Connect with us

ព័ត៌មានអន្ដរជាតិ

បុរសដែលល្បីថាជាមហាសេដ្ឋីពីការលក់ដុំអាច៍ផ្កាយ កំពុងរស់នៅលាក់ខ្លួន

បានផុស

នៅ

អ្នកធ្វើមឈូសជនជាតិឥណ្ឌូណេស៊ីម្នាក់ដែលក្លាយជាប្រធានបទក្ដៅលើបណ្ដាញសារព័ត៌មានពិភពលោក ក្រោយហេតុការណ៍ធ្លាក់អាចម៍ផ្កាយមួយដុំមកលើផ្ទះរបស់គាត់កំពុងរស់នៅលាក់ខ្លួន បន្ទាប់ពីប្រព័ន្ធផ្សព្វផ្សាយជាច្រើនបានរាយការណ៍ថា ដុំថ្មដែលធ្លាក់ពីអវកាសទំហំ ២.២ គីឡូក្រាមមានតម្លៃលើសពីអ្វីដែលបុរសអាយុ ៣៣ ឆ្នាំបានចំណាយក្នុងជីវិត ។

លោក Josua Hutagalung បានទទួលប្រាក់ចំនួន ២១៤ លានរូពី (ប្រហែល ១៥,០៩០ ដុល្លារអាមេរិក) សម្រាប់ដុំអាចម៍ផ្កាយដែលបានធ្លាក់ចូលក្នុងផ្ទះរបស់គាត់កាលពីថ្ងៃទី ១ ខែសីហា បន្ទាប់ពីលោកបានថតហេតុការណ៍នេះនៅក្នុងវីដេអូដែលត្រូវបានបង្ហោះចូលក្នុងគណនីហ្វេសប៊ុករបស់លោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការបង្ហោះវីដេអូនោះ លោក Jared Collins ជាពលរដ្ឋអាមេរិកាំងរស់នៅកោះបាលី បានធ្វើដំណើរទៅផ្ទះរបស់លោក Hutagalung នៅភូមិ Sutahan Barat ក្នុងទីក្រុង Central Tapanuli នៃខេត្ត North Sumatra នៅថ្ងៃទី ៧ ខែសីហា និងពិនិត្យមើលភាពត្រឹមត្រូវរបស់ដុំថ្មនេះ ។

លោក Hutagalung បានប្រាប់ប្រព័ន្ធផ្សព្វផ្សាយ បន្ទាប់ពីនោះថា លោកបានចាត់ទុកទឹកប្រាក់ដែលលោកទទួលបានពីលោក Collins ថាជាភ័ព្វសំណាងដ៏ធំមួយ ហើយលោកបានចែកថវិកាមួយចំនួនដល់ក្រុមគ្រួសាររបស់លោកក៏ដូចជាចំណាយសម្រាប់ព្រះវិហារថ្មីមួយដែលត្រូវបានសាងសង់នៅក្នុងភូមិរបស់លោក ។

ទោះយ៉ាងណាក៏មានការចុះផ្សាយមួយចំនួនបានរាយការណ៍ថា តម្លៃពិតនៃដុំអាចម៍ផ្កាយនេះគឺជិតដល់ ២.៦ ពាន់លានរូពី (១.៧ លានដុល្លារអាមេរិក) ។ ប៉ុន្តែលោកស្រី Chairani អ្នកនាំពាក្យទីភ្នាក់ងារទំនាក់ទំនងសាធារណៈដែលលោក Hutagalung បានជួលឲ្យនិយាយជំនួសគាត់បាននិយាយថា តម្លៃនេះគ្រាន់តែជាការប៉ាន់ស្មានប៉ុណ្ណោះ បន្ទាប់ពីការគណនាតម្លៃនៃដុំអាចម៍ផ្កាយក្នុងមួយក្រាម ។

លោកស្រី “បច្ចុប្បន្នមិនមានតម្លៃអាចម៍ផ្កាយបែបនេះនោះទេ ហើយជាការពិតគ្មានអ្នកប្រមូលទិញនឹងចំណាយថ្លៃនេះនោះទេ ។ តម្លៃដែល Hutagalung បានទទួលគឺជាផ្នែកមួយនៃកិច្ចព្រមព្រៀងរវាងអ្នកទិញនៅសហរដ្ឋអាមេរិក ខណៈលោក Collins មិនមែនជាអ្នកទិញនោះទេ គាត់គ្រាន់តែជាអន្តរការីម្នាក់ដែលវាយតម្លៃភាពត្រឹមត្រូវនៃអាចម៍ផ្កាយ ហើយបានបញ្ជូនវាទៅឲ្យបុរសម្នាក់ទៀតឈ្មោះ Jay Piatek ដែលជាអ្នកចូលចិត្តប្រមូលទិញរបស់របរមកពីសហរដ្ឋអាមេរិក” ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៤ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ២០ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម