ព័ត៌មានជាតិ
កម្ពុជាផ្តើមបើកយុទ្ធនាការចាក់វ៉ាក់សាំងទ្រង់ទ្រាយធំចេញពីតំបន់ក្រហម
សម្តេចពិជ័យសេនា ទៀ បាញ៉ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៅព្រឹកថ្ងៃទី ៣០ ខែមេសានេះ បានអញ្ជើញជាអធិបតីភាពក្នុងពិធី បើកយុទ្ធនាការចាក់វ៉ាក់សាំងបង្ការជំងឺកូវីដ១៩ ទ្រង់ទ្រាយធំដល់ប្រជាពលរដ្ឋ នៅភូមិសាស្ត្រតំបន់ក្រហមក្នុងរាជធានីភ្នំពេញ។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា កាលពីថ្ងៃទី ២៧ ខែមេសា ឆ្នាំ ២០២១ បានប្រកាសឱ្យចាប់ផ្តើមបើកយុទ្ធនាការចាក់វ៉ាក់សាំងថ្នាក់ជាតិ ដោយឱ្យកម្លាំងកងទ័ពចេញធ្វើសកម្មភាពចាក់ស្រោច ផ្តើមចេញពីតំបន់ក្រហមក្នុងខណ្ឌ៤ រាជធានីភ្នំពេញ បន្ទាប់ពីស្ថានភាពឆ្លងរីករាលដាលក្នុងសហគមនៅបន្តកើនឡើងរៀបរាល់ថ្ងៃ។
តាមកម្មវិធីរបស់អនុគណៈកម្មការចំពោះកិច្ច បានបញ្ជាក់ថា កម្មវិធីបើក យុទ្ធនាការចាក់វ៉ាក់សាំងកូវីដ-១៩ ជូនប្រជាពលរដ្ឋនៅតំបន់ក្រហមនេះ រៀបចំ ឡើងនៅទីបញ្ជាការកងពលតូចលេខ៧០ ក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួង ការពារជាតិ ហើយនឹងមានរបាយការណ៍ពីនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងការប្តេជ្ញាចិត្តរបស់អង្គភាពប្រតិបត្តិការ យុទ្ធនាការចាក់វ៉ាក់សាំង។
ទីតាំងចាក់វ៉ាក់សាំងរួមមាន ខណ្ឌមានជ័យ ១ ស្ថិតនៅក្នុង សាលាបឋមសិក្សាស្ទឹងមានជ័យ (សង្កាត់ស្ទឹងមានជ័យ២)
សាលាបឋមសិក្សាសឡា (សង្កាត់ស្ទឹងមានជ័យ១) និងផ្សារបុរីលឹមឈាងហាក់ (សង្កាត់ស្ទឹងមានជ័យ៣)។ ចំណែកឯខណ្ឌពោធិ៍សែនជ័យ ស្ថិតនៅក្នុងសាលាបឋមសិក្សាគោកបញ្ជាន់ (សង្កាត់ចោមចៅ២) រោងចក្រសាន់តិច SUNTEX (សង្កាត់ចោមចៅ១) និងទីបញ្ជាការកងពល (សង្កាត់ចោមចៅ៣)។
យោងតាមបទបញ្ជារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា យុទ្ធនាការចាក់វ៉ាក់សាំងកូវីដ-១៩ ទ្រង់ទ្រាយធំ ជូនប្រជាពលរដ្ឋរស់នៅតំបន់ក្រហម នឹងចាប់បើកយុទ្ធនាការពីថ្ងៃទី១ ដល់ថ្ងៃទី៣០ ខែឧសភា ឆ្នាំ២០២១ រៀបចំដោយក្រសួងការពារជាតិ៕ អត្ថបទ៖កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ