កូវីដ-១៩

រដ្ឋបាលខេត្តឧត្តរមានជ័យ រកឃើញម្នាក់ទៀត ជាពលករខ្មែរ មកពីក្រុងបាងកកប្រទេសថៃ វិជ្ជមានកូវីដ-១៩

បានផុស

៥ years មុន

នៅ

ថ្ងៃពុធ ១២ ឧសភា ២០២១

ដោយ

ឧត្តរមានជ័យ ៖ នៅថ្ងៃទី១២ ខែឧសភា ឆ្នាំ២០២១ នេះជាលើកទី០៨ហើយ ដែលបានចេញសេចក្ដីប្រកាសព័ត៌មាន ស្ដីពីការរកឃើញ ករណីវិជ្ជមានកូវីដ១៩ម្នាក់ទៀតហើយ គឺជាពលករខ្មែរ មកពីក្រុងបាងកក ប្រទេសថៃ។

អ្នកដែលមានវិជ្ជមានកូវីដ១៩នេះ ឈ្មោះ ហេង វិឡា ភេទប្រុស អាយុ៣៥ឆ្នាំ មានទីលំនៅភូមិប៉ាក់ព្រី ឃុំបឹងដោល ស្រុកព្រះស្ដេច ខេត្តព្រៃវែង។

បច្ចុប្បន្ន អ្នកជំងឺកំពុងសម្រាកព្យាបាលនៅមន្ទីរពេទ្យបង្អែកខេត្តឧត្តរមានជ័យ។ គួរបញ្ជាក់ថា បើតាមសេចក្ដីប្រកាសព័ត៌មានរបស់រដ្ឋបាលខេត្ត បានឲ្យដឹងថា គិតត្រឹមថ្ងៃទី១២ ខែឧសភានេះ ខេត្តឧត្ដរមានជ័យមានអ្នកជំងឺកូវីដ១៩ចំនួន ៨នាក់ហើយ (ជាករណីនាំចូលពីក្រៅប្រទេស) បានព្យាបាលជាសះស្បើយចំនួន២នាក់ កំពុងសម្រាកព្យាបាលចំនួន៦នាក់។

រដ្ឋបាលខេត្តសូមអំពាវនាវដល់បងប្អូនប្រជាពលរដ្ឋទាំងអស់ឲ្យបន្តអនុវត្តតាមការណែនាំរបស់រាជរដ្ឋាភិបាល វិធានការរបស់ក្រសួងសុខាភិបាល និងសេចក្ដីណែនាំរបស់ខេត្តឲ្យបានម៉ឺងម៉ាត់ និងត្រូវប្រកាន់ខ្ជាប់នូវ ការរក្សាគម្លាត រក្សាអនាម័យ លាងដៃ ជាប្រចាំ៕

ដោយ ៖ ចាន់ ធី