ជីវិតកម្សាន្ដ

ណុប បាយ៉ារិទ្ធ កំពុងផ្ទុះការរិះគន់ច្រើន ព្រោះចំណងជើងបទចម្រៀងមួយបទ

បានផុស

៤ years មុន

នៅ

ថ្ងៃពុធ ១៩ ឧសភា ២០២១

ដោយ

មហាជននិងអ្នកគាំទ្រពិតជាបានដឹងហើយថា តារាចម្រៀងលោក ណុប បាយ៉ារិទ្ធ ទើបតែជាសះស្បើយពីជំងឺកូវីដ-១៩កាលពីថ្មីៗកន្លងមកនេះ។ ស្របពេលនេះដែរ លោកក៏ត្រូវបានក្រុមហ៊ុនលើក ទឹកចិត្តតាមរយៈការបញ្ចេញបទថ្មីមានចំណងជើងថា”វ៉ៃ៣ដងឲ្យ៥០០”។

ប៉ុន្តែយ៉ាងណាមិញ ភ្លាមៗនោះក៏ស្រាប់តែមានការលើកឡើងផ្សេងគ្នា ដោយខ្លះគាំទ្រ និងខ្លះទៀតមិនទាន់ទាំងបានស្ដាប់អត្ថន័យបទនេះផង ក៏បង្ហាញការមិនពេញចិត្តរហូតធ្វើការរិះគន់ឡើងស្ពឹកមុខតែម្តង។ ដោយខ្លះលើកឡើងថា ខ្វះណាស់អី ចំណងជើងបានជាដាក់បទអីចឹង?។ “ចុមវ៉ៃ៣ដងឲ្យ៥០០ចំណងជើងឡូយណាស់បង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកឯកហ្វេសប៊ុកឈ្មោះTevannara Tyបានលើកឡើងថា“បងមិនសំច្រៀងបទបែបនេះទេ ទោះអត្ថន័យយ៉ាងណាក៏ដោយ និយាយត្រង់ឃើញចំណងជើងហើយ ខ្ញុំខ្ពើមស្ដាប់ខ្លាំងណាស់”។ ឈ្មោះ Khun Sovanthyថា ”បទនេះបើចាំដល់រដូវស្រូវទុំចាំចេញទើបត្រូវ ព្រោះគេចាក់ដើម្បីបង្អើលចាបកុំឲ្យស៊ីស្រូវ”។

ចំណែកម្ចាស់គណនីហ្វេសប៊ុកឈ្មោះ Sok Cha nsy មិនខុសគ្នានោះទេ ក៏បានរិះគន់ថា ”វ៉ៃអ្នកនិពន្ធ ៣០០ដំបង អ្នកចម្រៀង១ដំបង ,បញ្ជាក់វ៉ៃ១ដំបង Freeថែម១០០០ដំបងទៀត”។

សូមបញ្ជាក់ថា បទ”វ៉ៃ៣ដងឲ្យ៥០០” ដែលច្រៀងដោយលោក ណុប បាយ៉ារិទ្ធ នោះ ត្រូវបានហង្សមាសបញ្ចេញលើផេករបស់ខ្លួនកាលពីរសៀលថ្ងៃទី១៧ ខែឧសភា ឆ្នាំ២០២១ ខណ:បទនេះនិពន្ធទំនុកច្រៀងដោយលោក លី ស៊ីនហួន ,និពន្ធបទភ្លេង និងសម្រួលតន្ដ្រី សាន់ សុវណ្ណឌីន ។ បទនេះទើបចេញជាAudio ប៉ុណ្ណោះ តែមានការិះគន់ច្រើនម្លឹងទៅហើយ ហេតុនេះគេចាំមើលថា ហង្សមាសនិងផលិតជាMVដែរឬយ៉ាង ណា?៕

អត្ថបទ ៖ ចាន់រ៉ា