KPT+
៨ យ៉ាងត្រូវគិតមុនសម្រេចចិត្តបើកហាងកាហ្វេ
បច្ចុប្បន្ននេះឧស្សាហកម្មកាហ្វេកំពុងរីកដុះដាលខ្លាំង មិនមានអ្វីចម្លែកទេដែលមានហាងកាហ្វេតូចៗពាសពេញទីក្រុង ដើម្បីប្រកួតប្រជែងជាមួយស្លាកសញ្ញាធំៗ ដូចជា Starbucks!
នេះជារឿង ៨ យ៉ាងដែលអ្នកគួរដឹង មុននឹងបើកហាងកាហ្វេដោយខ្លួនឯង!
១. រៀបចំផែនការអាជីវកម្ម
គ្រប់អាជីវកម្មទាំងអស់សុទ្ធតែត្រូវមានផែនការណ៍ជាក់លាក់។ ដូចគ្នាដែរ មុនបើកហាងកាហ្វេផ្ទាល់ខ្លួន អ្នកត្រូវរៀបចំផែនការឲ្យបានលម្អិតនិងច្បាស់លាស់ ដោយគិតលើ ៣ចំណុចផ្សេងគ្នាគឺទីផ្សារ ហិរញ្ញវត្ថុ និងប្រតិបត្តិការ។
២. ត្រៀមដើមទុនចាប់ផ្ដើម
ការស្វែងរកថវិកាដើម្បីចាប់ផ្តើមបើកហាងកាហ្វេដោយខ្លួនឯង ជួនកាលវាពិបាក ដូច្នេះជាការសំខាន់ណាស់ដែលត្រូវមានប្រាក់ផ្ទាល់ខ្លួនមួយចំនួន! ភាគច្រើនអាជីវកម្មខ្នាតតូចថ្មី មិនទទួលបានផលចំណេញក្នុងរយៈពេល៦ខែដល់១ឆ្នាំនោះទេ។ ត្រូវប្រាកដថា មានប្រាក់គ្រប់គ្រាន់នៅក្នុងហោប៉ៅផ្ទាល់ខ្លួន ដើម្បីអាចរ៉ាប់រងបញ្ហាហិរញ្ញវត្ថុបាន ក្រោយចាប់ផ្តើមបើកហាងកាហ្វេរបស់អ្នក។
៣. ជ្រើសរើសទីតាំង
ដើម្បីឱ្យហាងកាហ្វេទទួលបានជោគជ័យ គឺត្រូវប្រាកដថា មានទីតាំងណាដែលភ្ញៀវងាយរក! ការស្វែងរកទីតាំងនឹងមិនងាយនោះទេ។ វាត្រូវការពេលវេលានិងការស្រាវជ្រាវ។ ប្រសិនបើទីផ្សារគោលដៅ ជានិស្សិតមហាវិទ្យាល័យ សូមជ្រើសរើសទីតាំងដែលនៅក្បែរបណ្ណាល័យឬកន្លែងសិក្សា។ ប្រសិនបើទីផ្សារគោលដៅ ជាអ្នកធ្វើការការិយាល័យ សូមជ្រើសរើសទីតាំងដែលនៅជិត និងចម្ងាយដើរងាយស្រួលពីអគារការិយាល័យរបស់ពួកគេ។
៤. រចនាបថរបស់ហាង
អ្នកត្រូវមានការគ្រោងទុកនូវទម្រង់ និងការតុបតែងហាងកាហ្វេដោយខ្លួនឯង ឬរកអ្នកជំនាញផ្នែករចនាហាងមកជួយ។ ហាងដែលអាចទាក់ទាញភ្ញៀវ គួរតែស្អាតប្លែក មានផាសុខភាព និងការច្នៃប្រឌិតថ្មី។
៥. គិតគូរពីអតិថិជន
ការចាប់ផ្តើមអាជីវកម្មមួយ មិនមែនជាដំណើរការត្រឹមតែ១ថ្ងៃនោះទេ។ វាត្រូវការពេលវេលា ថាមពល និងថវិកាច្រើនណាស់ដើម្បីទទួលបានប្រាក់ចំណេញ។ ចូរកុំខ្លាចក្នុងការឈោងចាប់អតិថិជន ជាពិសេសអ្នកជិតដិតដូចជា មិត្តភក្តិ និងក្រុមគ្រួសារ ដើម្បីទទួលបានការគាំទ្រពីពួកគេ។
៦. គិតគូអំពីកាហ្វេ
អាជីវកម្មរបស់អ្នកផ្តោតសំខាន់ទៅលើរឿងមួយគឺកាហ្វេ! ជាការចាំបាច់ក្នុងការជ្រើសរើសប្រភពកាហ្វេ និងរសជាតិរបស់វាដែលអាចទុកចិត្តបាន។ អ្វីដែលសំខាន់នោះគឺភ្លក្សរសជាតិកាហ្វេមុនពេលលក់ទៅឱ្យអតិថិជន។ ក្រៅពីយីហោកាហ្វេរបស់អ្នក រសជាតិក៏សំខាន់ណាស់ដែរ។ អ្នកអាចឱ្យមិត្តភក្តិ និងសមាជិកគ្រួសារ សាកល្បងរសជាតិជាមុនសិន ក៏ជាការល្អដែរ។
៧. ស្លាកសញ្ញា
ស្លាកសញ្ញានៃអាជីវកម្ម គឺជារឿងដំបូងដែលអតិថិជនបានឃើញ នៅពេលពួកគេដើរចូលហាង និងពេលដែលពួកគេយកកាហ្វេចេញទៅវិញ។ ស្លាកសញ្ញាគឺជាមុខមាត់របស់ក្រុមហ៊ុន ដែលអតិថិជនសម្គាល់ជាមួយម៉ាករបស់អ្នក។ ត្រូវប្រាកដថា ស្លាកសញ្ញាត្រូវមានលក្ខណៈផ្លូវការ សោភ័ណភាព និងប្លែកពីគេ។
៨. បង្កើតទីផ្សារ
ចាប់ផ្តើមធ្វើទីផ្សារមុនពេលអ្នកបើកអាជីវកម្ម! បង្កើតការផ្សព្វផ្សាយតាមបណ្តាញសង្គមនៅលើ Instagram ឬ Facebook Page ។ វិធីណាក៏ដោយដែលអ្នកគិតថា អាចធ្វើឱ្យអតិថិជនរំភើបដើម្បីសាកល្បងកាហ្វេរបស់យីហោអ្នក! អ្នកអាចផ្ដល់ជូនកាហ្វេ៥០កែវដោយឥតគិតថ្លៃ ការបញ្ចុះតម្លៃ៥០% ឬការទិញ១ថែម១ជាដើម៕
ប្រែសម្រួល៖ សន្យា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ