KPT+
ហេតុអ្វីបានជាមេឃពេលខ្លះ ប្រែជាពណ៌ស្វាយ?
មិនមែនជារឿងចម្លែកទេ បើសិនយើងមើលឃើញមេឃពណ៌ខៀវស្រងាត់ប្រែមកជាពណ៌ស្វាយ ក្នុងកំឡុងពេលថ្ងៃលិច ឬពេលព្រះអាទិត្យរះ ជាដើម អ្នកខ្លះនិយាយថា បន្ទាប់ពីព្យុះកើតឡើងក្នុងតំបន់ណាមួយ នឹងមានការប្រែពណ៌បែបនេះ។
ប៉ុន្តែ តើអ្វីទៅ ដែលបណ្ដាលឲ្យមេឃមានពណ៌ស្វាយពិតប្រាកដ?
ដើម្បីបានយល់ពីមូលហេតុដែលពេលខ្លះមេឃមានពណ៌ស្វាយ យើងទាំងអស់គ្នាត្រូវយល់ពីមូលហេតុដែលមេឃមានពណ៌ខៀវជាមុនសិន។
តាមពិតទៅមេឃគឺមានពន្លឺពណ៌ស ប៉ុន្តែនៅពេលយើងសម្លឹងមើលតាមរយៈ prism (គឺជាធាតុអុបទិកដែលមានតម្លាភាពជាមួយនឹងផ្ទៃរាបស្មើដែលមានពន្លឺ។ ) យើងនឹងឃើញរលកនៃពន្លឺពណ៌ខុសៗគ្នាទាំងអស់ នៅក្នុងបណ្ដុំពណ៌ក្រហម ទឹកក្រូច លឿង បៃតង ខៀវ និងពណ៌ស្វាយ។
ពន្លឺធ្វើដំណើរតាមរលកនៃធាតុអាកាស
ពន្លឺនឹងធ្វើដំណើរក្នុងបន្ទាត់ត្រង់ លុះត្រាតែមានអ្វីមួយកើតឡើង។ ដូចជា prism ឬម៉ូលេគុលនៅក្នុងបរិយាកាស។ ឧស្ម័ននិងភាគល្អិតនៅក្នុងបរិយាកាសសាយភាយពន្លឺ ហើយចាប់តាំងពីពណ៌ខៀវធ្វើដំណើរលើរលកតូច វាបណ្ដាលឲ្យភាគល្អិតដែលត្រូវបានផ្លាស់ទីកាន់តែលឿន ខ្ចាត់ខ្ចាយពន្លឺកាន់តែច្រើន។ ដូច្នេះយើងឃើញពណ៌ខៀវច្រើនជាងពណ៌ក្រហម ពីព្រោះពណ៌ខៀវទទួលបានភាគល្អិតដំណើរការច្រើនជាងពណ៌ផ្សេងទៀត។ ភ្នែករបស់យើងក៏ងាយនឹងឃើញពន្លឺពណ៌ខៀវដែរ។
ទាក់ទងនឹងមុំ
ពណ៌ស្វាយតែងតែនៅទីនោះ ប៉ុន្តែយើងបែរជាមើលមិនឃើញវាទៅវិញ ដូច្នេះទើបកែវភ្នែកយើងមើលឃើញពណ៌ខៀវច្រើនជាងពណ៌ផ្សេង។ ប៉ុន្តែបើសិនអាកាសធាតុប្រែប្រួល ពណ៌ស្វាយនឹងលេចឡើងមក។ ក្នុងករណីខ្លះ វាជាបញ្ហានៃកន្លែងដែលព្រះអាទិត្យកំពុងជាប់នៅមុំជាក់លាក់ណាមួយ។ មួយចំនួននៃពណ៌ទាំងនោះដែលត្រូវបានរារាំងដោយពណ៌ខៀវ ដូចជាលឿង ក្រហម និងទឹកក្រូច ពួកវាលេចឡើងច្រើនតែក្នុងកំលុងពេលមានពន្លឺព្រះអាទិត្យចុះទាប។
សាស្ត្រាចារ្យឧតុនិយមនៅសាកលវិទ្យាល័យ Wisconsin-Madisonលោក Steven Ackerman, ពន្យល់ថា “ ដោយសារព្រះអាទិត្យទាប ហើយពន្លឺព្រះអាទិត្យឆ្លងកាត់ខ្យល់ច្រើននៅពេលថ្ងៃលិចនិងថ្ងៃរះជាងពេលថ្ងៃ និងពេលព្រះអាទិត្យខ្ពស់ជាងនៅលើមេឃ ។ បរិយាកាសកាន់តែច្រើន មានន័យថា ម៉ូលេគុលកាន់តែច្រើននឹងលុបបំបាត់ពណ៌ស្វាយនិងខៀវឲ្យចាកចេញចេញពីកែវភ្នែករបស់យើងដែលបានសម្លឹងមើល។ ពណ៌ផ្សេងទៀតបន្តដំណើរឆ្ពោះទៅភ្នែករបស់អ្នក។ នេះហើយជាមូលហេតុដែលព្រះអាទិត្យលិចជាញឹកញាប់មានពណ៌លឿងទឹកក្រូចនិងក្រហម។
មេឃពណ៌ស្វាយ
យោងតាមលោកស្រី Sarah Keith-Lucas មកពី BBC Weather បានឲ្យដឹងថា មូលហេតុដែលមេឃមានពណ៌ស្វាយគឺ “ ធូលីដីបំពុលដំណក់ទឹកនិងទម្រង់ពពក” អាចមានឥទ្ធិពលលើពណ៌មេឃផងដែរ។ ជួនកាលពណ៌ផ្កាឈូកនិងពណ៌ស្វាយនឹងលេចឡើងជាញឹកញាប់ជាងពណ៌ក្រហមនិងពណ៌ទឹកក្រូច ដោយសារផ្នែកខ្លះនៃ “ការបំភាន់អុបទិកនៃរលកពន្លឺពណ៌ផ្កាឈូក បំភ្លឺមូលដ្ឋាននៃពពក (ដោយសារតែមុំទាបនៃកាំរស្មីព្រះអាទិត្យ) ហើយពពកពណ៌ផ្កាឈូកទាំងនេះត្រូវបានដាក់នៅលើមេឃពណ៌ខៀវ នៃការរួមបញ្ចូលគ្នានៃពណ៌ផ្កាឈូកនិងពណ៌ខៀវងងឹត អាចធ្វើឱ្យផ្ទៃមេឃមានពណ៌ស្វាយជ្រៅ៕
ប្រែសម្រួល៖ សាង ស្រីល័ក្ខ
ចុចអាន៖ មកស្គាល់បុរសអ្នកមានបំផុតនៅវៀតណាម
ចុចអាន៖ហេតុអ្វីប្រជាជនប៊ូតាន អាចប្រកាន់ខ្ជាប់ទំនៀមទម្លាប់បានល្អ ទល់សម័យទំនើបនេះ?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ