Connect with us

ព័ត៌មានជាតិ

ទំនាស់​ដី​ផ្លូវ​លើ​ខ្នង​ប្រឡាយ​រវាង​ពលរដ្ឋ​ជាង​៥០​គ្រួសារ ជាមួយ​ពលរដ្ឋ​មួយ​គ្រួសារ អាជ្ញាធរ​ហាក់​ដោះស្រាយ​មិន​ចេញ

បានផុស

នៅ

កំពត ៖ ទំនាស់​ដី​លើ​ខ្នង​ប្រឡាយ​ដ៏​រ៉ាំរ៉ៃ​រវាង​ប្រជាពលរដ្ឋ​ជាង​៥០​គ្រួសារ ជាមួយ​ពលរដ្ឋ​មួយ​គ្រួសារ ដែល​ស្ថិតនៅ​ក្នុងភូមិ​ឈើទាល​ជ្រំ ឃុំ​ត្រមែង ស្រុក​ឈូក ខេត្តកំពត រហូតដល់​ពេលនេះ​អាជ្ញាធរ​នៅតែ​មិនទាន់​មាន​ដំណោះស្រាយ បើ​ទោះជា​ភាគី​មួយ​គ្រួសារ​រំលោភបំពាន និង​បិទផ្លូវ​មិន​ឲ្យ​ពលរដ្ឋ​រាប់​រយ​នាក់​ធ្វើដំណើរ​ឆ្លងកាត់​បែបនេះ​ក៏ដោយ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ការ​អះអាង​ពី​តំណាង​ពលរដ្ឋ​ជាង​៥០​គ្រួសារ​ខាងលើ បាន​ប្រាប់​ឲ្យ​ដឹងថា រឿងរ៉ាវ​វិវាទ​នេះ​ដើមចម​ដំបូង​គឺ​ពួកគាត់​បាន​រៃអង្គាស​គ្នា​ទិញ​ដី​ចាក់​ធ្វើ​ផ្លូវ​លើ​ដី​ចំណី​ប្រឡាយ​ទឹក​(​លើ​ខ្នង​ប្រឡាយ​)​ដោយបាន​សុំច្បាប់​អនុញ្ញាត​ពី​អាជ្ញាធរ​មូលដ្ឋាន​ផងដែរ​។

លុះ​ពេល​ពួកគាត់​ធ្វើ​ផ្លូវ​ជិត​ដល់​ចំណុច​ច្រកចេញ​ទៅ​ហើយ ស្រាប់តែ​ពលរដ្ឋ​មួយ​គ្រួសារ​មករា​រាំង​ថែមទាំង​យក​បង្គោល​បោះ​របង​បំបិទ​ដី​ខ្នង​ប្រឡាយ មិន​ឲ្យ​ពួកគាត់​ធ្វើ​ផ្លូ​វចេញ​ចូល​ឡើយ​។ បន្ទាប់ពី​មាន​បញ្ហា​បែបនេះ​ពួកគាត់​បាន​ទៅប្តឹង​អាជ្ញាធរ​ឃុំ និង​ស្រុក​ឲ្យ​ជួយ​អន្តរាគមន៍ ប៉ុន្តែ​រហូតមក​ដល់ពេលនេះ​រយៈពេល​ជាង​២​ឆ្នាំ​ហើយ ដែល​អាជ្ញា​ថ្នាក់ឃុំ ថ្នាក់ស្រុក​មិនទាន់មាន​ដំណោះស្រាយ​។

តំណាង​ពលរដ្ឋ​ខាងលើ​បាន​បន្ថែម​ថា បើ​អាជ្ញាធរ​នៅតែ​ពន្យារ​ពេល​មិន​ព្រម​រក​វិធី​ដោះស្រាយ​ទេ ប្រជាពលរដ្ឋ​ជាង​៥០​គ្រួសារ​ខាងលើ ពិតជា​ពិបាក​រក​ផ្លូវចេញចូល ព្រោះ​អ្នករស់នៅ​តំបន់​នោះ​បើ​ចង់​ធ្វើដំណើរ​ទៅណា​មក​ណា​ត្រូវ​ចុះ​ទឹក​ឆ្លង​ប្រឡាយ ពិសេស​ក្មេងៗ​សិស្សសាលា និង​លោកតា​លោកយាយ​មិនបាន​ទៅ​ធ្វើ​បុណ្យទាន​នៅ​ទី​វត្ត​អារាម ហើយ​អ្នក​ដែលមាន​ម៉ូតូ​រថយន្ត​ត្រូវដាក់​ផ្ញើ​ផ្ទះ​គេ​ទាំងយប់​ទាំង​ថ្ងៃ​នៅ​ផ្នែក​ម្ខាង​ទៀត​នៃ​ប្រឡាយទឹក​។

ចំពោះ​បញ្ហា​ដូច​ខាង​លើ ប្រជាពលរដ្ឋ​ជាង​៥០​គ្រួសារ សំណូមពរ​ដល់​អាជ្ញាធរ​គ្រប់​ជាន់ថ្នាក់ ពិសេស ឯកឧត្តម ជាវ តា​យ អភិបាល​ខេត្តកំពត សូមជួយ​ជំរុញ​ដល់​មន្ត្រីក្រោម​ឱវាទ ដើម្បី​រក​ដំណោះ​ស្រាយ​ឲ្យ​ពួកគាត់​មាន​ផ្លូវ​ចេញ​ចូល​បាន​ស្រួល​ផង​។

ទាក់ទង​នឹង​រឿងរ៉ាវ​ទំនាស់​នេះ លោក អ៊ួ​ន ត្រេ​ន មេឃុំ​ត្រមែង បាន​ប្រាប់​ឲ្យ​ដឹង​នៅ​រសៀល​ថ្ងៃទី​១៩ ខែវិច្ឆិកា ឆ្នាំ​២០២០ នេះ​ថា តាមពិត​រឿង​នេះ​គាត់​ដឹង​ថា​ ភាគី​មួយ​គ្រួសារ​ពិតជា​រំលោភបំពាន​យក​ដី​ចំណី​ប្រឡាយ​ថែមទាំង​រារាំង​មិន​ឲ្យ​ពលរដ្ឋ​ជាង​៥០​គ្រួសារ ធ្វើដំណើរ​ឆ្លងកាត់​ប្រាកដ​មែន​។​ ដូច្នេះ​ក្នុងនាម​ជា​អាជ្ញាធរ​មូលដ្ឋាន លោក​នឹង​រក​ដំណោះស្រាយ​ដើម្បី​បញ្ចប់​វិវាទ​ក្នុង​រយៈពេល​ខ្លី​ខាងមុខ​។​

ដោយឡែក លោក ឡុង ទូច អភិបាលរង​ស្រុក​ឈូក ទទួលបន្ទុក​ដោះស្រាយ​ដី​ទំនាស់​ថ្នាក់ស្រុក​បាន​ប្រាប់​ឲ្យ​ដឹង​នៅ​រសៀល​ថ្ងៃ​ដដែល​ថា ករណីនេះ​វា​កើតឡើង​ជាង​២​ឆ្នាំ​មក​ហើយៗ​កន្លងមក​លោក​ក៏បាន​ដឹកនាំ​កម្លាំង​ជំនាញ​មក​ដោះស្រាយ​ដែរ ប៉ុន្តែ​ភាគី​មួយ​គ្រួសារ​នោះ​ហាក់​មានការ​រឹងរូស​មិន​ព្រម​ឲ្យ​ពលរដ្ឋ​ធ្វើដំណើរ​ចេញចូល ដោយ​ភាគី​បំពាន​សំអាង​ហេតុផល​ថា គាត់​រស់នៅ​ចំណុច​ខ្នង​ប្រឡាយ​នេះ​យូរណាស់​មក​ហើយ ថែមទាំង​បាន​តតាំង​ជាមួយ​កម្លាំង​អាជ្ញាធរ ទើប​កម្លាំង​ដកថយ​វិញ​។ ​ប៉ុន្តែ​ទោះជា​បែប​ណា​លោក​នឹង​រក​វិធានការ​ដើម្បី​ដោះស្រាយ​បញ្ចប់ទំនាស់​នៅពេល​ខាងមុខនេះ​៕
ដោយ ៖ សេង ណា​រិ​ទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

ប្រជាពលរដ្ឋចាប់បានក្រពើមួយក្បាលក្នុងស្ទឹងសង្កែ

ព័ត៌មានជាតិ៧ នាទី មុន

មន្ត្រីជាន់ខ្ពស់ក្រសួងរៀបចំដែនដី ជំរុញអាជ្ញាធរមូលដ្ឋានដោះស្រាយការចុះបញ្ជីដីពាក់ព័ន្ធបុរាណដ្ឋានដែលនៅសល់ក្នុងខេត្តសៀមរាប

ព័ត៌មានជាតិ១៣ នាទី មុន

និស្សិតកម្ពុជា៣៤រូប បានជាប់អាហារូបករណ៍ទៅបន្តការសិក្សានៅប្រទេសជប៉ុន

ព័ត៌មានជាតិ១៨ នាទី មុន

ដេប៉ូស្តុកខ្សាច់ គ្រួស ៦កន្លែង ក្នុងឃុំទន្លេបិទ រងការរិះគន់ការដឹកចែកចាយរំលោភការអនុញ្ញាត

ព័ត៌មានជាតិ២០ នាទី មុន

សម្ដេចធិបតី និងលោកជំទាវបណ្ឌិត ចាត់ឲ្យគ្រូពេទ្យឯកទេស ព្យាបាលស្ត្រីម្នាក់ ដែលកើនជាតិពុលក្នុងក្រពេញពកក ឬ ក្រពេញទីរ៉ូអ៊ីត

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១៩ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម