ព័ត៌មានជាតិ

ខេត្តព្រះសីហនុ នឹងបើកយុទ្ធនាការចាក់ទ្រង់ទ្រាយធំ ក្រោយវ៉ាក់សាំងការពារជំងឺកូវីដ មកដល់ថ្ងៃទី២១ មិថុនានេះ

បានផុស

៥ years មុន

នៅ

ថ្ងៃចន្ទ ១៤ មិថុនា ២០២១

ដោយ

ដំណឹងរីករាយ បើមិនមានការកែប្រែទេនោះ នៅថ្ងៃទី២១ ខែមិថុនា ខាងមុខនេះ រាជរដ្ឋាភិបាលកម្ពុជានិងបញ្ជូនវ៉ាក់សាំងមកខេត្តព្រះសីហនុ ហើយក្នុងពេលជាមួយគ្នានេះ កម្លាំងកងយោធពលខេមរៈភូមិន្ទ ក៏បញ្ជូនមកជួយចាក់វ៉ាក់សាំងផងដែរ ដើម្បីបើកយុទ្ធនាការទ្រង់ទ្រាយធំ ចាក់វ៉ាក់សាំងជូនប្រជាពលរដ្ឋនៅទូទាំងខេត្ត ក្នុងនោះតំបន់ រោងចក្រ និងសហគ្រាស ហើយក្នុងតំបន់សេដ្ឋកិច្ច ក៏ត្រូវបើកយុទ្ធនាការព្រមគ្នាដែរ ដោយត្រូវបន្តសហការជាមួយមន្ទីរការងារ ព្រោះតំបន់សេដ្ឋកិច្ចពិសេសក្រុងព្រះសីហនុ ក៏ដូចតំបន់សេដ្ឋកិច្ចពិសេស ចេជាង ស្រុកព្រៃនប់ ក៏បើកដំណើរការចាក់វ៉ាក់សាំងតែមួយសប្ដាហ៍ឱ្យហើយតែម្តង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការលើកឡើងរបស់លោក គួច ចំរើន អភិបាលខេត្តព្រះសីហនុ នៅព្រឹកថ្ងៃទី១៤ ខែមិថុនា ឆ្នាំ២០២១ នៅក្នុងឱកាសអញ្ជើញទទួលជួប លោក CAO JIANJIANG អគ្គនាយកតំបន់សេដ្ឋកិច្ចពិសេសក្រុងព្រះសីហនុ នៅសាលាខេត្តព្រះសីហនុដែលបាននាំយកថវិការបស់រោងចក្រ សហគ្រាសតំបន់សេដ្ឋកិច្ចពិសេសក្រុងព្រះសីហនុ ចំនួន ២៦.២០០ដុល្លារ ឧបត្ថម្ភជូនដល់រដ្ឋបាលខេត្តព្រះសីហនុ ដើម្បីចូលរួមប្រើប្រាស់ក្នុងវិធានការប្រយុទ្ធប្រឆាំងជំងឺកូវីដ-១៩ក្នុងព្រឹត្តិការណ៍សហគមន៍២០កុម្ភៈ៕