ទីផ្សារហាងកែសម្ផស្សនៅក្នុងតំបន់ និងរបៀបប្រកួតប្រជែងជាមួយនឹងហាងដទៃទៀត។
២. យល់ច្បាស់ពីច្បាប់ក្នុងតំបន់
ច្បាប់និងបទបញ្ញត្តិរបស់រដ្ឋរមែងខុសគ្នាដោយអន្លើអាស្រ័យលើតំបន់ និងប្រភេទហាងដែលកំពុងបើក។ ឧទាហរណ៍ ហាងកាត់សក់ តម្រូវឲ្យមានអាជ្ញាប័ណ្ណខុសគ្នាពីហាង ម៉ាស្សាមុខ។ ដូច្នេះ ការយល់ដឹងពីនីតិច្បាប់ អាចចៀសវាងការបញ្ឈប់ប្រតិបត្តិការក្រោយបើកហាង ឬការពិន័យប្រាក់ផ្សេងៗ។
ខាងក្រោមនេះ ជាលិខិតអនុញ្ញាតទូទៅមួយចំនួនដែលតម្រូវឲ្យមានសម្រាប់សាឡន៖
-អាជ្ញាប័ណ្ណហាងកែសម្ផស្ស
-អាជ្ញាប័ណ្ណគ្រឿងសម្អាង
-លេខអត្តសញ្ញាណនិយោជិក (EIN)
-លិខិតអនុញ្ញាតសាងសង់
-លិខិតទទួលស្គាល់អនាម័យ
៣. រកវិធីធ្វើឲ្យហាងកែសម្ផស្សលេចធ្លោ
ហាងកែសម្ផស្សមានភាពលេចធ្លោ ជាហាងដែលមានអ្វីពិសេសប្លែកពីគេ។ ប្លែកពីគេមិនមែនចម្លែក តែជាហាងដែលផ្ដល់នូវសេវាកម្មល្អ បុគ្គលិកមានជំនាញច្បាស់លាស់ ការយកទុកចិត្តដាក់ជាមួយភ្ញៀវ អនាម័យក្នុងហាង ការតុបតែងហាងស្អាតទាក់ទាញ ក៏ដូចជាតម្លៃសមរម្យផងដែរ។ ធ្វើបានចំណុចប៉ុន្មាននេះ ការរីកចម្រើននៃអាជីវកម្មនៅក្នុងទីផ្សារសម្ផស្សងាយស្រួលទទួលបានបំផុត។
៤. ទាក់ទងជាមួយភ្នាក់ងារចែកចាយដុំ
ដើម្បីទទួលបានផលិតផលសម្រាប់ហាងកែសម្ផស្សដូចជា កៅអី កញ្ចក់ ឧបករណ៍សម្ងួត ម៉ាស៊ីនកៀប ឬគ្រឿងក្រអូបជាច្រើនទៀត ត្រូវទាក់ទងជាមួយអ្នកចែកចាយដុំក្នុងស្រុក ឬក្រៅប្រទេស ទើបតម្លៃធូរថ្លៃ។ ម្យ៉ាងទៀតនោះ ខណៈសហការជាមួយតំណាងចែកចាយធំ យើងអាចក្លាយជាសមាជិកដែលទទួលការបញ្ចុះតម្លៃផងដែរ។
៥. ជ្រើសរើសទីតាំងត្រឹមត្រូវដើម្បីបើកហាង
មិនថាទិញអគារ ឬជួលកន្លែងណាមួយទេ ទីតាំងជាកត្តាត្រូវពិចារណាមុនសម្រេចចិត្តបើកហាង។ ហាងគួរតែស្ថិតនៅក្នុងតំបន់ដែលមានប្រជាជនរស់នៅច្រើន និងងាយស្រួលធ្វើដំណើរចេញចូល។ ម្យ៉ាងទៀត ត្រូវប្រាកដថាហាងរបស់យើង នៅឆ្ងាយពីដៃគូប្រកួតប្រជែងដែលផ្ដល់សេវាកម្មដូចគ្នា។
៦. ជួលអ្នករចនាហាង
ចង់បើកហាងកែសម្ផស្សស្តង់ដារដែលអាចទាក់ទាញអតិថិជនគ្រប់វ័យឲ្យចូលមិនដាច់ គួរកុំស្ដាយលុយចំណាយជួលអ្នកជំនាញខាងរចនា មករៀបចំហាងរបស់យើង។ អ្នករចនាហាង គេមានជំនាញក្នុងការទុកដាក់សម្ភារបែបណាឲ្យមានរបៀប មិនចង្អៀត និងតុបតែងហាងឲ្យស្រស់ស្អាតទាក់ទាញភ្នែកអតិថិជនចង់ចូលមិនលោះ។
៧. ផ្ដោតលើបុគ្គលិកឲ្យច្រើន
បង្កើតហាងថែរក្សាសម្ផស្សដែលអាចឈរជើងបានយូរ ត្រូវការបុគ្គលិកមានជំនាញពិតប្រាកដ ព្រោះអតិថិជនក៏មិនខ្លាចចំណាយប្រាក់ទេ បើសេវាកម្មល្អ លើកលែងតែហាងរបស់យើងធ្វើជូនភ្ញៀវលំៗប៉ុណ្ណោះ ដែលធ្វើឲ្យពួកគេលែងចង់មកទៀត។ ក្រៅពីនោះ ម្ចាស់ហាងត្រូវយកចិត្តទុកដាក់និងលើកទឹកចិត្តបុគ្គលិកជាប្រចាំដើម្បីឲ្យពួកគេមានកម្លាំងធ្វើការ ក៏ដូចជាចេះសហការគ្នា។ ក្នុងនាមជាចៅហ្វាយនាយ កុំភ្លេចឆ្លៀតពេលបណ្ដុះបណ្ដាលបុគ្គលិកឲ្យរីកចម្រើនដើម្បីជួយឲ្យអាជីវកម្មដំណើរការរលូននិងរក្សាកេរ្តិ៍ឈ្មោះបានយូរ។
៨. គិតគូរពីអតិថិជន
ចាប់ផ្ដើមប្រមូលមតិយោបល់របស់អតិថិជនពីអ្វីដែលពួកគេចូលចិត្តនិងមិនចូលចិត្តចំពោះហាងរបស់យើង។ ធ្វើការផ្លាស់ប្ដូរចំណុចអវិជ្ជមានដែលភ្ញៀវមិនពេញចិត្តដើម្បីបំពេញសេចក្ដីត្រូវការរបស់ពួកគេឲ្យបានច្រើនតាមដែលអាចធ្វើទៅបាន។ ទាំងនេះជាការបង្ហាញអតិថិជនថា អ្នកឲ្យតម្លៃនិងធ្វើតាមសេចក្ដីត្រូវការរបស់ម៉ូយ៕
ប្រែសម្រួល៖ សន្យា
ប្រភព៖ BND
ចុចអាន៖តាមពិតប្រវែងសក់ បង្ហាញពីចរិតលក្ខណៈទៀត?
ចុចអាន៖កែកំប៉ុងអាលុយមីញ៉ូមដែលប្រើរួចជារបស់មានប្រយោជន៍ក្នុងផ្ទះកាន់តែលេចធ្លោ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង