ស្ថានភាព​កំពុង​អាសន្ន មានជន​បន្លំបង្កើត​ផេកក្រសួងសុខាភិបាល

ភ្នំពេញ៖លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលបានស្នើសុំឲ្យអាជ្ញាធរមានសមត្ថកិច្ចចាត់វិធានការតាមផ្លូវច្បាប់ជាបន្ទាន់ ចំពោះជនដែលបានក្លែងបន្លំផេកហ្វេប៊ុករបស់ក្រសួង។

លោកជំទាវបានឲ្យដឹងថា «ក្រសួងសុខាភិបាលសូមប្រកាសច្រានចោលទាំងស្រុងនូវគេហទំព័រហ្វេប៊ុកផេកខាងក្រោមនេះ និងសូមបញ្ជាក់ថាគណនីហ្វេប៊ុកដែលមានឈ្មោះថាក្រសួងសុខាភិបាល covid 19 មានដាក់រូបខ្ញុំ វេជ្ជបណ្ឌិតឱវណ្ណឌីននេះមិនមែនជា ផេកផ្លូវការរបស់ក្រសួងនោះឡើយគឺជាផេកបន្លំទេ»។

រាល់ការផ្សព្វផ្សាយក្នុងទំព័រនេះក្រសួងមិនទទួលខុសត្រូវឡើយ។ ដូច្នេះសូមសាធារណជនមេត្តាកុំជឿលើការផ្សាយក្នុងទំព័រនេះឲ្យសោះ។

តាមការ​បញ្ជាក់របស់លោកជំទាវ ទំព័រហ្វេសប៊ុកផ្លូវការរបស់ក្រសួងគឺមានធិកពណ៌ខៀវនិងមានរូបអគារក្រសួងសុខាភិបាលមានដូចបង្ហាញជូនខាងក្រោមនេះស្រាប់៕

អត្ថបទ៖ សំអឿន