ព័ត៌មានអន្ដរជាតិ
សមាជិកព្រឹទ្ធសភាអាមេរិកព្យាយាមបញ្ឈប់កិច្ចប្រឹងប្រែងលក់អាវុធរបស់លោក Trump ដល់អារ៉ាប់រួម
សមាជិកព្រឹទ្ធសភាអាមេរិក ៣ រូបបាននិយាយកាលពីថ្ងៃពុធថា ពួកគេនឹងណែនាំច្បាប់ដើម្បីព្យាយាមបញ្ឈប់កិច្ចប្រឹងប្រែងរបស់រដ្ឋបាលលោក Trump ក្នុងការលក់យន្តហោះដ្រូនតម្លៃជាង ២៣ ពាន់លានដុល្លារ និងប្រព័ន្ធអាវុធដទៃទៀតទៅឲ្យប្រទេសអារ៉ាប់រួម មុនពេលដែលគាត់ត្រូវចាកចេញការិយាល័យនៅប៉ុន្មានសប្ដាហ៍ខាងមុខនេះ ។
សមាជិកព្រឹទ្ធសភាប្រជាធិបតេយ្យលោក Bob Menendez និងលោក Chris Murphy និងសមាជិកព្រឹទ្ធសភាសាធារណរដ្ឋលោក Rand Paul នឹងណែនាំនូវដំណោះស្រាយចំនួន ៤ ដាច់ដោយឡែកពីគ្នានៃការមិនយល់ព្រមចំពោះផែនការរបស់ប្រធានាធិបតី Donald Trump ក្នុងការលក់យន្តហោះដ្រូន យន្តហោះចម្បាំង F-35 និងមីស៊ីលបាញ់ពីលើអាកាស និងមីស៊ីលផ្សេងទៀតដែលមានតម្លៃជាង ២៣ ពាន់លានដុល្លារទៅឲ្យអារ៉ាប់រួម ។
ការលក់ដ៏ច្រើននេះអាចផ្លាស់ប្តូរតុល្យភាពអំណាចនៅមជ្ឈឹមបូព៌ា ហើយសមាជិកសភាបានធ្វើខុសលើការប៉ុនប៉ងរបស់រដ្ឋបាលលោក Trump ដើម្បីជំរុញការលក់នេះដោយបានផ្ញើសេចក្តីជូនដំណឹងជាផ្លូវការទៅសភាកាលពីសប្តាហ៍មុន ។
សមាជិកសភាជាច្រើនមានការព្រួយបារម្ភផងដែរអំពីថាតើប្រទេសអារ៉ាប់រួមនឹងប្រើប្រាស់អាវុធទាំងនេះក្នុងការវាយប្រហារដែលនឹងបង្កគ្រោះថ្នាក់ដល់ជនស៊ីវិលនៅក្នុងប្រទេសយេម៉ែនដែលសង្គ្រាមស៊ីវិលត្រូវបានគេចាត់ទុកថាជាគ្រោះមហន្តរាយមនុស្សធម៌ដ៏អាក្រក់បំផុតមួយរបស់ពិភពលោក ។
នៅពេលកិច្ចព្រមព្រៀងត្រូវបានប្រកាសអង្គការលើកលែងទោសអន្តរជាតិបានព្រមានថា អាវុធទាំងនេះនឹងត្រូវប្រើសម្រាប់ការវាយប្រហារដែលរំលោភលើច្បាប់មនុស្សធម៌អន្តរជាតិ ហើយនិងបណ្ដាលមានការស្លាប់ក៏ដូចជាធ្វើឲ្យជនស៊ីវិលយេម៉ែនរាប់ពាន់នាក់រងរបួស ។
គួរបញ្ជាក់ថា ការលក់នេះរួមមានអាវុធមកពីក្រុមហ៊ុន General Atomics យន្តហោះចម្បាំង F-35s របស់ក្រុមហ៊ុន Lockheed Martin Corp និងមីស៊ីលផលិតដោយក្រុមហ៊ុន Raytheon ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ អ្នកស្លាប់ដោយសារកូវីដនៅសហរដ្ឋអាមេរិកកើនលើស ២៥ ម៉ឺននាក់
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»