ក្រុមហ៊ុនយក្សលំដាប់ពិភពលោកចំនួន២ ចូលរួមវិភាគទានជួយ វៀតណាម ទិញវ៉ាក់សាំងកូវីដ

ក្រុមហ៊ុន Samsung Electronics និង Toyota Motor ស្ថិតក្នុងចំណោមវិនិយោគិនអន្តរជាតិឈានមុខគេរបស់ប្រទេសវៀតណាម ដែលបានចូលរួមវិភាគទានដល់មូលនិធិវ៉ាក់សាំងកូវីដរបស់រដ្ឋាភិបាលទីក្រុងហាណូយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈប្រទេសនេះកំពុងប្រយុទ្ធប្រឆាំងនឹងការកើនឡើងនៃករណីឆ្លងវីរុស ក្រុមហ៊ុនផលិតពហុជាតិសាសន៍មកពីប្រទេសកូរ៉េខាងត្បូង ជប៉ុននិងតៃវ៉ាន់ដែលធ្វើប្រតិបត្តិការនៅក្នុងប្រទេសវៀតណាម ត្រូវបានគេផ្តោតនៅក្នុងបញ្ជីអ្នកបរិច្ចាគបរទេសធំៗ តបតាមការអំពាវនាវពីលោកនាយករដ្ឋមន្ត្រី Pham Minh Chinh ដែលសុំការបរិច្ចាគពីអង្គភាពនិងបុគ្គល បរទេសនិងក្នុងស្រុក។

គិតត្រឹមថ្ងៃអង្គារ មូលនិធិវ៉ាក់សាំងនេះ ទទួលបានទឹកប្រាក់ចំនួន៤.១ ទ្រីលានដុង (១៨០ លានដុល្លារអាមេរិក) ពីអង្គការនិងបុគ្គលចំនួន ២៣១,៤៧១ ព្រមទាំងការប្តេជ្ញាចិត្តជួយជាទឹកប្រាក់ចំនួន ៣,២ ទ្រីលានដុងពីម្ចាស់ជំនួយផ្សេងទៀតផងដែរ។

យោងតាមបញ្ជីមួយដែលចេញដោយក្រសួងហិរញ្ញវត្ថុកាលពីថ្ងៃសៅរ៍បានឲ្យដឹងថា ក្រុមហ៊ុន Samsung បានបរិច្ចាគប្រាក់ចំនួន៤០ពាន់លានដុង ចំណែកក្រុមហ៊ុន Toyota Motor និង Foxconn មួយៗ បរិច្ចាគប្រាក់ចំនួន១០ពាន់លានដុង៕

ប្រែសម្រួល៖ Vann Vann

ប្រភព៖ Asia Nikkei

ចុចអាន៖ មិនធម្មតាចំនួនចាក់វ៉ាក់សាំងការពារកូវីដនៅទូទាំងប្រទេស ចិន ត្រឹមពេលនេះ