ព័ត៌មានជាតិ

អភិបាលខេត្តព្រមានតែមួយថ្ងៃ នាយករងរដ្ឋបាលក្រុងច្បារមន ត្រូវដកតំណែង ក្រោយទាត់កញ្ច្រែងក្មេងស្រីលក់ព្រីង

បានផុស

៥ years មុន

នៅ

ថ្ងៃសៅរ៍ ២២ ឧសភា ២០២១

ដោយ

ក្រោយការព្រមានរបស់អភិបាលខេត្តកំពង់ស្ពឺរកអ្នកទទួលខុសត្រូវ ដែលប្រើហិង្សាលើក្មេងស្រីលក់ព្រីងនៅផ្សារច្បារមន លោក ឡាក់ ប៊ុនធីម នាយករង រដ្ឋបាលក្រុងច្បារមន ទទួលបន្ទុកប្រធានសណ្តាប់ធ្នាប់ផ្សារកំពង់ស្ពឺ ត្រូវបានអភិបាលក្រុងសម្រេចបញ្ចប់មុខតំណែងមកត្រឹមជាមន្ត្រីធម្មតា បន្ទាប់ប្រព្រឹត្តកំហុសទាត់កញ្ច្រែងព្រីងរបស់ក្មេងស្រីម្នាក់បណ្តាលឱ្យកំពប់លើដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀល ថ្ងៃទី២១ ខែឧសភា ឆ្នាំ២០២១នេះ លោក ហុក ម៉ារ៉ាឌី អភិបាលក្រុងច្បារមន បានចេញដីកាបញ្ចប់មុខតំណែងលោក ឡាក់ ប៊ុនធីម ពីនាយករង រដ្ឋបាលក្រុងច្បារមនមកត្រឹមជាមន្ត្រីរដ្ឋសាលាក្រុងធម្មតា។

កាលពីថ្ងៃទី១៩ ខែឧសភា ឆ្នាំ២០២១ កន្លងទៅនេះ លោក ឡាក់ ប៊ុនធីម មានតួនាទីជានាយករង រដ្ឋបាលក្រុងច្បារមន ទទួលបន្ទុករៀបចំសណ្តាប់ធ្នាប់ផ្សារកំពង់ស្ពឺ បានប្រើហិង្សាលើក្មេងស្រីម្នាក់ដែលលក់ព្រីង និងខ្នុរត្រង់ចំណុចជិតគល់ស្ពានថ្មចាស់បណ្តាលឲ្យរងការខួចខាត ធ្វើឱ្យមានការរិះគន់យ៉ាងខ្លាំងតាមបណ្តាញទំនាក់ទំនងសង្គមនានារហូតថ្នាក់ដឹកនាំខេត្តកំពង់ស្ពឺ៕ ដោយ៖ Dy Bunnara