KPT+

មករៀនសរសេរបទបញ្ជាផ្ទៃក្នុងសម្រាប់ក្រុមហ៊ុន ឬសមាគម

បានផុស

៥ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

ច្បាប់ទម្លាប់ និងគោលការណ៍ផ្ទៃក្នុង ជាកត្តាចាំបាច់សម្រាប់គ្រប់គ្រងស្ថាប័ន និងតម្រូវឲ្យនាយកប្រតិបត្តិចេះបង្កើតដើម្បីអនុវត្តក្នុងក្រុមហ៊ុនទាំងមូល។ ប្រសិនបើលោកអ្នកទើបតែចាប់ផ្ដើមស្ថាប័នមួយថ្មីៗ លោកអ្នកអាចអានគន្លឹះខាងក្រោមនេះជាការបង្ហាញផ្លូវបានខ្លះៗ។

គោលការណ៍ផ្ទៃក្នុង

គ្រប់កន្លែងធ្វើការ ត្រូវតែចាប់ផ្ដើមការងារជាមួយគោលការណ៍ឯកជនភាពផ្ទៃក្នុងឲ្យបានច្បាស់លាស់ ពុំនោះទេភាពរញ៉េរញ៉ៃក្នុងក្រុមហ៊ុននឹងកើតមានក្នុងចំណោមបុគ្គលិក និងរវាងចៅហ្វាយនិងកូនចៅមិនខាន។

ខាងក្រោមនេះជាគោលការណ៍មួយចំនួនដែលគប្បីកំណត់សម្រាប់និយោជិក ក៏ដូចជាស្ថាប័នទាំងមូល៖

-កំណត់ត្រានិយោជិកដូចជា ព័ត៌មានផ្ទាល់ខ្លួន និងប្រវត្តិសុខភាពរបស់ពួកគេ

-អ៊ីមែលសម្រាប់បុគ្គលិក និងគោលការណ៍ណែនាំពីការប្រើប្រាស់អ៊ីនធឺណិតក្នុងក្រុមហ៊ុន

-គ្រប់គ្រងព័ត៌មានរបស់អតិថិជន

-កំណត់ប្រព័ន្ធផ្ទៃក្នុង ដូចជា ការអនុញ្ញាតនិងការទទួលខុសត្រូវពេលចូលប្រើឯកសារជាដើម។

-ច្បាប់ពីការប្រើប្រាស់សម្ភារក្រុមហ៊ុនដូចជា ទូរសព្ទ កុំព្យូទ័រ និងឧបករណ៍ផ្សេងទៀត

-ផលវិបាកសម្រាប់ការបំពានគោលការណ៍ថា តើនិយោជិកនឹងប្រឈមអ្វីខ្លះ?

-បង្កើតច្បាប់និងបទប្បញ្ញត្តិនានាពាក់ព័ន្ធការទទួលខុសត្រូវ ម៉ោងធ្វើការ និងទោសទណ្ឌ។ល។

ក្រោយកំណត់ពីគោលការណ៍ផ្ទៃក្នុងរួចរាល់ និយោជកត្រូវធ្វើការតាមដាន និងត្រួតពិនិត្យពីគោលនយោបាយភាពឯកជនជាមួយបុគ្គលិករបស់ខ្លួន តាមរយៈសំណួរមួយចំនួនរួមមាន៖

១. តើនិយោជិកបានអនុវត្តតាមគោលការណ៍ប្រើប្រាស់សម្ភារបានត្រឹមត្រូវដែរទេ?

២. តើនិយោជិកបានគោរពម៉ោងការងារបានល្អដែរអត់?

៣. តើក្រុមហ៊ុនបានចាត់ចែងឲ្យបុគ្គលិកមានសុវត្ថិភាពពេលប្រើទិន្នន័យដែរទេ? និងតើពួកគេមានបានបំពានលេខសម្ងាត់ក្រុមហ៊ុនដោយប្ដូរវាញឹកញាប់ឬអត់?

៤. តើបុគ្គលិកចូលរួមក្នុងកម្មវិធីបណ្ដុះបណ្ដាលបានទៀងទាត់ ដើម្បីបង្កើនបច្ចេកទេសផ្ទាល់ខ្លួនដែរឬទេ?

៥. តើក្រុមហ៊ុនបានបង្កើតផែនការឆ្លើយតបការរំលោភបំពានសុវត្ថិភាពក្នុងករណីក្រុមហ៊ុនឬអង្គភាពរបស់អ្នកជួបប្រទះនឹងការរំលោភទិន្នន័យដែរឬទេ?

៦. តើក្រុមហ៊ុនបានបង្កើតគោលការណ៍ណែនាំសុវត្ថិភាពសម្រាប់កុំព្យូទ័រនិងឧបករណ៍ ចល័តផ្សេងទៀតនៅពេលយកទៅកន្លែងឆ្ងាយដែរទេ?

៧. តើក្រុមហ៊ុនមាននីតិវិធីដើម្បីការពារអតីតបុគ្គលិក ពីការចូលប្រើកុំព្យូទ័រនិងឯកសារក្រដាសដែរឬទេ?

កម្រងសំណួរទាំងនេះជាការវាយតម្លៃលើការអនុវត្តគោលការណ៍ផ្ទៃក្នុងក្រុមក្នុងចំណោមនិយោជិក ក៏ដូចជាវាយតម្លៃក្រុមហ៊ុនផ្ទាល់ថា តើបានផ្ដល់អត្ថប្រយោជន៍គ្រប់គ្រាន់សម្រាប់បុគ្គលិកខ្លួនដែរទេ?